სიმართლე

ანბანური საძიებელი : ა ბ გ დ ე ვ ზ თ ი კ ლ მ ნ ო პ ჟ რ ს ტ უ ფ ქ ღ ყ შ ჩ ც ძ წ ჭ ხ ჯ ჰ

ა

	„თუ ეს ზედმეტად კარგია, რომ სიმართლე იყოს, მაშინ ეს სიმართლე არაა.“
	— ვუდი ალენი

	„პლატონი ჩემი მეგობარია, მაგრამ ჭეშმარიტება ─ უფრო დიდი მეგობარი.“
	— არისტოტელე

ბ

	„სიმართლე მწარე წამალია ─ არ გესიამოვნება, მაგრამ მოგარჩენს!“
	— ონორე დე ბალზაკი

	„არ არის საჭირო მთელი სიმართლის თქმა, მაგრამ მხოლოდ სიმართლე უნდა ითქვას.“
	— ფრედერიკ ბეგბედერი

	„როდესაც გსურს, გააბრიყვო მთელი მსოფლიო, ილაპარაკე სიმართლე.“
	— ოტო ფონ ბისმარკი

	„ჭეშმარიტების სიდიადეს დაცვა ამდაბლებს.“
	— რეი ბრედბერი

  ციტატის წყარო: “451º ფარენჰაიტით” (1953 წ.)

	„იქ, სადაც ყველა მატყუარაა, სიმართლის მთქმელი ყოველთვის მტერია!“
	— პიერ ბუასტი

	„სამი რამ არ დაიმალება დიდხანს: მზე, მთვარე და სიმართლე.“
	— ბუდა

	„ენას შეუძლია სიმართლე დამალოს, თვალებს კი ─ არასოდეს!“
	— მიხეილ ბულგაკოვი

  ციტატის წყარო: “ოსტატი და მარგარიტა” (1966 წ.)

გ

	„მეფეებს ასე გჩვევიათ: თუ მართლის მთქმელი იმ დღეს დაინდეთ, სამი წლის შემდეგ სამგზის აზღვევინებთ სიმართლისათვის.“
	— კონსტანტინე გამსახურდია

  ციტატის წყარო: “დიდოსტატის მარჯვენა” (1938-1939 წწ.)

	„თუ შენ მართალი ხარ და ეს შენ იცი, გამოხატე შენი აზრი, მაშინაც კი, როდესაც უმცირესობაში ხარ, რადგან სიმართლე მაინც რჩება სიმართლედ.“
	— მაჰათმა განდი

დ

	„სიმართლის სხივს ვერავითარი ნისლი ვერ გაუძლებს.“
	— ფიოდორ დოსტოევსკი

	„ჭეშმარიტების თვალნათლივ დანახვამ არ შეიძლება მაინც არ შეგაძრწუნოს კაცი.“
	— ფიოდორ დოსტოევსკი

  ციტატის წყარო: “ეშმაკნი” (1872 წ.)

	„სიმართლე რომ დასაჯერებელი გახდეს, უთუოდ ტყუილი უნდა შეურიო.“
	— ფიოდორ დოსტოევსკი

  ციტატის წყარო: “ეშმაკნი” (1872 წ.)

	„მარტო სიმართლეს უყურებთ?! მაშასადამე არასწორად სჯით.“
	— ფიოდორ დოსტოევსკი

  ციტატის წყარო: “იდიოტი” (1868 წ.)

	„ყოველი სინამდვილე თითქმის მუდამ წარმოუდგენელი და დაუჯერებელია, თუმცა თავისი გარდუვალი კანონები კი გააჩნია და რაც უფრო ნამდვილია, ზოგჯერ მით უფრო დაუჯერებელიც.“
	— ფიოდორ დოსტოევსკი

  ციტატის წყარო: “იდიოტი” (1868 წ.)

	„რაგინდ უხამსი და მოურიდებელი იყოს მლიქვნელობა, ნახევარი მაინც სიმართლედ ეჩვენება ადამიანს.“
	— ფიოდორ დოსტოევსკი

  ციტატის წყარო: “დანაშაული და სასჯელი” (1866 წ.)

	„მირჩევნია უბედური ვიყო და ყველაფერი ვიცოდე, ვიდრე ბედნიერი და... გაბრიყვებული.“
	— ფიოდორ დოსტოევსკი

  ციტატის წყარო: “იდიოტი” (1868 წ.)

ზ

	„თუ სიმართლეს დაფარავთ და მიწაში ჩამარხავთ ─ უსათუოდ გაიზრდება და ერთხელაც იქნება, ისეთ ძალას მოიპოვებს, რომ თავის გზაზე ყოველივეს წალეკავს.“
	— ემილ ზოლა

თ

	„შეიძლება კვლავ ჰპოვო ერთხელ დაკარგული ჭეშმარიტება, მაგრამ მისი ძალად ან ბრმად აღიარება გარედანვე ახშობს მისკენ მიმავალ გზას.“
	— რაბინდრანათ თაგორი

  ციტატის წყარო: “დღენი ჩემი სიჭაბუკისა” (1911-1912 წწ.)

	„აბსოლუტური სიცარიელე არ არსებობს, შეუძლებელია, ჭეშმარიტება გაქრეს და პირდაღებული უფსკრულიღა დატოვოს.“
	— რაბინდრანათ თაგორი

  ციტატის წყარო: “ოთხი ცხოვრება” (1914 წ.)

	„მონაგონი ყოველთვის გაუბედავია: მან ხალხის ნდობა უნდა მოიხვეჭოს, სიმართლე ამას არ დაგიდევს, რადგან არ ეშინია დაუჯერებელი აღმოჩნდეს.“
	— რაბინდრანათ თაგორი

  ციტატის წყარო: “ოთხი ცხოვრება” (1914 წ.)

ი

	„რად გინდა ისეთი ჭეშმარიტება, თუკი მეგობარს დაკარგავ?“
	— ილია II

კ

	„ჭეშმარიტი გზა დაჭიმული თოკია ─ არა სიმაღლეზე, არამედ მიწასთან ახლოს; მისი დანიშნულება არ არის მასზე გავლა, არამედ მასზე წაბორძიკება.“
	— ფრანც კაფკა

	„ჭეშმარიტება ის სიმდიდრეა, რომელსაც ვერ ასწავლი ადამიანს; ჭეშმარიტება საჩუქარია, რომელსაც იღებ, როგორც სიყვარულსა და სილამაზეს.“
	— ფრანც კაფკა

	„ჭეშმარიტება განუყოფელია, მაშასადამე, მას საკუთარი თავის შეცნობა არ შეუძლია. ის, ვისაც მისი გაგება სურს, ტყუილი უნდა იყოს.“
	— ფრანც კაფკა

	„განუწყვეტლივ უნდა ვისწავლოთ, ვაკეთოთ, ვილაპარაკოთ სიმართლე. ვინც მის შესწავლას შეუდგება, მხოლოდ ის გაიგებს, რამდენად შორსა ვყოფილვართ სიმართლისაგან.“
	— კონფუცი

ლ

	„ადამიანი ხომ ვერასოდეს მიაღწევს აბსოლუტურ ჭეშმარიტებას...“
	— ჯეკ ლონდონი

  ციტატის წყარო: “მარტინ იდენი” (1909 წ.)

მ

	„აუცილებელი არ არის, ყველას უთხრათ სიმართლე, მაგრამ ყველაფერი, რასაც იტყვით ─ უნდა იყოს სიმართლე.“
	— გაბრიელ გარსია მარკესი

	„სიმართლის მთქმელი ხშირად მარტო რჩება, მაგრამ ეს მარტოობა ბევრად სჯობს ფარისეველთა გარემოცვას.“
	— მიშელ დე მონტენი

	„ქალს ყბედობას აპატიებენ, სიმართლის თქმას ─ არა.“
	— ანდრე მორუა

	„ვერასოდეს იტყვი სიმართლეს, რომელიც ტყუილს ჰგავს.“
	— ვახტანგ მოსიაშვილი

  ციტატის წყარო: “სიბრძნე სიცრუისა” (2013 წ.)

ნ

	„ერთი დღე ილაპარაკეთ მხოლოდ სიმართლე და უკვე საღამოსკენ იქნებით უმუშევარი, მარტოსული, ყველასგან დავიწყებული და დაწყევლილი ტრავმატოლოგიურში მწოლიარე ინვალიდი.“
	— ჯეკ ნიკოლსონი

	„სიმართლის მთაზე ცოცვა არასდროსაა ამაო ─ ან დღესვე ახვალ უფრო მაღლა, ან ძალებს გაიუმჯობესებ და ხვალ შეძლებ ასვლას.“
	— ფრიდრიხ ნიცშე

	„სინამდვილე მეტაფორების, მეტონიმიების, ანთროპომორფიზმების მოძრავი არმიაა.“
	— ფრიდრიხ ნიცშე

  ციტატის წყარო: “ჭეშმარიტებისა და სიცრუის შესახებ მორალის გარეშე აზრით”

ო

	„სიყალბის ეპოქაში სიმართლის თქმა რევოლუციური აქტია.“
	— ჯორჯ ორუელი

	„სიცრუე უფრო კეთილშობილურია, ვიდრე ნახევრად სიმართლე.“
	— ოშო

პ

	„ჭეშმარიტება არასდროს იმარჯვებს ─ უბრალოდ მისი მოწინააღმდეგენი იხოცებიან.“
	— მაქს პლანკი

	„სიმართლეს ბევრი მომხრე ჰყავს, მაგრამ ცოტა დამცველი.“
	— პლატონი

რ

	„ხალხის აზრი ძირითადად შექმნილია იმისთვის, რომ თავი კომფორტულად იგრძნონ; სიმართლე ადამიანების უმეტესობისთვის მეორეხარისხოვანია.“
	— ბერტრან რასელი

	„სიმართლე არის ის, რისთვისაც ადამიანები ერთმანეთს ხოცავენ.“
	— ტომას მაინ რიდი

	„ცდომასთან ათასი გზა მიდის, ჭეშმარიტებასთან ─ ერთი.“
	— ჟან-ჟაკ რუსო

	„ჩემი საქმე სიმართლის თქმაა და არა მისი მტკიცება თქვენთვის.“
	— ჟან-ჟაკ რუსო

	„ჭეშმარიტება სად არის, არავინ იცის, ხოლო გვანებით იგი კეფასა ჰგავს, რომელიც ვიცით, სად არის, მაგრამ ვერასოდეს დავინახავთ.“
	— გურამ რჩეულიშვილი

  ციტატის წყარო: “სიყვარული მარტის თვეში” (1956 წ.)

ს

	„ერთადერთი რამ, რაც სიბრმავეზე უარესია ─ იყო ერთადერთი, ვინც ხედავს.“
	— ჟოზე სარამაგუ

	„სიმართლეში მეტი სილამაზეა, თუნდაც საზარელი სილამაზე იყოს.“
	— ჯონ სტეინბეკი

	გაჩერებული საათიც კი არ იტყუება და დღეში ორჯერ უნებურად ამბობს სიმართლეს.
	— დავით სულთანიშვილი

ტ

	„თუ ყოველთვის სიმართლეს იტყვი, არაფრის დამახსოვრება არ მოგიწევს.“
	— მარკ ტვენი

	„ნეტარებას განიჭებს არა ჭეშმარიტების აღმოჩენა, არამედ ძიება ამ ჭეშმარიტებისა.“
	— ლევ ტოლსტოი

	„რა იქნებოდა სიმართლე, ერთი რომ იყოს ყველასთვის, ვინც მას ეძებს. სიმართლეც იმდენია, რამდენიც ადამიანი...“
	— დათო ტურაშვილი

  ციტატის წყარო: “გურჯი-ხათუნი” (2011 წ.)

უ

	„თუ გინდა, ხალხს სიმართლე უთხრა ─ ხუმრობით შეაპარე, წინააღმდეგ შემთხვევაში, ისინი მოგკლავენ.“
	— ოსკარ უაილდი

	„ადამიანი ყველაზე ნაკლებად ჰგავს საკუთარ თავს, როცა საკუთარი სახელით ლაპარაკობს ─ მიეცით მას ნიღაბი და ის გეტყვით სიმართლეს.“
	— ოსკარ უაილდი

ფ

	„კაცს, რომელსაც სძულს სიმართლე, სძულს ისიც, ვინც ბედავს სიმართლის თქმას.“
	— ფრანსუა ფენელონი

	„ფაქტებსა და ჭეშმარიტებას ბევრი არაფერი ესაქმებათ ერთმანეთთან.“
	— უილიამ ფოლკნერი

ქ

	„სიმართლე რა ბედენაა, შენიანის სისხლი თუ დაღვარე და მტრის საქმე აკეთე.“
	— ჯემალ ქარჩხაძე

  ციტატის წყარო: “ზებულონი” (1988 წ.)

	„სიმართლე შეგიძლია გვემო, ხაროში ჩააგდო და ზემოდან მიწა გადააფარო. ან არადა, ლაქი წაუსვა, ვერცხლის წყალში ამოავლო, ლამაზ ქათქათა ტყუილში გაახვიო, მაგრამ მოკვლით ვერ მოკლავ.“
	— ჯემალ ქარჩხაძე

  ციტატის წყარო: “მდგმური” (1979 წ.)

შ

	„ყოველი ჭეშმარიტება გადის სამ საფეხურს: თავდაპირველად, მას დასცინიან, შემდეგ უხეშად თელავენ და ბოლოს აღიარებენ, როგორც უდავო ჭეშმარიტებას.“
	— არტურ შოპენჰაუერი

	„თუ ხალხისთვის სიმართლის თქმა გსურს, გააცინე ისინი, სხვა შემთხვევაში მოგკლავენ.“
	— ჯორჯ ბერნარდ შოუ

	„როცა რაიმე სასაცილოა, კარგად დააკვირდით დამალულ სიმართლეს.“
	— ჯორჯ ბერნარდ შოუ

ჩ

	„ყველა ადამიანი ეძებს სიმართლეს, მაგრამ მხოლოდ ღმერთმა იცის, ვინ იპოვა იგი.“
	— ლორდი ჩესტერფილდი

  ციტატის წყარო: “წერილები ვაჟიშვილს” (1749 წ.)

	„ამბობენ, რომ ბოლოს ყოველთვის სიმართლე იმარჯვებს... მაგრამ ესეც სიცრუეა.“
	— ანტონ ჩეხოვი

ჭ

	„არ შეიძლება, რომ უსასრულოდ მხოლოდ ძლიერი იყოს მართალი, მაგრამ თუ სხვებიც არ მიეხმარნენ, როგორ დაიცავს სიმართლეს სუსტი?!“
	— ოთარ ჭილაძე

  ციტატის წყარო: “ადამიანი გაზეთის სვეტში”

	„ბედნიერია ყოველი თვალი, თუკი სიმართლეს უყურებს იგი.“
	— ოთარ ჭილაძე

  ციტატის წყარო: “ადამიანი გაზეთის სვეტში”

ჰ

	„ყველაზე დიდი მოთხოვნილებაა ჭეშმარიტების დაუფლების სურვილი.“
	— გეორგ ვილჰელმ ფრიდრიხ ჰეგელი

	„ჭეშმარიტება იბადება როგორც მწვალებლობა და კვდება, როგორც გაურკვევლობა.“
	— გეორგ ვილჰელმ ფრიდრიხ ჰეგელი

	„ადამიანები, რომლებიც სიმართლით ცხოვრობენ, სამყაროს ცვლიან.“
	— ლუიზა ჰეი

  ციტატის წყარო: “მართე შენი ბედი”

	„სიმართლე დაეწევა მატყუარებს და ცრუ მოწმეებს.“
	— ჰერაკლიტე

	„სიმართლე ნელა, მაგრამ უცილობლად ათავისუფლებს ადამიანებს შიშისგან.“
	— ნაპოლეონ ჰილი

  ციტატის წყარო: “ჭკუით აჯობე ეშმაკს” (1938 წ.)

	„სიმართლე ─ ესაა ერთადერთი რამ სამყაროში, რომელსაც შეუძლია დაცინვებს გაუძლოს.“
	— ნაპოლეონ ჰილი

  ციტატის წყარო: “ჭკუით აჯობე ეშმაკს” (1938 წ.)

როცა წიგნებიდან ამოკითხულ ცოდნას შეადარებ ადამიანებთან ურთიერთობით მიღებულ გამოცდილებას, სიმართლის მიკვლევა გაცილებით გაადვილდება.

	„რაც უფრო დაშორებულია საზოგადოება სიმართლეს, მით უფრო მეტად სძულს სიმართლის მთქმელი.“
	— [[]]

	„მხოლოდ ბავშვისა და გიჟისგან თუ გაიგებ სიმართლეს.“
	— ბერძნული ანდაზა