სამოსი

ანბანური საძიებელი : ა ბ გ დ ე ვ ზ თ ი კ ლ მ ნ ო პ ჟ რ ს ტ უ ფ ქ ღ ყ შ ჩ ც ძ წ ჭ ხ ჯ ჰ

ა

	„ვერასდროს ვიმახსოვრებ იმ ადამიანის ჩაცმულობას, რომელიც მიყვარს ─ მე მას თვალებში ვუყურებ; იქ კი უბრალო ტანისამოსზე ბევრად მეტი ჩანს: სითბო, სიცივე, ღიმილი, მწუხარება და მთავარი სამოსი ─ სული.“
	— შონ აბრამი

ბ

	„ყველაფერს ქსოვილი წყვეტს.“
	— კრისტობალ ბალენსიაგა

	„ჩაცმულობით კაცს ნურასოდეს შეაფასებთ ─ შეიძლება შეცდეთ, და თანაც უკიდურესად შეცდეთ!“
	— მიხაილ ბულგაკოვი

  ციტატის წყარო: “ოსტატი და მარგარიტა” (1966 წ.)

გ

	„სტილი ნიშნავს ─ ჩაიცვა საღამოს კაბა McDonalds-ში და ქუსლიანი ფეხსაცმელი ფეხბურთის სათამაშოდ. სტილი არის ხასიათი, თავდაჯერება და ცდუნება.“
	— ჯონ გალიანო

ვ

	„მოდური სამოსი სიამოვნებას განიჭებს, მაგრამ მხოლოდ მოდურად ჩაცმაზე ფიქრი ─ უკვე ფსიქიატრის სამკურნალოა.“
	— ჯანი ვერსაჩე

	„მოდა ერთ ადგილზე არ დგას, მაგრამ არის ტანსაცმელი, რომელიც უცვლელია.“
	— ჯანი ვერსაჩე

	„ქართან კამათი არ ღირს ─ მან ზუსტად იცის, რა მიმართულებით დაუბერავს, მაგრამ ჩვენი, დიზაინერების ვალია, მისი მიმართულება განვსაზღვროთ.“
	— ჯანი ვერსაჩე

	„ნუ ჩაეჭიდებით ტენდენციებს ─ ნუ მისცემთ მოდას უფლებას, დაგიპყროთ. თავად გადაწყვიტეთ, ვინ ხართ და რას გამოხატავთ თქვენი ჩაცმულობითა და ცხოვრების წესით.“
	— ჯანი ვერსაჩე

კ

	„ყველაზე ლამაზ კაბებს იცვამენ იმისთვის, რომ რაც შეიძლება მალე გაიხადონ.“
	— ჟან კოკტო

ლ

	„კარგი ფეხსაცმელი ის კი არაა, რომლის ჩაცმაც შეგიძლია, არამედ ის, რომელიც გახდაში გეხმარება.“
	— კრისტიან ლაბუტინი

მ

	„მამაკაცის ნებისმიერი ჩაცმულობა ბოლოს მაინც ქალის აქსესუარად იქცევა.“
	— მადონა

ჟ

	„პატარა შავი კაბა ყველაზე რთული ჩასაცმელია, რადგან მისი უბრალოება უნდა შეინარჩუნო.“
	— ჰუბერტ დე ჟივანში

ს

	„კაბას ფასი არ აქვს, თუ მამაკაცს მისი გახდის სურვილი არ უჩნდება.“
	— ფრანსუაზ საგანი

ტ

	„ტანსაცმელი ქმნის კაცს ─ შიშველ ადამიანებს ნაკლები გავლენა აქვთ საზოგადოებაზე.“
	— მარკ ტვენი

ფ

	„კარგად ჩაცმა კარგი მანერების ნაწილია.“
	— ტომ ფორდი

	„ჩაცმა-დახურვაში არაფერი არ ჯდება ისე ძვირად, როგორც უბრალოება.“
	— ანატოლ ფრანსი

  ციტატის წყარო: “ღმერთებს სწყურიათ” (1912 წ.)

	„ადამიანმა თავისი სხეულის ფორმების მიხედვით უნდა ჩაიცვას.“
	— ანატოლ ფრანსი

  ციტატის წყარო: “ღმერთებს სწყურიათ” (1912 წ.)

შ

	„ძალზე ძვირადღირებული სამოსი აბერებს.“
	— კოკო შანელი

	„მოდურად ჩაცმა ძალზე იოლია, კარგად და გემოვნებით ჩაცმა კი ─ რთული.“
	— კოკო შანელი

	„ისე ჩაიცვი, თითქოს დღეს შენი დაუძინებელი მტრის სანახავად მიდიოდე.“
	— კოკო შანელი

	„იდეალური სამოსი მამაკაცურსა და ქალურ დეტალებს უნდა აერთიანებდეს.“
	— კოკო შანელი

	„შარვალი ქალს ათავისუფლებს.“
	— კოკო შანელი

	„ტანსაცმლის ელეგანტურობა გადაადგილების თავისუფლებაშია.“
	— კოკო შანელი

	„იმისათვის, რომ განუმეორებელი იყოთ, აუცილებელია, დროდადრო სტილი შეიცვალოთ.“
	— კოკო შანელი

	„რა საჭიროა ყოველი ახალი საზეიმო ვითარებისათვის ახალი კაბის შეძენა?! ─ ნუთუ ასეთი უმნიშვნელოა ქალი და მნიშვნელოვანია კაბა?!“
	— კოკო შანელი

	„უნდა შეგწევდეთ უნარი, რომ კაბა, რომლის მსგავსი შეიძლება სხვებსაც ეცვათ, ისე ატაროთ, არც ერთი ჰგავდეს თქვენსას.“
	— კოკო შანელი

	„ქალი მაშინაა ყველაზე ახლოს სიშიშვლესთან, როცა ის უზადოდაა ჩაცმული.“
	— კოკო შანელი

	„ნამდვილი ქალი ყელამდე ჩაცმული უფრო მეტად მიიქცევს მამაკაცის ყურადღებას, ვიდრე სრულიად შიშველი.“
	— რომი შნაიდერი

ჰ

	„ჩაცმის სტილის გამო ხშირად გარშემომყოფნი დამცინოდნენ, მაგრამ სწორედ ამაში იყო ჩემი წარმატების საიდუმლო ─ მე გამოვიყურებოდი არა ისე, როგორც ყველა.“
	— კოკო შანელი

	„მთელი მსოფლიო იცვამდა იმ ტანსაცმელს, რასაც მე ვიხდენდი.“
	— კოკო შანელი

	„აქსესუარი უნდა იყოს ბევრი ─ რაც მეტი, მით უკეთესი.“
	— კოკო შანელი

	„ლამაზი კაბა შესაძლოა ლამაზი ჩანდეს საკიდზე, მაგრამ ეს არაფერს ნიშნავს. ის აუცილებლად უნდა იქნეს დანახული მხრებზე, მხრის, წელისა და ფეხების მოძრაობაზე.“
	— კოკო შანელი

	„მოძებნეთ ქალი კაბაში ─ თუ იქ ქალი ვერ აღმოაჩინეთ, მაშინ არც ეს კაბა ყოფილა კაბა.“
	— კოკო შანელი

	„ელეგანტური ფეხსაცმელი ორ ფერს უნდა შეიცავდეს.“
	— კოკო შანელი

	„პატივი მიაგეთ პატარა შავ კაბებს.“
	— კოკო შანელი

	„პიჯაკი უნდა იყოს მსუბუქი, როგორც ჟაკეტი.“
	— კოკო შანელი

	„იდეალური ქვედაბოლო მუხლებს უნდა ფარავდეს.“
	— კოკო შანელი

	„თუ სამკაულს იხდენთ და მოგწონთ, რა მნიშვნელობა აქვს ძვირფასია თუ არა?!“
	— კოკო შანელი

	„ტანსაცმელი კარგად მორგებული უნდა იყოს და ესადაგებოდეს თქვენს ხასიათს.“
	— კოკო შანელი

	„აქსესუარების შერჩევისას მოიხსენით ის, რაც უკანასკნელად მოირგეთ.“
	— კოკო შანელი

	„თუკი თქვენ დაგატყვევათ რომელიმე ქალის სილამაზემ, მაგრამ ვერ იხსენებთ, თუ რა ეცვა მას, ეს ნიშნავს, რომ მას ეცვა იდეალურად.“
	— კოკო შანელი