ტერენტი გრანელი

ვიკიციტატიდან

ტერენტი სამსონის ძე გრანელი (ნამდვილი გვარი კვირკველია), (დ. 25 ნოემბერი, 1897, ახლანდელი ქ. წალენჯიხა ― გ. 10 ოქტომბერი, 1934, თბილისი) — ქართველი პოეტი.

ციტატები[რედაქტირება]

  •  

გახსოვდეთ, რომ თქვენ სამშობლო გავალებთ თქვენი მშობლიური ენის შესწავლას. ამისათვის, ჩემი აზრით, წერაც ზედმეტია.

  ციტატის წყარო: ადრეული პატრიოტული მოღვაწეობა

  •  

ეროვნული თავისუფლება ეს უდიდესი პრობლემაა ამა თუ იმ ერის ცხოვრებაში. დაე ყველამ გაიგოს, რომ ჩვენ გვწყურია თავისუფალი ცხოვრება, და არავის ნებას არ მივცემთ აბუჩად აიგდოს ჩვენი უზენაესი უფლებები.

  ციტატის წყარო: ადრეული პატრიოტული მოღვაწეობა

  •  

მეც პატარა, ობოლი მარცვალი, სამყაროს უმცირესი ნაწილი ვარ.

  ციტატის წყარო: კარიერა

  •  

დავტოვებ მიწას, ცის კიდურზე ვიპოვი ბინას
წვიმის წყალს დავლევ, ღრუბელს შევჭამ,
მაგრამ რა ვუყო, მე შენს გამო სამყარო მინდა.

  ციტატის წყარო: „ეჭვიანობა ვნებაზე“

  •  

არა აქვს აზრი ასაკს და წონას,
არც შავს არც ქერას კაცი არ ინდობს,
მაგრამ თვალების მაგიჟებს ფერი,
თითქოს მუმიად გადავიქეცი,
ამ პირამიდამ კი დამიმონა.

  ციტატის წყარო: „ეჭვიანობა ვნებაზე“

  •  

პარასკევს ღამით მე დავიბადე,
პარასკევს ღამით მოვკვდები ახლა,
ღრუბლად მედება შეშლილი სახე
მწვანე სიმწვავე საწოლში მმარხავს,
ჩვენ გალეშილი მდედრი და მამრი
მივექანებით ვნებათა ძაბრში
ერთხანს მიპირებს დახრჩობას ქამრით,
ახლა ეშვები ჩამავლო ყბაში.

  ციტატის წყარო: „ეჭვიანობა ვნებაზე“

  •  

პარასკევს ღამით აივსო მთვარე,
ვნებით ათლილი კბილებით ყელში,
სისხლის ალერსი საამოდ მწარე,
თვალის სინათლე დავკარგე ბნელში.

  ციტატის წყარო: „ეჭვიანობა ვნებაზე“

  •  

სადღაც სდუმს მთები, სადღაც ნისლია,
ვერ გადურჩები სულის წვალებას
მე რომ გაფრენა არ შემიძლია
ეს უკვე ნიშნავს გარდაცვალებას.

  ციტატის წყარო: „ეს უკვე ნიშნავს გარდაცვალებას“

  •  

სადღაც სდუმს დილა, სადღაც ძილია,
გზა გაიარეს სადღაც ქალებმა.
ჩემი სხეული რომ დაღლილია,
ეს უკვე ნიშნავს გარდაცვალებას.

  ციტატის წყარო: „ეს უკვე ნიშნავს გარდაცვალებას“

  •  

და სადღაც ბაღთან ვიღაც იცდიდა,
და უცებ ზეცა ნახეს თვალებმა.
რომ ვერ შევძელი გასვლა მიწიდან-
ეს უკვე ნიშნავს გარდაცვალებას.

  ციტატის წყარო: „ეს უკვე ნიშნავს გარდაცვალებას“

  •  

ახლა უფრო ხშირია შეცდომების დაშვება,
ახლა მოდის ივნისი, ირგვლივ მწვანე მოლია.
ჩემი წმინდა სახელი პოეზიას დარჩება,
ჩემი გული და სისხლი - ეს „Memento mori“-ა.

  ციტატის წყარო: „MEMENTO MORI“

  •  

დღეს სამია ივნისის, მინდა იყოს ცამეტი,
ჩემს გარშემო ციხეა - მწუხარების სავანე.
რომ მდომოდა სიცოცხლე, სიკვდილს არ ვიწამებდი,
მიწა არ იქნებოდა ჩემთვის შავი სამარე.

  ციტატის წყარო: „MEMENTO MORI“

  •  

სადღაც მთასთან იწვიმა, სადღაც მთაზე ბურია,
ამნაირი ღიმილი უწინ მე არ ვიცოდი.
ახლა მე ცას ვუცქერი, ცაზე ანთებულია
ვარსკვლავები - სიმბოლო თეთრი მარადისობის.

  ციტატის წყარო: „MEMENTO MORI“

  •  

ალბათ მოვა დრო - შენც აინთები,
ახლა დარდების მძიმე წუთია.
მიწას ადგია ცა გარინდებით
და ეს ქვეყანა თითქოს ყუთია.

  ციტატის წყარო: „ალბათ მოვა დრო“

  •  

არის სიცოცხლე, სიკვდილიც არის,
ადამიანის ბედი კრულია.
დადუმებული კიდია ზარი
და თითქოს ზარი საყდრის გულია.

  ციტატის წყარო: „ალბათ მოვა დრო“

  •  

მე ასე ვფიქრობ, ღამდება კიდეც,
ალბათ ლანდებიც მალე მოვლიან.
დგას საფლავების მწვანე სიმშვიდე
და ეკლესია თითქოს თოვლია.

  ციტატის წყარო: „ალბათ მოვა დრო“

  •  

მე მივმართავ მთელ მსოფლიოს შემდეგი სიტყვებით:
მე მინდა გაფრენა.
მე მინდა ყველგან ვიყო, როგორც ღმერთი.

  ციტატის წყარო: „გულიდან სისხლის წვეთები“

  •  

არა სიცოცხლე.
არა სიკვდილი.
არამედ რაღაც სხვა.

  ციტატის წყარო: „გულიდან სისხლის წვეთები“

  •  

ჩემი გვარი: გრანელი - პოეზიას დარჩება,
ჩემი გული და სისხლი - ეს ”MEMENTO MORI”-ა.

  ციტატის წყარო: „MEMENTO MORI“

რესურსები ინტერნეტში[რედაქტირება]