საუბარი

ანბანური საძიებელი : ა ბ გ დ ე ვ ზ თ ი კ ლ მ ნ ო პ ჟ რ ს ტ უ ფ ქ ღ ყ შ ჩ ც ძ წ ჭ ხ ჯ ჰ

ა

	„ამქვეყნად ცოტა ადამიანია, ვისთანაც შემიძლია საუბარი.“
	— ჯონ ადამსი

	„ბრძენსა და სულელს შორის საუბარი ყოველთვის ორი სულელის საუბრით მთავრდება.“
	— ალბერტ აინშტაინი

	„თუ გინდა გაიცნო ადამიანი, ყური დაუგდე არა იმას, რას ამბობენ მასზე სხვები, არამედ იმას, რას ამბობს ის სხვებზე.“
	— ვუდი ალენი

	„იმისთვის კი არ ვმსჯელობთ, რომ ვიცოდეთ, რა არის სათნოება, არამედ იმისთვის, რომ კარგი ადამიანები გავხდეთ.“
	— არისტოტელე

	„მოკლე ტვინს ყოველთვის გრძელი ენა აქვს.“
	— არისტოფანე

	„ვინც ლაპარაკი იცის, მან ისიც იცის, როდის უნდა ილაპარაკოს.“
	— არქიმედე

ბ

	„თაობათა შორის დიალოგი იშვიათად იმართება.“
	— ფრედერიკ ბეგბედერი

  ციტატის წყარო: “ფრანგული რომანი” (2009 წ.)

	„ერთ რამედ ღირს, როცა კარგად და წესიერად ლაპარაკი შეგიძლია.“
	— ენტონი ბერჯესი

  ციტატის წყარო: “მექანიკური ფორთოხალი” (1961 წ.)

	„არასდროს ილაპარაკო უფრო სწრაფად, ვიდრე ფიქრობ.“
	— ნილს ბორი

	„უვიცებთან ბჭობა ბრმებისთვის სინათლის ანთებაა.“
	— პიერ ბუასტი

	„მსოფლიო ძალიან ცივი ადგილია; თუ ხალხი ერთმანეთს მეტს დაელაპარაკება და საქმეებს გაარკვევს, ისე აღარ ეციება.“
	— ჩარლზ ბუკოვსკი

  ციტატის წყარო: „ქალები“ (1978 წ.)

გ

	„ზოგს ენა როდი აბია, თავათაა ენაზე მიბმული, ამიტომაც იღუპება მყრალი ენის მეოხებითა.“
	— კონსტანტინე გამსახურდია

  ციტატის წყარო: “დავით აღმაშენებელი” (1962 წ.)

	„ზოგჯერ, ადამიანთან საუბრის შემდეგ, გულით გინდება მეგობრულად ჩამოართვა ძაღლს თათი, გაუღიმო მაიმუნს, თავი დაუკრა სპილოს.“
	— მაქსიმ გორკი

დ

	„ქალების გარემოცვაში მე ვკარგავ ლაპარაკის უნარს.“
	— ჯონი დეპი

	„რაოდენ კარგადაც არ უნდა ლაპარაკობდე, როცა ბევრს ლაპარაკობ, ბოლოს მაინც სისულელეს იტყვი.“
	— ალექსანდრე დიუმა (უმცროსი)

	„ზოგ საგანზე არამცთუ არ შეიძლება კაცმა ილაპარაკოს, ლაპარაკის წამოწყებაც კი უჭკუობაა.“
	— ფიოდორ დოსტოევსკი

  ციტატის წყარო: “ეშმაკნი” (1872 წ.)

	„ხომ არის ისეთი შემთხვევა, როცა კაცს უჭირს თვითონ ლაპარაკი, ჰოდა, აუცილებელია ეს მესამე პირმა იკისროს, ვისაც არ გაუჭირდება ზოგიერთი საჩოთირო ამბის გადმოცემა.“
	— ფიოდორ დოსტოევსკი

  ციტატის წყარო: “ეშმაკნი” (1872 წ.)

ე

	„ფუჭმეტყველი ორმაგ სახრის არის ღირსი.“
	— ესქილე

ვ

	„როცა ტკბილად მოსაუბრე ქალებს ვხედავ, მინდება მივიდე და ვიკითხო: ვის წინააღმდეგ დამეგობრდით?“
	— პოლ ვალერი

	„ლაპარაკი არ სურდა ─ ეშინოდა, სიტყვებით არ დაეკარგა ის, რაც იპოვა...“
	— მირსინი ვინგოპულო

  ციტატის წყარო: “მე ქალაქიდან შენ ქალაქისკენ”

	„რამდენ სისულელეს ამბობენ იმის ცდაში, იქნებ, რამე ახალი წამომცდესო...“
	— ვოლტერი

ი

	„ლაპარაკის სწავლას ორი წელი სჭირდება; იმას კი სად როდის და რა ილაპარაკო ─ მთელი ცხოვრება!“
	— ოტია იოსელიანი

კ

	„ყოველთვის ნუ იტყვი იმას, რაც იცი; ხოლო ყოველთვის იცოდე ─ რასაც ამბობ.“
	— კლავდიუსი

	„ზოგჯერ მოსაუბრე კარგავს ადამიანს ან სიტყვებს, ჭკვიანი კაცი კი არცერთს არ კარგავს.“
	— კონფუცი

ლ

	„საცოდაობაა, როცა ადამიანს არც იმდენი ჭკუა აქვს, კარგად ილაპარაკოს და არც იმდენი გონიერება, რომ ენას კბილი დააჭიროს.“
	— ჟან დე ლაბრიუიერი ან ლევ ტოლსტოი

მ

	„ადამიანი, რომელიც ცოტასა საქმობს, მეტისმეტი ყბედია: ვინც ცოტასა ფიქრობს, იგი ბევრსა ლაპარაკობს.“
	— მონტესკიე

	„ჩემს თავზე ხმას არ ამოვიღებ, რადგან არ მინდა, იძულებული გავხდე, თქვენზე ვილაპარაკო.“
	— ფრანსუა მორიაკი

ნ

	„თუ ბევრს ლაპარაკობ ვინმეზე, შეიძლება ჩავთვალოთ, რომ შენ მის ნამდვილ სახეს მალავ.“
	— ფრიდრიხ ნიცშე

ო

	„არცარა ენის უტკბესი იქნების და არცარა ენის უმწარესი პირსა ყოვლისა ქვეყნისასაო.“
	— სულხან-საბა ორბელიანი

  ციტატის წყარო: „უტკბესი და უმწარესი“

	„არავის შეუძლია რაიმე თქვას თქვენს შესახებ ─ რასაც არ უნდა ამბობდნენ ადამიანები, ისინი ამას საკუთარ თავზე ამბობენ.“
	— ოშო

პ

	„სულელს მეტყველებით ცნობენ, ბრძენს კი ─ დუმილით!“
	— პითაგორა

რ

	გველსა ხვრელით ამოიყვანს ენა, ტკბილად მოუბარი.
	— შოთა რუსთაველი

  ციტატის წყარო: “ვეფხისტყაოსანი” (XII ს.)

	ზოგჯერ თქმა სჯობს არა-თქმასა, ზოგჯერ თქმითაც დაშავდების.
	— შოთა რუსთაველი

  ციტატის წყარო: “ვეფხისტყაოსანი” (XII ს.)

	სხვისა სხვამან უკეთ იცის სასარგებლო საუბარი.
	— შოთა რუსთაველი

  ციტატის წყარო: “ვეფხისტყაოსანი” (XII ს.)

ს

	„ნურავის ნურაფერს უამბობთ, თორემ მერე ყველაზე დაგწყდებათ გული...“
	— ჯერომ სელინჯერი

  ციტატის წყარო: “თამაში ჭვავის ყანაში” (1951 წ.)

	„ილაპარაკე, რათა შენი დანახვა შევძლო.“
	— სოკრატე

	„უნდა ილაპარაკო ცოტა და თქვა ბევრი.“
	— სოკრატე

	„არ მითხრა რა გითხრეს ჩემზე... შენ ის მითხარი, როგორ განიხილავდნენ ამას შენთან ასე მარტივად.“
	— სოკრატე

	„განა ბევრის თქმა და ბევრი ლაპარაკი ერთია?!“
	— სოფოკლე

	„იმით, რაც პავლემ მითხრა პეტრეზე, პავლეზე უფრო მეტი გავიგე, ვიდრე პეტრეზე.“
	— ბარუხ სპინოზა

ტ

	„ბედნიერი დროა, როცა ნება გეძლევა ილაპარაკო ის, რასაც განიცდი.“
	— ტაციტი

	„მამაცობაზე უფრო ხშირად ლაპარაკობენ ლაჩრები, ხოლო კეთილშობილებაზე ─ გაიძვერები.“
	— ლევ ტოლსტოი

ფ

	„კაცმა თუ იცის რისი თქმა სურს, მერე თქმა ადვილია.“
	— უილიამ ფოლკნერი

	„ადამიანი ლაპარაკობს იმაზე, რაც მას აკლია: მას, ვისაც სექსი აკლია, ლაპარაკობს სექსზე, მშიერი ადამიანი ─ საჭმელზე ლაპარაკობს, ადამიანი, რომელსაც ფული არ აქვს ─ ფულზე საუბრობს; ხოლო ჩვენი ოლიგარქები და ბანკირები ─ მორალზე ლაპარაკობენ.“
	— ზიგმუნდ ფროიდი

	„მერე როგორ უჭირს ქვეყანას კარგი მთქმელი, კარგი ჩამგონებელი!.. კაცი კაცს არ უჯერებს, კარგსაც რომ ეუბნებოდეს...“
	— ვაჟა-ფშაველა

  ციტატის წყარო: „კლდემ მხოლოდ ერთხელ სთქვა“

ქ

	„რა იოლად, რა უგუნური თავდაჯერებით მსჯელობს ერთი კაცი მეორეზე...“
	— ჯემალ ქარჩხაძე

  ციტატის წყარო: “ქარავანი” (1984 წ.)

შ

	„ვინც საკუთარ თავს იცნობს, არ ეშინია რას ამბობენ მასზე სხვები...“
	— იმამ შაფი

	„ნელა თქვი, თუ, რა თქმა უნდა, სიტყვა „სიყვარულს“ ამბობ.“
	— უილიამ შექსპირი

	„თუ ადამიანთა უმრავლესობის გონებრივ უბადრუკობას და უხამსობასაც გავითვალისწინებთ, ადვილად მივხვდებით: შეუძლებელია მათთან საუბარი, თუ თვითონაც უხამსნი არა ვართ.“
	— არტურ შოპენჰაუერი

	„ჩვენ თავს ვუტოლებთ მას, ვისთანაც ვსაუბრობთ [...] ხეპრეებისთვის საკუთარი უპირატესობის ჩვენების მხოლოდ ერთი გზა არსებობს ─ არ ვისაუბროთ მათთან!“
	— არტურ შოპენჰაუერი

	„არავის არაფერი მოუყვეთ ─ აი, მაშინ იქნება ყველაფერი კარგად.“
	— ჯორჯ ბერნარდ შოუ

ჩ

	„როდესაც არწივები სდუმან, მხოლოდ მაშინ იწყებენ თუთიყუშები ყბედობას.“
	— უინსტონ ჩერჩილი

წ

	„ხმალზე უფრო ძლიერად სჭრის პატარა და რბილი ენა.“
	— აკაკი წერეთელი

  ციტატის წყარო: “თორნიკე ერისთავი” (1884 წ.)

ჭ

	„ქვეყანაზე რომ ჭირი არ იყოს, ადამიანი ენასაც არ ამოიდგამდა.“
	— ილია ჭავჭავაძე

	„გუშინ, არაფრის თქმა არ შეიძლებოდა და თქმას აზრი ჰქონდა… დღეს კი, ყველაფრის თქმა შეიძლება, მაგრამ სათქმელმა დაკარგა აზრი…“
	— ოთარ ჭილაძე

ხ

	„რა პატარაა ადამიანის ენა და რამდენის ცხოვრების დანგრევა შეუძლია!“
	— ომარ ხაიამი

ჰ

	„მე არ მინახავს არცერთი ვირი, რომელიც ლაპარაკობს ადამიანივით, მაგრამ მინახავს ბევრი ადამიანი, რომელიც ლაპარაკობს ვირივით!“
	— ჰაინრიხ ჰაინე

	„საუბარი ისე უნდა წარიმართებოდეს, რომ ორივე მხარემ მეტი ცოდნა მიიღოს და სასარგებლო რამ შეიძინოს.“
	— ჰერაკლიტე

	„თუ ადამიანთან ღრმა სულიერი სიახლოვე არ გაკავშირებს, საუბრები, იშვიათი გამონაკლისის გარდა, მოკლებულია ყოველგვარ აზრს და მხოლოდ და მხოლოდ იმედგაცრუება მოაქვს.“
	— ჰერმან ჰესე

	„როცა ზემოქმედების კონკრეტული ბერკეტი გამოეცლებათ, ამბობენ, რომ აუცილებელია დიალოგი. დიალოგზე ლაპარაკობენ მაშინაც, როცა ომს აპირებენ ან უკვე ომობენ. დიალოგი, ეტყობა, მართლაც, ტევადი ცნებაა ─ ცოტათი ქმედითი, ცოტათი ექსპოზიციური, ცოტათი პოსტპოზიციური, ცოტათი ფარისევლური, მთლიანობაში კი ─ შეუცვლელი.“
	— [[ ]]

	„ჩვენში ბევრს ლაპარაკობენ და ცოტას შრომობენ. ამაში დამნაშავეა საზოგადოება, რომელმაც ვერ ისწავლა, რომ ცალკეულ ადამიანებს ბევრი ლაპარაკი არ შეუკვეთოს.“
	— [[ ]]

	„რასაც თვალით ვერ ხედავ, პირით ნუ გამოიგონებ.“
	— ებრაული

	„ჩემს 30 მოჩხუბარს დავთმობ ერთი ადამიანის გამო, რომელსაც საკითხების მოგვარება ლაპარაკით შეუძლია.“
	— [[]]

	„ბოლოს ერთსაც გეტყვი: ნურასოდეს იტყვი იმას, რისიც თავად არ გწამს.“
	— [[]]

	„ვინც თავის ენას კარგად მოუვლის, ის ჭირს არ გადაეყრება.“
	— სოლომონ ბრძენი

	„ზოგიერთი ადამიანის საუბარი ჩახუტებას ჰგავს ─ მათ თითქმის ყველაფრის გამოსწორება შეუძლიათ.“
	— [[]]

კარგ მთქმელს კარგი გამგონე უნდაო. მოყვარეს პირში უძრახე, მტერს - პირს უკანაო