ამპარტავნება

ანბანური საძიებელი : ა ბ გ დ ე ვ ზ თ ი კ ლ მ ნ ო პ ჟ რ ს ტ უ ფ ქ ღ ყ შ ჩ ც ძ წ ჭ ხ ჯ ჰ

ა

	„ბავშვებს უნდა ვასწავლოთ, ზემოდან არ შეხედონ თანატოლს, რომელმაც ცუდი ნიშანი მიიღო ან არასწორი საქციელი ჩაიდინა; წინააღმდეგ შემთხვევაში, ამგვარი დამოკიდებულება მათში არასრულფასოვნების კომპლექსს განავითარებს და სიმამაცეს დათრგუნავს.“
	— ალფრედ ადლერი

|- |   | ციტატის წყარო: “ბავშვთა აღზრდა” (1930 წ.)

ბ

	„არც ერთი მამაკაცი არაა ქალების მიმართ ისეთი აგრესიული და ქედმაღალი, როგორც ის, ვისაც საკუთარ მამაკაცობაში ეპარება ეჭვი.“
	— სიმონ დე ბოვუარი

	„ქალთან შედარებით სრულიად ჩვეულებრივ მამაკაცსაც კი თავი ნახევრად ღმერთი ჰგონია!“
	— სიმონ დე ბოვუარი

გ

	„ამპარტავნებას აქვს ერთი ძალიან საინტერესო თვისება: არავითარ შემთხვევაში შენზე უპირატესს არ დაგანახებს ─ სულ შენ ხარ სხვაზე დიდი...“
	— გიორგი გვასალია

	„ყველაზე ჩლუნგი, ლაყე თავები ყველაზე მეტად ამპარტავნობენ!“
	— გოეთე

	სძულს ღმერთსა ამპარტავნობა მეტადრე გლახა მწირისა.
	— დავით გურამიშვილი

	კაცს მართებს დაბლაც დახედვა, რაგინდ მაღლამდის აროსა. სიამპარტავნით ხარისხსა ძირი არ განებზაროსა.
	— დავით გურამიშვილი

დ

	„სიამაყემ და ამპარტავნებამ ეშმაკი ციდან გადმოაგდო, თავმდაბლობასა და მორჩილებას კი ადამიანი მიწიდან ზეცაში აჰყავს.“
	— ანტონი დიდი

ე

	„საკუთარ თავზე დიდი წარმოდგენის მქონე ადამიანების გზები თვითგანადგურებისკენ მიდის.“
	— ეზოპე

ვ

	„უზომოდ პატარა ადამიანებს უზომოდ დიდი სიამაყე აქვთ.“
	— ვოლტერი

თ

	„თუ თავისუფლებას მისცემ ამპარტავნებას, უფრო ძნელად დასაძლევი გახდება იგი.“
	— რაბინდრანათ თაგორი

|- |   | ციტატის წყარო: “დღენი ჩემი სიჭაბუკისა” (1911-1912 წწ.)

კ

	„ამპარტავნება საკუთარ თავს ისე უყურებს, თითქოს სარკეში ღმერთი დაენახოს და ვერ ხვდება, რომ ეს უბრალოდ დამტვერილი მინაა.“
	— სერენ კიერკეგორი

მ

	„ადამიანს მხოლოდ მაშინ აქვს უფლება, ზემოდან უცქიროს მეორეს, როცა მას წამოდგომაში ეხმარება.“
	— გაბრიელ გარსია მარკესი

ო

	„ამპარტევნებისაგან დაიბადების მოუსმინარობა, თავდაჯერებულობა და ცუდდიდებობა.“
	— სულხან-საბა ორბელიანი

	„ამპარტავანი ეს არს თავისის ნაქმარის მამწონებელი და უმსგავსო დიდების მოყვარე, გულმაღალი და სწავლის მოთაკილე, გულმაღალი, მზვაობარი და ზესთამჩენი, რომელს ენებოს თავი თვისი სხვისა უმაღლესად და უკეთესად გამოაჩინოს.“
	— სულხან-საბა ორბელიანი

	„ამპარტავნება გონების სიმწირის დადასტურებაა.“
	— იოანე ოქროპირი

პ

	„უმიზეზოდ თვითგანდიდება შეჰფერით მხოლოდ უგუნურთ.“
	— პინდარე

რ

	„რაც უფრო პრიმიტიულია ადამიანი, მით უფრო მაღალი წარმოდგენა აქვს საკუთარ თავზე.“
	— ერიხ მარია რემარკი

	„იმ სამოქალაქო პირს, ვის სიტყვასაც ადრე დიდი წონა არ ჰქონდა, უფრო მეტად უვარდება თავში სამხედრო სამსახურში ყოფნისას.“
	— ერიხ მარია რემარკი

|- |   | ციტატის წყარო: “დასავლეთის ფრონტი უცვლელია” (1929 წ.)

	ნუ მოჰკვეხ მშვილდოსნობასა, თქმა სჯობს სიტყვისა წყნარისა.
	— შოთა რუსთაველი

|- |   | ციტატის წყარო: “ვეფხისტყაოსანი” (XII ს.)

ს

	„საკუთარ თავზე დიდი წარმოდგენის ქონა მოკლე ჭკუის ერთ-ერთი ნიშანია.“
	— სოფოკლე

ტ

	„ყველაფერი შენი ამპარტავნობისაგან გჭირს.“
	— ლევ ტოლსტოი

	„მსხვერპლად თავის დადება სისულელეა, სიგიჟეა. ეს ამპარტავნობაა, ამით სურს კაცს, რომ განერიდოს სამართლიანად მოვლენილ უბედურებას, ანდა სხვისი ბედნიერების შური ჩაიკლას გულში.“
	— ლევ ტოლსტოი

	„თუ იყოყოჩებთ და პატივმოყვარეობის ჭაობში ჩაეფლობით, მაშინ მზად იყავით პიედესტალიდან ჩამოგდებისთვის ─ მე ასეთი რამ დამემართა.“
	— დონალდ ტრამპი

|- |   | ციტატის წყარო: “არასოდეს დანებდე!” (2008 წ.)

ქ

	„ადამიანის გარშემო, რომელსაც საკუთარ თავზე დიდი წარმოდგენა აქვს, მეგობრების ნაცვლად მარტოსულობა ისადგურებს ხოლმე.“
	— ლევან ქართლელი

ხ

	„რაც უფრო სულმდაბალია ადამიანი, მით უფრო მაღლა სწევს ცხვირს ─ ის ცხვირით მიიწევს იმისკენ, რასაც სულით ვერ შესწვდა!“
	— ომარ ხაიამი

ჰ

	„მას, ვინც ერუდიციითა და განსწავლულობით იწონებს თავს, არც ერთი აქვს და არც ─ მეორე.“
	— ერნესტ ჰემინგუეი

	„შენი თავი მაყიდინა იმ ფასად, როგორი ღირებულებაც ჩემს თვალში გაქვს და მერე იმ ფასში გამაყიდინა, როგორი წარმოდგენაც საკუთარ თავზე გაქვს.“
	— ებრაული გამოთქმა