სიცოცხლე

ანბანური საძიებელი : ა ბ გ დ ე ვ ზ თ ი კ ლ მ ნ ო პ ჟ რ ს ტ უ ფ ქ ღ ყ შ ჩ ც ძ წ ჭ ხ ჯ ჰ

ა

	„ჭეშმარიტად, რა თვალის დახამხამებაში ქრება ადამიანის სიცოცხლე, თითქოს ცვარი იყოს ან ელვა.“
	— რიუნოსკე აკუტაგავა

  ციტატის წყარო: “უსიერ ტყეში” (1922 წ.)

	„სიცოცხლე ითხოვს მოძრაობას.“
	— არისტოტელე

ბ

	„ერთი პატიოსანი კაცის სიცოცხლე უფრო ძვირია, ვიდრე ორი მოღალატის, ხოლო საჭირო ადგილას დარტყმულ ხანჯალს უკვდავების დამსახურება შეუძლია.“
	— ონორე დე ბალზაკი

  ციტატის წყარო: “ვენდეტა” (1830 წ.)

	„სიცოცხლე იმით კი არ იზომება, რამდენჯერ ჩაისუნთქავ, არამედ იმით, თუ რამდენჯერ შეგეკვრება სუნთქვა!“
	— პემ ბრაუნი

	„სიცოცხლე არის ის, რის შენარჩუნებასაც ადამიანი ყველაზე მეტად ცდილობს და რასაც ყველაზე ნაკლებად უფრთხილდება.“
	— ჟან დე ლა ბრუიერი

  ციტატის წყარო: “ხასიათები, ანუ ჩვენი საუკუნის ზნე-ჩვეულებანი” (1839 წ.)

გ

	„სიცოცხლე იქაა, სადაც სიყვარულია!“
	— მაჰათმა განდი

	„ამ ცხოვრებაში ყოველდღიურ წვრილმან ამბებს რომ სიხარული არ მოჰქონდეს, სიცოცხლეს ფასი არ ექნებოდა.“
	— გურამ გეგეშიძე

	„სიცოცხლე მხოლოდ მაშინ არის კარგი, როდესაც სიყვარულის სხივითაა გამთბარი.“
	— გოეთე

	„სიცოცხლე არის ისეთი გამოცდილება, რომლის გამოც სიამოვნებით აღარ ვკვდებით.“
	— გოეთე

	„გამოუყენებელი სიცოცხლე ადრეული სიკვდილის ტოლფასია.“
	— გოეთე

	„ადამიანთა უმეტესობას მანამდე არ ესმის, რა ძვირფასი საჩუქარია სიცოცხლე, სანამ სნეულებას და სატკივარს არ გადაეყრება.“
	— იუსტაინ გორდერი

	„სიცოცხლით ტკბობას აუცილებლად შეერწყმება სიკვდილის სურვილი.“
	— მაქსიმ გორკი

დ

	„მე არაფერი ვიცი ცხოვრების შესახებ, მაგრამ ძალიან მინდა სიცოცხლე.“
	— ჯონი დეპი

	„სიცოცხლე გვეძლევა აუცილებელი პირობით, რომ აღსრულებამდე ვაჟკაცურად ვიცავდეთ.“
	— ჩარლზ დიკენსი

	„ადამიანების არსებობის უმთავრესი იდეა სიცოცხლე კი არა, იმის პოვნაა, რისთვისაც იცოცხლებს.“
	— ფიოდორ დოსტოევსკი

	„სიცოცხლის ყოველი წამი და წუთი ადამიანისთვის დიდი ნეტარება უნდა იყოს... უთუოდ უნდა იყოს! ადამიანი მოვალეცაა ასე მოაწყოს ცხოვრება. ეს სიცოცხლის კანონია, მალული, მაგრამ ჭეშმარიტი კანონი...“
	— ფიოდორ დოსტოევსკი

  ციტატის წყარო: “ეშმაკნი” (1872 წ.)

ე

	„უნდა იცხოვრო სიცოცხლის მთელი დატვირთვით, რასაც ტანჯვა და სიხარული მოაქვს – აი, ეს არის ნამდვილი სიცოცხლე.“
	— ანტუან დე სენტ-ეგზიუპერი

	„სიცოცხლე – ესაა თანდათანობით დაბადება.“
	— ანტუან დე სენტ-ეგზიუპერი

	„სიცოცხლე მოგზაურობაა და არა დანიშნულების ადგილი.“
	— რალფ ემერსონი

ვ

	„ვინც სიცოცხლეს არ აფასებს, არც იმსახურებს მას.“
	— ლეონარდო და ვინჩი

თ

	„ჩვენი მისწრაფებების ჩახშობა გვიწამლავს სიცოცხლეს.“
	— რაბინდრანათ თაგორი

  ციტატის წყარო: “დღენი ჩემი სიჭაბუკისა” (1911-1912 წწ.)

ი

	„სიცოცხლე მაინც სიცოცხლეა ─ იგი ერთხელ ეძლევა ადამიანს; სიკვდილი კი ხელში გიჭირავს ─ არსად წაგივა, იცი...“
	— ოტია იოსელიანი

	„სიცოცხლე ისე არ დაამთავრო, ხელახლა დასაწყები გაგიხდეს!“
	— ოტია იოსელიანი

კ

	„ადამიანი, რომელიც მზადაა, არაფრის გულისათვის მოკვდეს ─ სიცოცხლეს არ იმსახურებს!“
	— მარტინ ლუთერ კინგი

	„თუ ადამიანს არ აღმოუჩენია, რისთვისაც ის მოკვდებოდა, ის არც არის სიცოცხლის ღირსი.“
	— მარტინ ლუთერ კინგი

	„როგორ შევძლებთ გავიგოთ, რა არის სიკვდილი მაშინ, როცა ჯერ წარმოდგენაც კი არ გვაქვს, თუ რა არის სიცოცხლე?“
	— კონფუცი

ლ

	„სიცოცხლე, ეს ისაა, რისი შენარჩუნებაც ყველაზე მეტად გვინდა და რასაც ყველაზე ნაკლებად ვუფრთხილდებით.“
	— ჟან დე ლაბრიუიერი

	„ყოველთვის აირჩიე სიცოცხლე.“
	— დალაი ლამა XIV

მ

	„ყველა ნივთი ცოცხალია, მთავარია იცოდეთ, როგორ გააღვიძოთ მათში სული.“
	— გაბრიელ გარსია მარკესი

	„სიცოცხლე ყოველთვის იმარჯვებს სიკვდილზე, თუმც ადამიანი აკვნიდანვე თანდაყოლილი სიძულვილით ცდილობს მის დამსხვრევას.“
	— ლუის ა. მარტინესი

  ციტატის წყარო: “სანაპიროსკენ” (1904 წ.)

	„ღმერთი სიცოცხლეა ─ ჩვენ ვერ დავინახავთ სიცოცხლეს, მაგრამ ვგრძნობთ, რომ ცოცხლები ვართ [...] ჩვენ ყველანი სიცოცხლის ერთიანი კანონის მოქმედების შედეგი ვართ.“
	— ჯოზეფ მერფი

  ციტატის წყარო: “ქვეცნობიერების მართვის ტექნიკა”

	„სიცოცხლე ─ მოძრაობაა წინ და მაღლა, მიახლოებაა უზენაესთან და ძილისგან გამოღვიძებაა.“
	— ჯოზეფ მერფი

  ციტატის წყარო: “როგორ მოვიზიდოთ ფული”

	„როცა საკუთარი თავის მიღმა არავის ეჯიბრები ─ სიცოცხლე დღესასწაული ხდება!“
	— ვახტანგ მოსიაშვილი

	„დიდხანს სიცოცხლის მთავარი ნაკლი ის არის, რომ თანდათან სასაფლაოზე მეტი ნაცნობი გროვდება, ვიდრე ქალაქის ქუჩებში.“
	— ვახტანგ მოსიაშვილი

  ციტატის წყარო: “სიბრძნე სიცრუისა” (2013 წ.)

ნ

	სად არ ჩნდება, ფოთოლს სად არ ამოყრის ეს სიცოცხლის ყიჟინა და ამბოხი!
	— შოთა ნიშნიანიძე

  ციტატის წყარო: “ბალახი”

ო

	სოფელი იმად არა ღირს, კაცი ნატრობდეს ჟამს გრძელსა, თუ ფუჭი მისი სიცოცხლე ვერა რას არგებს მამულსა!
	— გრიგოლ ორბელიანი

  ციტატის წყარო: “ჰე, მამულო...”

	„საკითხავი ის კი არ არის ─ არსებობს თუ არა სიცოცხლე სიკვდილის შემდეგ; საკითხავია ─ შენ ხარ თუ არა ცოცხალი გარდაცვალებამდე.“
	— ოშო

რ

	„ღმერთს არ უყვარს გულქვა სულები და ივიწყებს მათ არსებობას ─ ამიტომაც ცოცხლობენ ისინი უსასრულოდ დიდხანს...“
	— ერიხ მარია რემარკი

	„სიცოცხლე იმაზე მეტია, ვიდრე სენტიმენტალურ ცნებათა კრებული.“
	— ერიხ მარია რემარკი

  ციტატის წყარო: “ტრიუმფალური თაღი” (1945 წ.)

	„ჩვენი ცოდნა სიცოცხლის შესახებ სიკვდილით შემოიფარგლება.“
	— ერიხ მარია რემარკი

  ციტატის წყარო: “დასავლეთის ფრონტი უცვლელია” (1929 წ.)

	„არაფერი დამთავრებულა მათთვის, ვინც ცოცხალია!“
	— რომენ როლანი

	„კაცმა უნდა მთელი სულით იცოცხლო.“
	— გურამ რჩეულიშვილი

  ციტატის წყარო: “ასვლა” (1956 წ.)

ს

	„სიცოცხლე თეატრივითაა, რომლის წარმოდგენაშიც მთავარია არა ხანგრძლივობა, არამედ ის, თუ როგორ შეასრულებ მასში საკუთარ როლს.“
	— სენეკა

	„უნდა ჭამო იმისთვის, რომ იცოცხლო და არა ─ იმისათვის იცოცხლო, რომ ჭამო!“
	— სოკრატე

	„იყო ცოცხალი, საერთო ჯამში, ნიშნავს ─ გქონდეს ნაიარევები...“
	— ჯონ სტეინბეკი

ტ

	მე მეშინია იმგვარ სიცოცხლის, სიკვდილს რომ ჰგავს და უარესია...
	— გალაკტიონ ტაბიძე

  ციტატის წყარო: “ნეაპოლში”

	„სანამ სიცოცხლეა, ბედნიერებაც არის. წინ ბევრი, ბევრი რამეა...“
	— ლევ ტოლსტოი

	„სიცოცხლე შეძელით ─ სიკვდილი ყველას შეუძლია!“
	— დათო ტურაშვილი

ფ

	„მიუხედავად იმისა, რომ წარმოდგენაც არ გვაქვს, რა ვუყოთ ჩვენს ხანმოკლე ცხოვრებას, მაინც ვოცნებობთ უკვდავებაზე.“
	— ანატოლ ფრანსი

	შენ თუ გგონია სიცოცხლე სამოთხის კარი ღიაო; ნუ მოხვალ, მიწას ეფარე, მოსვლაში არა ყრიაო.
	— ვაჟა-ფშაველა

  ციტატის წყარო: “იას უთხარით ტურფასა”

შ

	„ბედნიერი სიცოცხლე არ არსებობს ─ არსებობს ბედნიერი წუთები.“
	— უინსტონ ჩერჩილი

ჩ

	„საბედნიეროდ, ჩვენი სიცოცხლე ჯერჯერობით არც ისე უშფოთველია, თორემ გზას აკვნიდან სამარემდე უფრო სწრაფად გავივლიდით.“
	— უინსტონ ჩერჩილი

ჭ

	„ადამიანი იქამდე ცოცხლობს, სანამ ვინმეს უყვარს....“
	— თამაზ ჭილაძე

	„ვაი იმას, ვინც სიცოცხლიდან მხოლოდ კარგის ამოკენკვას შეეცდება ─ სიცოცხლე როგორიცაა, ისეთი უნდა ჩაიხუტო გულში; არც იმის სიმახინჯემ უნდა შეგაწუხოს და არც იმის სიბინძურემ, რადგან სიმახინჯისა და სიბინძურის დაძლევით მივეახლებით სიმშვენიერესა და სიწმინდეს.“
	— ოთარ ჭილაძე

  ციტატის წყარო: “სიცოცხლისათვის” (1988 წ.)

	„ჩვენ მაინც ყველაფერი უნდა ვიღონოთ სიცოცხლის გადასარჩენად, რაც, უპირველეს ყოვლისა, ჩვენი მეობის, ჩვენი თავისთავადობის გადარჩენას ნიშნავს.“
	— ოთარ ჭილაძე

  ციტატის წყარო: “სიცოცხლისათვის” (1988 წ.)

	„ხანდახან წუთი სიცოცხლეს უდრის.“
	— ოთარ ჭილაძე

	„სიცოცხლე, ხანგრძლივიცა და ხანმოკლეც, სიკვდილთან შეჩვევაა და მეტი არაფერი...“
	— ოთარ ჭილაძე

  ციტატის წყარო: “მარტის მამალი” (1987 წ.)

	„სიცოცხლის შენარჩუნებაზე მეტად, იმაზე უნდა იზრუნოს ადამიანმა, ადამიანად შობილი, ადამიანადვე რომ წავიდეს ამ ქვეყნიდან.“
	— ოთარ ჭილაძე

  ციტატის წყარო: “მარტის მამალი” (1987 წ.)

ხ

	სიცოცხლის სილამაზე ესაა ─ წყაროსთან დაჩოქება და მდინარეებთან ჭიდილი.
	— ვაჟა ხორნეული

ჯ

	„ადამიანის სიცოცხლეში რამდენიმე დღე ან საათია დიდი სიხარულისთვის გადადებული: ქორწილის ღამე, მემკვიდრის დაბადება და საპატიმროდან გამოსვლა. ყოველივე დანარჩენი უბრალო ღიმილია, დინჯი კმაყოფილება.“
	— მიხეილ ჯავახიშვილი

	„სიცოცხლის მიზანია ─ იცხოვრო ისე, რომ სიკვდილის შემდეგაც არ მოკვდე...“
	— მუსა ჯალილი

ჰ

	„სიცოცხლე უსიყვარულოდ ცუდი სიზმარია.“
	— იტალიური ანდაზები