მიზანი

ანბანური საძიებელი : ა ბ გ დ ე ვ ზ თ ი კ ლ მ ნ ო პ ჟ რ ს ტ უ ფ ქ ღ ყ შ ჩ ც ძ წ ჭ ხ ჯ ჰ

ა

	„თუ გსურს ბედნიერად იცხოვრო, მიეჯაჭვე საკუთარ მიზნებს და არა ─ ადამიანებსა და კონკრეტულ საგნებს.“
	— ალბერტ აინშტაინი

	„ბედნიერება ─ ცხოვრების აზრია, ადამიანების არსებობის უმთავრესი მიზანი.“
	— არისტოტელე

ბ

	„ზეცას რომ უტევ, მიზანში ღმერთი უნდა ამოიღო.“
	— ონორე დე ბალზაკი

  ციტატის წყარო: “მამა გორიო” (1835 წ.)

	„ყველა თაობის უპირველესი მიზანია, მოაშთოს თავისი წინამორბედი.“
	— ფრედერიკ ბეგბედერი

  ციტატის წყარო: “ფანჯრები მსოფლიოზე” (2003 წ.)

	„მიზნის მისაღწევად ცოდნაზე არანაკლებ საჭიროა საქმიანობა.“
	— პიერ ბომარშე

	„უმიზნო კაცის ცხოვრება სიკვდილის გაგრძელებაა.“
	— პიერ ბუასტი

გ

	„უზენაესის ტახტის წინაშე, კაცი თავისი საქმნით კი არ განისჯება, არამედ მისი მიზნებით, რადგან ღმერთი კითხულობს ჩვენს გულებს.“
	— მაჰათმა განდი

	„მე პირადად მზარავენ თავის საქმეში ფანატიკურად შეყვარებული პიროვნებები, რომლებიც საკუთარი მიზნის გარდა ვერაფერს ხედავენ ცხოვრებაში.“
	— გურამ გეგეშიძე

	„ადამიანს უფრო მეტად უყვარს არა ის, ვისგანაც სწავლობს ცხოვრებას, მაგალითს იღებს, არამედ ის, ვინც თავისი მიზნების, იმედების და ოცნებების განმახორციელებლად მიაჩნია.“
	— გურამ გეგეშიძე

  ციტატის წყარო: “ცოდვილი” (1966 წ.)

	„ყოვლისმომცველი, საყოველთაო სიყვარული კი ─ სრული ჰარმონია სულსა და მის გარემომცველ სფეროს შორის, ─ საბოლოო მიზანია არსებობის და განვითარების.“
	— გურამ გეგეშიძე

  ციტატის წყარო: “ცოდვილი” (1966 წ.)

	„თუნდაც აუსრულებელი მაღალი მიზნები უფრო ძვირფასია, ვიდრე აღსრულებული მდაბალი მიზნები.“
	— გოეთე

	„მიეცით ადამიანს მიზანი, რის გამოც ღირს ცხოვრება და ის თავის გადარჩენას ნებისმიერ სიტუაციაში შეძლებს.“
	— გოეთე

დ

	„მიზანი იყოს დიადი, თორემ რა უჭირს, პატარა ჭუჭყი თუ გაერევა.“
	— ფიოდორ დოსტოევსკი

  ციტატის წყარო: “ყმაწვილი” (1874-1875 წწ.)

	„მიზნის მიღწევა მათემატიკურადაა უზრუნველყოფილი. საქმე მეტად მარტივია ─ მთელი საიდუმლო ორად ორ სიტყვაშია: შეუპოვრობა და განუწყვეტლობა.“
	— ფიოდორ დოსტოევსკი

  ციტატის წყარო: “ყმაწვილი” (1874-1875 წწ.)

	„მიზანი კაცობრიობისა, მიზანი ყოველი ერისა, მისი არსებობის მანძილზე არის მარტოოდენ ღმერთის ძიება, დიახ, უთუოდ საკუთარი ღმერთის ძიება და რწმენა მისი, ვითარცა ერთარსებისა, ჭეშმარიტებისა.“
	— ფიოდორ დოსტოევსკი

  ციტატის წყარო: “ეშმაკნი” (1872 წ.)

ე

	„მიზანი გეგმის გარეშე ─ მხოლოდ სურვილია.“
	— ანტუან დე სენტ-ეგზიუპერი

თ

	„როცა სულის სიმები განწყობილია იმისათვის, რომ მსოფლიო მიზნებს ემსახუროს, მისი მუსიკის ყოველი ტაქტი ჰარმონიული და შეწყობილია.“
	— რაბინდრანათ თაგორი

  ციტატის წყარო: “დღენი ჩემი სიჭაბუკისა” (1911-1912 წწ.)

	„მიზანი, რომელიც ფურცელზე არ არის დაწერილი, საერთოდ არ არის მიზანი.“
	— ბრაიან თრეისი

ი

	„მგონია, ადამიანი იმაზე ადრეც კი, სანამ ანბანის სწავლას დაიწყებდეს, რაღაცისთვის უკვე მოწოდებულია და მერე ოჯახი, სკოლა და ინსტიტუტი მასში მხოლოდ იმას ზრდიან, რისთვისაც ის გაჩნდა.“
	— ოტია იოსელიანი

კ

	„ბედნიერება მივიწყებულია, საშუალება კი ─ მიზანთან გაიგივებული.“
	— ალბერ კამიუ

	„ცხოვრებაში უამრავი ბარიერია და იმდენად დიდი, რამდენადაც დიდია მიზანი.“
	— ფრანც კაფკა

	„როდესაც ხვდები, რომ მიზანს ვერ აღწევ, ნუ შეცვლი მიზნებს ─ შეცვალე ნაბიჯები.“
	— კონფუცი

მ

	„მიზანი, რომლისთვისაც უმართებულო საშუალებებია საჭირო, არ არის მართებული მიზანი.“
	— კარლ მარქსი

	„სიტყვები, რომლებსაც საკუთარ თავს ეუბნებით, აუცილებლად უნდა იყოს თანხმობაში თქვენს მიზანთან ─ არ შეიძლება იმოძრაო ერთდროულად ორი სხვადასხვა მიმართულებით.“
	— ჯოზეფ მერფი

  ციტატის წყარო: “ქვეცნობიერების მართვის ტექნიკა”

	„ფიქრები და განწყობები ─ გემია, რომლითაც შეგიძლიათ გაცუროთ პრობლემებიდან და დანაკარგებიდან თქვენი დიდი ხნის ნანატრი მიზნისკენ.“
	— ჯოზეფ მერფი

  ციტატის წყარო: “როგორ მოვიზიდოთ ფული”

	„გონება, რომელსაც არ აქვს მკაფიოდ განსაზღვრული მიზანი, ყოველთვის იკარგება. იყო ყველგან, ნიშნავს, არ იყო არსად.“
	— მიშელ დე მონტენი

ნ

	„სხვისი მიზნების დავიწყება მხოლოდ სულელებს ახასიათებთ.“
	— ფრიდრიხ ნიცშე

პ

	„იცოდე, რა არის სამართლიანი, გრძნობდე, რა არის მშვენიერი, გსურდეს, რაც კარგია, ─ ეს არის გონიერი ცხოვრების მიზანი!“
	— პლატონი

რ

	„როცა ადამიანს მიზანი აქვს დასახული, მაშინ ცხოვრება მეშჩანური, შეზღუდული ხდება.“
	— ერიხ მარია რემარკი

  ციტატის წყარო: “სამი მეგობარი” (1936 წ.)

	„მთავარი მიზანია, ხოლო ცდებისა და შეცდომების ჯაჭვი თვითონ მიგიყვანს სასურველ შედეგამდე.“
	— რომენ როლანი

	„თუ შენი ცხოვრების გეგმას არ დასახავ, დიდი შანსია, სხვისი გეგმის ნაწილი აღმოჩნდე. და რა დაგეგმა სხვამ შენთვის?! ბევრი არაფერი...“
	— ჯიმ რონი

ს

	„თუ ადამიანმა არ იცის, რომელ ნავსადგურში მიცურავს, მისთვის არცერთი ქარი არ არის ზურგის.“
	— სენეკა

	„თუკი იცი, საით მიდის შენი გზა, ამ გზიდან, როგორ წინააღმდეგობასაც უნდა წააწყდე, არ გადაუხვიო, რადგან არ არსებობს წინააღმდეგობა, რომელიც ადამიანის შვილმა, ადრე თუ გვიან, არ დაძლიოს!“
	— არჩილ სულაკაური

  ციტატის წყარო: “სალამურას თავგადასავალი” (1967 წ.)

ტ

	„მთავარია, საკუთარი გზა იპოვო, თუ არადა, ვერც მიზანს მიაღწევ, ეგაა და ეგ.“
	— ტინა ტერნერი

	„მიზანი ქორწინებაა? კარგი დაქორწინდი, მაგრამ შემდეგ? თუ სხვა მიზანი არ გაქვს ცხოვრებაში, ორჯერ უფრო რთული გახდება შენთვის რომ იპოვნო.“
	— ლევ ტოლსტოი

	„რაც უფრო დიდია მიზნები, მით უფრო ძლიერია წინააღმდეგობა.“
	— დონალდ ტრამპი

  ციტატის წყარო: “არასოდეს დანებდე!” (2008 წ.)

	„დასახული მიზნის მისაღწევად ყველაფერი უნდა გააკეთოთ, რაც თქვენს ძალებს არ აღემატება.“
	— დონალდ ტრამპი

  ციტატის წყარო: “არასოდეს დანებდე!” (2008 წ.)

უ

	„ცხოვრების მიზანი თვითრეალიზაციაა, მთელი სისრულით გამოხატო საკუთარი არსი ─ აი, რისთვის ვცხოვრობთ ჩვენ…“
	— ოსკარ უაილდი

ფ

	„ჩვენ ვართ ჩვენი მისწრაფებები.“
	— ზიგმუნდ ფროიდი

ქ

	„მიზანი მაცდურია, ბატონებო ─ სანამ მიაღწევთ, თქვენი გგონიათ; როცა მიაღწევთ, მაშინღა მიხვდებით, რომ სხვისი ყოფილა...“
	— ჯემალ ქარჩხაძე

შ

	„არაფერი ისე არ ამშვიდებს სულს, როგორც მტკიცე მიზნის პოვნა ─ წერტილის, რომლისკენაც არის მიმართული ჩვენი შინაგანი მზერა.“
	— მერი შელი

  ციტატის წყარო: “ფრანკენშტაინი” (1818 წ.)

	„ადამიანი იზრდება იმისდა კვალად, თუ როგორ იზრდება მისი მიზნები.“
	— ფრიდრიხ შილერი

	„ტალანტი აღწევს მიზანს, რომლის მიღწევაც მის გარდა არავის შეუძლია, ხოლო გენიოსები აღწევენ მიზანს, რომელსაც მათ გარდა ვერავინ ხედავს.“
	— არტურ შოპენჰაუერი

ჩ

	„ისინი, ვინც სიცოცხლეში აღწევენ მიზანს და ხდებიან მეფეები, რჩებიან ისტორიას, აღელვებენ მომავალ თაობებს, თან სიცოცხლეშივე გრძნობენ იმ ბედნიერებას, რასაც უკვდავება ჰქვია.“
	— ირაკლი ჩარკვიანი

  ციტატის წყარო: “მშვიდი ცურვა” (2006 წ.)

	„ვერასოდეს მიაღწევ დანიშნულების ადგილს, თუ შეჩერდები და გზად ყველა მყეფარე ძაღლს ქვებს დაუშენ.“
	— უინსტონ ჩერჩილი

	„პარლამენტის მიზანია ხელჩართული ბრძოლის სიტყვიერით შენაცვლება.“
	— უინსტონ ჩერჩილი

ჭ

	„მიზანი მარტომ დასახე.“
	— ილია ჭავჭავაძე

ხ

	მაგრამ ზოგი მწვერვალი იმისთვის არსებობს, რომ მზერით შეეხო მხოლოდ.
	— ვაჟა ხორნეული

ჯ

	მაგრამ რაღაა მიზანი იგი, ტანჯვით რომ მისკენ მიემართები... ან, რაღა არის იმ მიზნის იქით ─ ისევ აღმართი თუ დაღმართები?!
	— სიმონ ჯაფარიძე

  ციტატის წყარო: “გზა და მიზანი”

ჰ

	„რამდენადაც აუცილებელია ნებისყოფა გონივრული მიზნის მიღწევისას, იმდენად სიჯიუტე საზიზღარი და ამაზრზენია.“
	— გეორგ ვილჰელმ ფრიდრიხ ჰეგელი

	„საბოლოოდ, ნებისმიერი ადამიანის მთავარი მიზანი სიამოვნების მიღებაა.“
	— ლუიზა ჰეი

  ციტატის წყარო: “წინ მხოლოდ კარგი გელოდებათ”

	„მიზნის მქონე ადამიანები არ ელოდებიან, როდის მიეცემათ შესაძლებლობა ─ ისინი თავად ქმნიან მას.“
	— ნაპოლეონ ჰილი

  ციტატის წყარო: “ჭკუით აჯობე ეშმაკს” (1938 წ.)

	„ადამიანი უკვე დაბადებულია გარკვეული მიზნით, მაგრამ 100 ადამიანიდან 98 გზას სცდება.“
	— ნაპოლეონ ჰილი

  ციტატის წყარო: “ჭკუით აჯობე ეშმაკს” (1938 წ.)

	„არ არსებობს მიუღწეველი მიზანი ─ არსებობს სიზარმაცის მაღალი კოეფიციენტი, გამბედაობის ნაკლებობა (გონება-გამჭრიახობის უკმარისობა?) და თავის მართლების რეზერვი.“
	— [[ ]]

	„შენს მიზნებს არ აინტერესებთ თუ როგორ გრძნობ თავს.“
	— [[]]

	„მიმართულება ბევრად უფრო მნიშვნელოვანია, ვიდრე სიჩქარე.“
	— [[]]

	„უამრავი პრობლემა იჩენს თავს, როდესაც ვცდილობთ გავამართლოთ სხვების მოლოდინები, ნაცვლად საკუთარი მიზნებისა.“
	— [[]]

დაუმიზნეთ მთვარეს, თუ მას ააცილებთ, ვარსკვლავებს შორის მაინც აღმოჩნდებით.