სიკეთე

ანბანური საძიებელი : ა ბ გ დ ე ვ ზ თ ი კ ლ მ ნ ო პ ჟ რ ს ტ უ ფ ქ ღ ყ შ ჩ ც ძ წ ჭ ხ ჯ ჰ

ა

	„საკმარისი არ არის ბოროტებისაგან თავის შეკავება, თუ სიკეთეს არ გააკეთებ. ცოტაა ის, რომ არავის ავნო, უნდა ეცადო, რომ ბევრისთვის იყო საჭირო.“
	— ნეტარი ავგუსტინე

	„არაფერი პატივისცემა და კეთილი საქმე არაა, გაჭირვებულს შენი ლუკმა რომ გაუტეხო ─ კაცის მოვალეობაა ეგ!“
	— ჭაბუა ამირეჯიბი

  ციტატის წყარო: “დათა თუთაშხია” (1962-1972 წწ.)

	„ბოროტება ისე ხმაურობს, ხანდახან ფიქრობ, ქვეყნად მარტო ის არისო. არადა, სამყაროს ჩუმი სიკეთე მართავს.“
	— ჭაბუა ამირეჯიბი

	„სამყაროსთვის სიკეთის მოტანა ერთადერთი საშუალებაა, რათა ბედნიერი გახდე.“
	— ჰანს კრისტიან ანდერსენი

ბ

	„სიკეთე, რომელიც მოითხოვს სიკეთითვე მიპასუხეო, აღარ არის სიკეთე ─ ეს ვაჭრობაა.“
	— აკაკი ბაქრაძე

	„იქნებ, ამას ჰქვია სიყვარული: სიკეთე მიზეზის გარეშე?“
	— ფრედერიკ ბეგბედერი

  ციტატის წყარო: “ფანჯრები მსოფლიოზე” (2003 წ.)

	„ამქვეყნად სიკეთის ფასი არაფერია, მაგრამ თუ კაცი კაცს სიკეთეს გაუწევს და თვითონვე მოითხოვს საფასურს, მაშინ მისი სიკეთე ერთი მუჭა ბზის ფასი ხდებაო!“
	— ნინო ბეზარაშვილი

  ციტატის წყარო: “ერთი მუჭა ბზე”

	„ძალად კეთილი გაგხადონ ─ არ იქნება ეს ადვილი ასატანი საქმე. ადვილი კი არა, გაუსაძლისი იქნება, ალბათ...“
	— ენტონი ბერჯესი

  ციტატის წყარო: “მექანიკური ფორთოხალი” (1961 წ.)

	„აიძულეთ ადამიანს იყოს მხოლოდ და მხოლოდ კეთილი და თქვენ მის სულს მოკლავთ, თუნდაც ეს სოციალურ სტაბილურობაზე ზრუნვის მიზეზით ხდებოდეს.“
	— ენტონი ბერჯესი

  ციტატის წყარო: “მექანიკური ფორთოხლის” ჯემი (1972 წ.)

	„სიკეთე ყოველთვის ბოროტების საპირისპირო არ არის [...] სიკეთეა მუსიკის შესანიშნავი ნაწყვეტის მოსმენა, გემრიელი ვაშლის გასინჯვა, სექსუალური აქტი.“
	— ენტონი ბერჯესი

  ციტატის წყარო: გამოუქვეყნებელი ინტერვიუდან (1972 წ.)

	„ინდივიდის მოვალეობაა სიკეთე ნაკლებად სტატიკური და ბოროტებაზე უფრო დინამიკური გახადოს. მაგრამ რას ძალუძს სიკეთის გააქტიურება? სიყვარულს.“
	— ენტონი ბერჯესი

  ციტატის წყარო: გამოუქვეყნებელი ინტერვიუდან (1972 წ.)

	„არსებობს ისეთი ძლიერი ცდუნებებიც, რომლებიც დამოუკიდებლად გარდაიქმნებიან სიკეთეში.“
	— შარლ ბოდლერი

	„ზოგჯერ სიკეთეს შუა ჯოჯოხეთში აღმოაჩენ ხოლმე.“
	— ჩარლზ ბუკოვსკი

  ციტატის წყარო: „ქალები“ (1978 წ.)

გ

	„მხოლოდ უანგარობაა გამაკეთილშობილებელი.“
	— გურამ გეგეშიძე

  ციტატის წყარო: “სტუმარი” (1970 წ.)

	„ყველა კულტურული და განათლებული კაცი კეთილი არ არის. ზოგჯერ კულტურას სიკეთის წინააღმდეგაც იყენებენ.“
	— გურამ გეგეშიძე

  ციტატის წყარო: “ცოდვილი” (1966 წ.)

	„მე ქედს ვიხრი განათლებული ხალხის წინაშე, მაგრამ კეთილი ადამიანის წინაშე მუხლებზე ვდგები.“
	— გოეთე

	[...] კარგი, ვინა ხარ, მაშ, შენ, ნეტავი? - მე ვარ ნაწილი იმ დიად ძალის, ვისაც ავი სურს და კეთილს სჩადის.
	— გოეთე

  ციტატის წყარო: “ფაუსტი” (1810 წ.)

დ

	„ყველა სიკეთეში დევს ბოროტება და სიკეთე.“
	— ჯონი დეპი

	„არსებობს იმდენად შეუფასებელი სიკეთეც, რომლის გადახდაც მხოლოდ უმადურობით შეიძლება.“
	— ალექსანდრე დიუმა (უფროსი)

	„ჩვენ ყველანი სასაცილომდე კეთილები ვართ.“
	— ფიოდორ დოსტოევსკი

  ციტატის წყარო: “იდიოტი” (1868 წ.)

	„გასაოცარია, როგორ აკეთილშობილებს ადამიანს სიხარული და ბედნიერება.“
	— ფიოდორ დოსტოევსკი

  ციტატის წყარო: “თეთრი ღამეები” (1848 წ.)

	„ცალკეული სიკეთე არასოდეს მოისპობა, რამეთუ ის პიროვნების მოთხოვნილებას წარმოადგენს, რომელიც ერთი ადამიანის მეორეზე უშუალო გავლენიდან გამომდინარეობს.“
	— ფიოდორ დოსტოევსკი

  ციტატის წყარო: “იდიოტი” (1868 წ.)

ვ

	„ყოველი ადამიანი დამნაშავეა იმ სიკეთის გამო, რომელიც მან არ გააკეთა.“
	— ვოლტერი

თ

	„ვინც ბევრს ფიქრობს იმაზე ─ სიკეთე ვქნაო, დრო აღარ რჩება იმისთვის, რომ კეთილი იყოს.“
	— რაბინდრანათ თაგორი

ი

	„კეთილისა ძალით შეიქმნა ყოველი.“
	— პეტრე იბერი

	„კეთილი საქმე განსაკუთრებით იმათთვის უნდა ვაკეთოთ, ვისგანაც საპასუხო სამადლობელს არ ველოდებით.“
	— ილია II

	„მთავარია, ადამიანებს რაც შეიძლება დიდხანს შევუნარჩუნოთ სამყაროს საოცრება ─ სიკეთის შუქი თვალებში.“
	— რევაზ ინანიშვილი

	„როდესაც ადამიანებს სიკეთეს უკეთებ, კეთილი ადამიანები გიფასებენ, გულგრილები ─ გივიწყებენ, თავხედები კი ─ უფრო თავხედდებიან.“
	— ოტია იოსელიანი

კ

	„სიკეთე ის კი არ არის, შენ რომ სხვას გაუკეთებ ─ აი, შენ რომ დაიმახსოვრებ სხვამ რა სიკეთე გაგიკეთა, აი, ეს არის სიკეთე.“
	— კახი კავსაძე

	„თუ კეთილ საქმეს მეტისმეტად გავაზვიადებთ, ამით ჩვენდა უნებურად ხოტბას ვასხამთ ბოროტებას.“
	— ალბერ კამიუ

  ციტატის წყარო: “შავი ჭირი” (1947 წ.)

	„დიდებულებს თუ ხშირად აქვთ საშუალება, სიკეთე მოგვიტანონ, იშვიათად აღეძვრებათ ეს სურვილი.“
	— იმანუელ კანტი

	„სიკეთე რაღაც მხრივ არ არის სალხინებელი.“
	— ფრანც კაფკა

	„შეეცადეთ ოდნავ კეთილი იყოთ და თქვენ დაინახავთ, რომ ცუდის გაკეთებას ვეღარ შეძლებთ.“
	— კონფუცი

	„შეგიძლიათ მთელი ცხოვრება წყევლოთ სიბნელე, ან აანთოთ პატარა სანთელი.“
	— კონფუცი

ლ

	„სიკეთე სიტყვებში ქმნის რწმენას, სიკეთე აზრებში ქმნის სიღრმეს, ხოლო სიკეთე ცხოვრებაში ქმნის სიყვარულს.“
	— ლაო ძი

	„ადამიანთა უმრავლესობისთვის ბოროტების მიყენება იმდენად საშიში არ არის, რამდენადაც გადაჭარბებული სიკეთე.“
	— ფრანსუა დე ლაროშფუკო

მ

	„სიკეთე გაუბედავად აკაკუნებს, ბოროტება კი არ კითხულობს, ისე აწვება კარებს!“
	— იაკობ მანსვეტაშვილი

	„როდესაც ბავშვები კეთილ ზღაპრებს მოისმენენ, ისინიც მოსიყვარულე, კეთილი, გულთბილი ადამიანები იქნებიან.“
	— პაატა მოისწრაფიშვილი

  ციტატის წყარო: “სიკეთე”

	„სიკეთეა უმიზეზო, თორემ სხვა ყველაფრისთვის იპოვი მიზეზს.“
	— ვახტანგ მოსიაშვილი

  ციტატის წყარო: “სიბრძნე სიცრუისა” (2013 წ.)

	„ადამიანს, რომელსაც სიკეთეს უკეთებ, მადლიერების გრძნობა უნდა გაუჩნდეს შენ მიმართ და არა ─ ვალდებულების.“
	— ზურაბ მხეიძე

ო

	„კაცისა დიდი სიკეთე იგია, რომე სიავე არ იმახსოვროს და სიკეთით დაფაროს.“
	— სულხან-საბა ორბელიანი

	„სამადლო საქმე მალვითა სჯობს და ღმერთიცა უფროსად შეუწირავს.“
	— სულხან-საბა ორბელიანი

  ციტატის წყარო: „ორმოში ჩაგდებული მეფე“

	„მას, ვინც ქველმოქმედების სიკეთეებით სარგებლობს, ყოველთვის სძულს თავისი კეთილისმყოფელი.“
	— ჯორჯ ორუელი

  ციტატის წყარო: “პარიზისა და ლონდონის ფსკერზე” (1933 წ.)

რ

	„სიკეთე ადამიანს ძალას მატებს, თუ მძიმე ცხოვრებით დაღდასმულია.“
	— ერიხ მარია რემარკი

  ციტატის წყარო: “ტრიუმფალური თაღი” (1945 წ.)

	კარგის მქმნელი კაცი ბოლოდ არ წახდების.
	— შოთა რუსთაველი

  ციტატის წყარო: “ვეფხისტყაოსანი” (XII ს.)

	ბოროტსა სძლია კეთილმან, არსება მისი გრძელია!
	— შოთა რუსთაველი

  ციტატის წყარო: “ვეფხისტყაოსანი” (XII ს.)

ს

	„იყო კეთილი ყველასთან, ვისაც ხვდები, რთულ ბრძოლაში ყოფნას ჰგავს.“
	— სოკრატე

	„სიკეთე სიკეთეს აჩენს.“
	— სოფოკლე

	„ამქვეყნად ყველაზე უფრო ძლიერი სიკეთის ძალაა [...] ოღონდ, კეთილისა და ბოროტის გარჩევა უნდა შეგეძლოს.“
	— არჩილ სულაკაური

  ციტატის წყარო: “სალამურას თავგადასავალი” (1967 წ.)

	„სიკეთე მაშინ არის სიკეთე, როდესაც მისი გაკეთება შენ უფრო გაბედნიერებს, ვიდრე მას, ვისთვისაც ამას აკეთებ.“
	— სულა სულაშვილი

  ციტატის წყარო: “მზე, რომელიც ღამე ამოდის”

ტ

	„ყველას სიკეთე დაანახე ─ გამომეტყველებით, თვალებით ან ღიმილით...“
	— დედა ტერეზა

	„სიკეთე ─ ეს არის ის, რასაც დაინახავს ბრმა და გაიგონებს მუნჯი.“
	— მარკ ტვენი

	„კეთილ ხალხთან ურთიერთობას ბედნიერება მოაქვს.“
	— ლევ ტოლსტოი

	„სიკეთე სულისთვის იგივეა, რაც ჯანმრთელობა ─ სხეულისთვის.“
	— ლევ ტოლსტოი

	„არ არსებობს ამ ქვეყანაზე იმაზე მშვენიერი გრძნობა, ვიდრე შეგრძნება, რომ შენ გაუკეთე ადამიანებს ერთი წვეთი სიკეთე მაინც.“
	— ლევ ტოლსტოი

	„კეთილ ადამიანებს აქვთ უნარი დაინახონ და იწამონ სიმართლის შესაძლებლობა, იმავე დროს ისინი მეტად ცხადად ხედავენ ცხოვრების ბოროტებასა და სიცრუეს, რაც შეუძლებელს ხდის მიიღონ სერიოზული მონაწილეობა ამ ცხოვრებაში.“
	— ლევ ტოლსტოი

	„ააშენე კეთილი საქმეების ციხესიმაგრე და იმაზე მყარი არაფერი იქნება.“
	— დათო ტურაშვილი

  ციტატის წყარო: “გურჯი-ხათუნი” (2011 წ.)

უ

	„შეუძლებელია ადამიანები კეთილებად აქციო საპარლამენტო დეკრეტით.“
	— ოსკარ უაილდი

	„სიკეთის კეთებასაც სიბრძნე სჭირდება ─ კეთილი ის კი არ არის, ვინც სიკეთეს აკეთებს, არამედ ის, ვისაც ბოროტების ქმნა არ შეუძლია...“
	— მამა გაბრიელი

ფ

	„სიკეთის გაცემით ჯერ არავინ გაღარიბებულა.“
	— ანა ფრანკი

შ

	„მამაკაცი, რომელსაც კეთილშობილური საქციელის ჩადენა შეუძლია, ქალების მხრიდან სიყვარულისთვის განწირულია.“
	— კოკო შანელი

ჭ

	„ის ღვთის მადლი, რომელიც ყოველ კაცს თავდაპირველადვე ჩაგვსახებია, ჩვენთვის დაკარგულია, თუ სიკეთე არ მოვაგებინეთ.“
	— ილია ჭავჭავაძე

	„ყველა კაცმა რომ იგი სიკეთე ჰქმნას, რის შემძლებიც არის, ქვეყნიერებაზე უბედურნი აღარ იქნებიან.“
	— ილია ჭავჭავაძე

	სიკეთით სძლიე შენს მტერსა, ერიდე სისხლით ზღვევასა: სულგრძელობითა ძლევა სჯობს ვაჟკაცობითა ძლევასა.
	— ილია ჭავჭავაძე

  ციტატის წყარო: “დამაკვირდი”

	სიკეთის ფასი არ ითქმის, სულ მისხლით იწონებაო, ჰქმენ და საზღაურს ნუ ელი, წადი, წინ დაგიხვდებაო!..
	— ილია ჭავჭავაძე

	„ყველაფერი, რაც სხვის საკეთილდღეოდ კეთდება, სიკეთის გამოვლინებაა.“
	— ილია ჭავჭავაძე

	„დამუნათებული, წაყვედრებული კეთილი, ... ბოროტზე უარესია და უმძიმესი ასატანად.“
	— ილია ჭავჭავაძე

	„გაუმართლებელი, გადამეტებული სიკეთე ბოროტებას აღვივებს მხოლოდ.“
	— ოთარ ჭილაძე

  ციტატის წყარო: “ყოველმან ჩემმან მპოვნელმან” (1976 წ.)

	„ბოროტება ისე ხმაურობს, ხანდახან ფიქრობ, ქვეყნად მარტო ის არისო. არადა, სამყაროს ჩუმი სიკეთე მართავს.“
	— ოთარ ჭილაძე

ხ

	შპალერის ყვავილს ლურსმანი მოარიდა და უკვე იცი, არავის გაწირავს.
	— ვაჟა ხორნაული

ჰ

	„სიკეთე სილამაზეზე მაღლა დგას.“
	— ჰაინრიხ ჰაინე

	„45 წლიანი კვლევა-ძიების შემდეგ, საუკეთესო რჩევა, რაც მე შემიძლია ადამიანებს მივცე, ისაა, რომ ოდნავ უფრო კეთილად მოექცნენ ერთმანეთს.“
	— ოლდოს ჰაქსლი

	„სიკეთის ყოველი პრინციპი საკუთარ თავში ატარებს ეკვივალენტურ საფრთხეს.“
	— ნაპოლეონ ჰილი

  ციტატის წყარო: “ჭკუით აჯობე ეშმაკს” (1938 წ.)

	„ვინც ძერას დაშავებული ფრთა მოურჩინა, ის აგებს პასუხს მისი კლანჭების მოქმედებაზეც.“
	— ვიქტორ ჰიუგო

	„არ უნდა გაუკეთო ადამიანს ათასი სიკეთე, როცა თვლა ათამდე იცის!..“
	— ენტონი ჰოპკინზი

მიმოფანტე სიკეთე და როცა თავად დაგჭირდება შველა, წინ კონად შეკრული დაგხვდება!

	„დაე, შენი სიკეთე თოვასავით იყოს, რომელიც არ არჩევს არავის და ყველას ათოვს.“
	— [[]]

	„ვისაც სჯერა, რომ კეთილი ადამიანი ვარ ─ დიდი მადლობა; ვინც მიცნობს, გთხოვთ ─ არაფერი უთხრათ სხვებს.“
	— [[]]

	„სიკეთე ყოველთვის დაგიბრუნდებათ.“
	— [[]]

	„სიკეთე, მზისგან განსხვავებით, დღედაღამ ანათებს!“
	— აღმოსავლური

	„თუ სიკეთეს თესავ და არ ამოდის, დასათესად სხვა ადგილი შეარჩიე.“
	— [[]]

	„სიკეთე არ დაიმალება.“
	— ძველი რომაული გამოთქმა

ყოველთვის მინდოდა, რომ ყველასთვის სიკეთით მეპასუხა, მაგრამ ცხოვრებამ მასწავლა, რომ ყველას ისე მოვექცე, როგორც დაიმსახურებენ! სიკეთე ძაღლსაც არ დაავიწყდება.