ზამთარი

ანბანური საძიებელი : ა ბ გ დ ე ვ ზ თ ი კ ლ მ ნ ო პ ჟ რ ს ტ უ ფ ქ ღ ყ შ ჩ ც ძ წ ჭ ხ ჯ ჰ

ბ

	„უჭირს ზამთარში ყოველ სულიერს ─ კაცსაც და პირუტყვსაც.“
	— თამაზ ბიბილური

  ციტატის წყარო: “დიდთოვლობა”

გ

	„სიცივის დროს კაცი უფრო გულჩახვეული ხდება, უფრო უხალისო.“
	— გურამ გეგეშიძე

  ციტატის წყარო: “ცოდვილი” (1966 წ.)

	ბუნება არ სტვენს, ზამთარი გულს სტკენს და არც სურნელს ჰფენს ყვავილთა კრება.
	— იოსებ გრიშაშვილი

კ

	მოდის ზამთარი თეთრი ცხენით, ცივი ხელებით, ვითარცა მტერი და მშვენების შენის მრბეველი... შენ ემზადები თოვლისათვის, ო, დედამიწავ!
	— ანა კალანდაძე

ლ

	თოვს ხვავრიელად, ზღაპრულად, ზამთრის ფაფუკი ფრთებით, გადაბამბულა მინდვრები, გადაბამბულა მთები...
	— მურმან ლებანიძე

ს

	„არაფერი იქნებოდა ზაფხულის სიცხე, ზამთრის სიცივეებს რომ არ დაეტკბო...“
	— ჯონ სტეინბეკი

ფ

	თოვლო, ითოვლე, ითოვლე, მთა-ბარს ჩააცვი სუდარა; ყინვა, ქარი და ნამქერი ზამთრის წესია მუდამა.
	— ვაჟა-ფშაველა

  ციტატის წყარო: “ზამთარი მთაში”

ხ

	დედის გული ჰქონია ზამთარს ─ თოვლით დაგითბუნა სახლი და ვენახი...
	— ვაჟა ხორნეული