სამი მეგობარი
სამი მეგობარი — ერიხ მარია რემარკის რომანი, რომელიც მწერალმა 1936 წელს ემიგრაციაში ყოფნისას დაწერა და ეხება დაკარგული თაობის პრობლემატიკას.
- თავდაპირველი ის არის, რომ გულტან ახლოს არაფერი მიიკარო, რასაც მიიკარებ, მიიღებ, მის შენარჩუნებასაც ეცდები. შენარჩუნება კი არაფრისა არ შეიძლება.
- დღეს მთავარი ისაა, რომ თავდავიწყება შესძლო და არ იფიქრო!
- პატიება არასოდეს არ ითხოვო, ბიჭუნი! კრინტი არ დასძრა. გაუგზავნე ყვავილები. წერილების გარეშე, მხოლოდ ყვავილები. ისინი ყველაფერს ფარავენ, საფლავებსაც კი.
- რატომ არის, რომ ძეგლებს უგებენ ზოგიერთ ადამიანებს და მთვარეს ან აყვავილებულ ხეს კი არა?
- ის ვინც მარტოხელაა, მას ვერც მიატოვებენ.
- სიყვარულისთვის აუცილებელია გარკვეული გულუბრყვილობა.
- ჩვენ ყველანი ილუზიებითა და ვალებით ვცხოვრობთ.
- რაც უფრო ნაკლები იცი, მით უფრო იოლია ცხოვრება. ცოდნა ადამიანს ათავისუფლებს, მაგრამ აუბედურებს კიდეც.
- მასში რარაც იყო იმ იდუმალი მყუდროებისა, რაც მარტოოდენ ბუნებისთვის - ხეებისთვის, ღრუბელთათვის, ცხოველთათვის - ზოგჯერ კი ქალისთვისაც არის დამახასიათებელი.
- სიცივე სევდას ჰგვრის ადამიანს.
- ადამიანის სიცოცხლე ძალიან ხანგრძლივია ერთი სიყვარულისთვის.
- სიყვარული მშვენიერი რამ არის, მაგრამ ორთაგან ერთ-ერთი ყოველთვის მოიწყენს ხოლმე.
- სიყვარულის გარეშე ადამიანი ხომ იგივეა, რაც შვებულებაში გასული მიცვალებული.
- თქვენ წერილებს როდი წერთ - ტელეფონით რეკავთ; თქვენ აღარ ოცნებობთ - ქალაქგარეთ დასეირნობთ შაბათ ღამეს; სიყვარულში გონებას აქსოვთ და პოლიტიკაში უგუნურობას - საცოდავი ხალხი ხართ!
- ნამდვილ ჯენტლმენს როგორ გამოიცნობენ ხოლმე, იცი? როცა გამოთვრება, თავი წესიერად უჭირავს.
- ყოველ სიყვარულს მარადიულობა სწადია და სწორედ ეს არის სიყვარულის მარადიული წამება. მყარი ამ ქვეყნად არაფერი, არაფერი არ იყო.
- ტაქტი -ეს გახლავთ დაუწერელი შეთანხმება სხვისი შეცდომების შეუმჩნევლობისა და მათი გაუსწორებლობის შესახებ, ესე იგი საცოდავი კომპრომისი.
- ქვეყნად ყველაზე მძიმე ავადმყოფობა არის აზროვნება! ის განუკურნებელია.
- დასრულებული ქალები მალე ბეზრდებათ მამაკაცებს, სრულყოფილნიც ასევე, „ფრაგმენტები“ კი - არასოდეს.
- ადამიანი მხოლოდ წოლის დროს ეგუები საკუთარ არსებას მთელი სისრულით.
- ადამიანი ყოველთვის დიადია თავისი განზრახვებით და არა მათი განხორციელებით. სწორედ ამით არის იგი მომხიბვლელი.
- მამაკაცს სიყვარულისთვის არსებობა არ შეუძლია, მაგრამ სხვა ადამიანისთვის სიცოცხლე კი ძალუძს.
- ძნელია სიტყვების მონახვა, როცა ჭეშმარიტად რამე გაქვს სათქმელი.
- როცა ადამიანს მიზანი აქვს დასახული, მაშინ ცხოვრება მეშჩანური, შეზღუდული ხდება.
- ასე ვფიქრობდი, რომ ქალი არაფერს არ უნდა ეუბნებოდეს მამაკაცს იმის შესახებ, რომ იგი უყვარს. ეს, დაე, მისმა გაბრწყინებულმა, ბედნიერმა თვალებმა თქვან. ისინი ყველა სიტყვაზე უფრო მჭერმეტყველნი არიან.
- - ლოდინი ყველაზე საშინელი გრძნობაა.
- - საშინელება სწორედ ის არის, როცა არავის და არაფერს არ ელოდები.
- რამდენადაც უფრო კარგად იცნობენ ადამიანები ერთმანეთს, მით უფრო მეტია მათ შორის გაუგებრობა და უთანხმოება და რაც უფრო მეტად უახლოვდებიან ისინი ერთმანეთს, მით უფრო უცხონი ხდებიან ურთიერთთათვის.
- ადამიანს მხოლოდ მაშინ კარგავ, როცა იგი ამ ქვეყანას გამოეთხოვება.
- ვიდრე ადამიანი ტავის ბედს არ ნებდება, ის ტავის ბედზე უფრო ძლიერია.
- ცხოვრებაში მეტად შორს არ უნდა იხედებოდე წინ.
- მარტოოდენ უბედურთ იციან, თუ რა არის ბედნიერება. ბედნიერი ადამიანი კი ისევე შეიგრძნობს ბედნიერებას, როგორც მანეკენი; ის მხოლოდ სხვას ანიჭებს ამ სიხარულს, თვითონ კი იგი არ გააჩნია. სინათლე არ ანათებს როცა ნათელია, სინათლე მხოლოდ სიბნელეში ანათებს.
- მარტოობას გაცილებით ადვილად იტანს ადამიანი, როცა მას არავინ არ უყვარს.
- ცხოვრება ისე უნდა იყოს მოწყობილი, რომ მარტოოდენ ეულნი კვდებოდნენ. ან კიდევ, როცა ერთმანეთი სძულთ და არა მაშინ, როცა უყვართ.