წარმატება

ანბანური საძიებელი : ა ბ გ დ ე ვ ზ თ ი კ ლ მ ნ ო პ ჟ რ ს ტ უ ფ ქ ღ ყ შ ჩ ც ძ წ ჭ ხ ჯ ჰ

ა

	„წარმატებებს განსაზღვრავს არა ჩვენი პირადი ნება, არამედ ობიექტური რეალობა.“
	— ალფრედ ადლერი

  ციტატის წყარო: “ბავშვთა აღზრდა” (1930 წ.)

	„გარშემომყოფთა აღიარების გარეშე წარმატება თითქმის არაფერს ნიშნავს.“
	— ალფრედ ადლერი

  ციტატის წყარო: “ბავშვთა აღზრდა” (1930 წ.)

	„განსაკუთრებული ძალისხმევის გარეშე მიღწეული წარმატება ხანმოკლეა.“
	— ალფრედ ადლერი

  ციტატის წყარო: “ბავშვთა აღზრდა” (1930 წ.)

	„ეცადე, გახდე არა წარმატებული, არამედ ─ ღირებული.“
	— ალბერტ აინშტაინი

	„წარმატების საიდუმლოზე მხოლოდ წარუმატებელი ხალხი მსჯელობს.“
	— მარსელ აშარი

ბ

	„აქ ყველაფერი იყიდება ─ წარმატებაც კი.“
	— ონორე დე ბალზაკი

	„წარმატება მხოლოდ და მხოლოდ წარუმატებელი მარცხია.“
	— ფრედერიკ ბეგბედერი

  ციტატის წყარო: “რომანტიკული ეგოისტი” (2005 წ.)

	„წარმატებას უძრავი ქონების საქმეში მხოლოდ მაშინ მივაღწიე, როცა ერთი მუღამი დავიჭირე: მაყუთი დიდი კი არა, პატარა ბინების გაყიდვაზე კეთდება (იმიტომ, რომ პატარა ბინები ლიწინ-ლიწინით იყიდება).“
	— ფრედერიკ ბეგბედერი

  ციტატის წყარო: “ფანჯრები მსოფლიოზე” (2003 წ.)

	„ზომიერად და ნელა ─ ასეთია გზა წარმატებისკენ.“
	— ბომარშე

	„დაეხმარეთ ძლიერებსა და ნიჭიერებს ─ უნიჭოები და ქვემძრომები თავისით გაიკვლევენ გზას...“
	— ნაპოლეონ ბონაპარტი

	„რატომ უნდა იყოს ადამიანი უბრალო ადამიანი, როდესაც მას შეუძლია გახდეს წარმატებული?“
	— ბერტოლდ ბრეხტი

	„ზოგჯერ შენს წარმატებას სხვები განაპირობებენ. ზოგჯერ კი შენ თვითონ. მაგრამ ძირითადად ის შენზეა დამოკიდებული.“
	— ჩარლზ ბუკოვსკი

  ციტატის წყარო: „ქალები“ (1978 წ.)

	„ფული და მატერიალური სიკეთეები უნდა ჩავთვალოთ ღვთაებრივ გამოვლინებად, და არა ცხოვრებაში ჩვენი წარმატების კრიტერიუმად.“
	— ლიზ ბურბო

  ციტატის წყარო: “ფული და სიუხვე”

	„იცხოვრო იღბლიანი ცხოვრებით და მიაღწიო წარმატებას ცხოვრებაში ─ ორი აბსოლუტურად სხვადასხვა ცნებაა.“
	— ლიზ ბურბო

  ციტატის წყარო: “ფული და სიუხვე”

გ

	„წარმატებას მტრებისა და მეშურნეების გაბოროტებაც მოსდევს.“
	— კონსტანტინე გამსახურდია

	„წარმატება ცუდი მასწავლებელია ─ ის გაფიქრებინებს, რომ არასდროს წააგებ.“
	— ბილ გეიტსი

	„წარმატება მარტოოდენ წამიერია და ვინც ამას ტაშს დაუკრავს, მხოლოდ მოდის ამყოლია.“
	— ვინსენტ ვან გოგი

	„წარმატებული ხარ მაშინ, როდესაც შენი მიღწევები სასარგებლოა სხვებისთვისაც.“
	— დავით გოგიჩაიშვილი

	„თუ კაცს სურს, რომ რაიმე დიდს მიაღწიოს, მან საკუთარი თავი იმაზე დიდად უნდა ჩათვალოს, ვიდრე სინამდვილეში არის.“
	— გოეთე

	„არაფერი ისე არ ვნებს ახალგაზრდობის ნიჭს, როგორც ნაადრევი ადვილი წარმატება.“
	— ლევან გოთუა

დ

	„თუ გინდათ წარმატებას მიაღწიოთ, პირველ ყოვლისა, საქმეს უნდა მიხედოთ.“
	— ჯონ დეკლესი

  ციტატის წყარო: “სურათი” (1966 წ.)

	„წარმატება ჩემთვის არ ნიშნავს დიდებას ან სიმდიდრეს; წარმატება ნიშნავს აკეთო ის, რაც გიყვარს და იყო თავისუფალი.“
	— ჯონი დეპი

	„გულისგულში უნდა გჯეროდეს, რომ სწორედ შენ მიაღწევ წარმატებას იქ, სადაც სხვებმა მარცხი განიცადეს.“
	— ართურ კონან დოილი

	„ბრბო და ქუჩა მუდამ მხოლოდ წარმატებას სცემდა თაყვანს.“
	— ფიოდორ დოსტოევსკი

  ციტატის წყარო: “ყმაწვილი” (1874-1875 წწ.)

ვ

	„ადამიანები უმეტესად იმ ნიჭით ცდილობენ მიაღწიონ წარმატებას, რომელიც არ გააჩნიათ.“
	— ლუკ დე კლაპიე ვოვენარგი

	„წარმატება ცოტა მეგობარს ქმნის.“
	— ლუკ დე კლაპიე ვოვენარგი

	„მხოლოდ იმაზე შეგვიძლია ვთქვათ, წარმატებას მიაღწიაო, ვინც წარმატების ნაყოფით ტკბება.“
	— ლუკ დე კლაპიე ვოვენარგი

თ

	„წარმატების ყველაზე დიდი მტრები, რომლებსაც უნდა მოერიოთ, არის არა უნიჭობა და უუნარობა, არამედ მარცხისა და უარყოფის შიში და ეჭვები, რომლებსაც შიში ბადებს.“
	— ბრაიან თრეისი

  ციტატის წყარო: „შეჭამე ბაყაყი!“ (2001 წ.)

ი

	„ამბობენ, წარმატება მიდის მათთან, ვინც ადრე დგებაო... არა, ბატონო!.. ─ წარმატება მიდის მათთან, ვინც კარგ ხასიათზე დგება...“
	— ოტია იოსელიანი

	„საქართველოში თუ გინდა რამეს მიაღწიო, ან ხელიდან უნდა წახვიდე, ან ─ ქვეყნიდან.“
	— ოტია იოსელიანი

კ

	„არასოდეს არავისი არაფერი შეგშურდეს და შენ იქნები წარმატებული.“
	— კახი კავსაძე

	„ზოგიერთი მილიონერი თვლის, რომ ქალებს მოაქვთ წარმატება, მაგრამ უმეტესობა მიიჩნევს, რომ წარმატებას მოჰყავს ქალები.“
	— დენი კაიე

	„იშვიათად აღწევს ხალხი წარმატებას იმ საქმეში, რომლის კეთებაც მათ სიამოვნებას არ ანიჭებს.“
	— დეილ კარნეგი

	„წარმატების მიზეზი იმალება თვითონ ადამიანში, ესე იგი, ეს იმდენად შეუმჩნეველი ძალაა თავისი ბუნებით, რომ ადამიანთა უმრავლესობა ვერც კი ხვდება მისი არსებობის შესახებ.“
	— ენდრიუ კარნეგი

	„ძვირფასი ქვა პრიალდება მხოლოდ ხახუნით, ასეა ადამიანიც ─ შეუძლებელია გახდეს წარმატებული ბევრი მცდელობის გარეშე.“
	— კონფუცი

	„ბედნიერი ადამიანები ხშირად წარმატებას ვერ აღწევენ: ისინი იმდენად მშვიდად არიან საკუთარ თავთან, რომ უბრალოდ სხვა არაფერი აინტერესებთ.“
	— აგათა კრისტი

ლ

	„მხოლოდ ორი გზა არსებობს წარმატებისაკენ: თავდაუზოგავი შრომა და სხვების სიბრიყვე.“
	— ჟან დე ლაბრიუიერი

	„განსაჯე შენი წარმატება შემდეგი პრინციპით: რა გაიღე მის მისაღწევად?“
	— დალაი ლამა XIV

	„წარმატება ხანგრძლივია, თუ იცით, რატომ ხართ წარმატებული.“
	— რუპერტ ლეი

	„ის, რომ ზოგიერთებმა დიდ წარმატებას მიაღწიეს, იმას ამტკიცებს, რომ სხვებსაც შეუძლიათ იგივეს გაკეთება.“
	— აბრაამ ლინკოლნი

	„მე ზუსტად არ ვიცი წარმატების გზა, მაგრამ დარწმუნებით შემიძლია გითხრათ: თუკი სურვილი გაქვთ ყველას მოსწონდეთ, აუცილებლად გელოდებათ კრახი.“
	— მიხეილ ლიტვაკი

	„წარმატებას ერთბაშად ვერ მიაღწევ.“
	— ჯეკ ლონდონი

  ციტატის წყარო: “მარტინ იდენი” (1909 წ.)

მ

	„თუ გიყვართ თქვენი სამუშაო ─ უბრალოდ „განწირული“ ხართ წარმატების მისაღწევად.“
	— ჯოზეფ მერფი

  ციტატის წყარო: “გონებისა და ქვეცნობიერების საოცარი თამაშები”

	„წარმატება გარდაუვალია მათთვის, ვისაც ამოძრავებს მხურვალე სურვილი, მსოფლიო უკეთესი და უფრო მშვენიერი გახადოს.“
	— ჯოზეფ მერფი

  ციტატის წყარო: “როგორ მოვიზიდოთ ფული”

	„წარმატებაც უზენაესისგანაა, რადგანაც ის წარმატებულია ყველა მის წამოწყებაში.“
	— ჯოზეფ მერფი

  ციტატის წყარო: “როგორ მოვიზიდოთ ფული”

	„ადამიანისთვის ყველაზე სახიფათო გამოცდა არის წარმატება [...] რაც მეტი წარმატება გაქვთ, მით არაადეკვატურად აფასებთ სიტუაციას; რაც უფრო წინ მიდიხართ, მით უფრო უგრძნობი ხდებით სხვადასხვა ფაქტორის მიმართ.“
	— ზურაბ მხეიძე

  ციტატის წყარო: “სიყვარული, ტყუილი, ემოციები და თვითშეფასება ურთიერთობებში” (2021 წ.)

ნ

	„რაც უფრო მაღლა ავფრინდებით ხოლმე, მით უფრო პატარები ვჩანვართ მათთვის, ვისაც ფრენა არ შეუძლია.“
	— ფრიდრიხ ნიცშე

პ

	„წარმატების საიდუმლო: ისწავლეთ, სანამ სხვებს სძინავთ; იმუშავეთ, სანამ სხვები ლაყბობენ; გაემზადეთ, სანამ სხვები თამაშობენ; იოცნებეთ მაშინ, როცა სხვებს მხოლოდ სურვილი აქვთ.“
	— ვიქტორ პაპანეკი

	„არ არსებობს წარმატების საიდუმლო ─ დროს ნუ დაკარგავთ მის ძიებაში; წარმატება მომზადების, ბეჯითი შრომისა და მარცხისგან სწავლის შედეგია“
	— კოლინ პაუელი

რ

	„წარმატების მისაღწევად ქალი უნდა იყოს საკმარისად ჭკვიანი, რომ მოსწონდეს სულელ კაცებს და საკმარისად სულელი, რომ მოსწონდეს ჭკვიან კაცებს.“
	— ფაინა რანევსკაია

	„წარმატება არის, აკეთო ის, რაც გინდა ─ როცა გინდა, სადაც გინდა, ვისთან ერთადაც გინდა, რამდენიც გინდა.“
	— ტონი რობინსი

ტ

	„ცხოვრებაში წარმატების მისაღწევად ორი რამ გჭირდება: უვიცობა და თავდაჯერებულობა.“
	— მარკ ტვენი

	„წარმატების აუცილებელი პირობაა იმის სიყვარული, რასაც აკეთებთ.“
	— დონალდ ტრამპი

  ციტატის წყარო: “არასოდეს დანებდე!” (2008 წ.)

	„დიდი წარმატების მისაღწევად აუცილებელია გლობალურად იაზროვნოთ და ისწრაფოდეთ ახალი ცოდნის მიღებისკენ.“
	— დონალდ ტრამპი

  ციტატის წყარო: “არასოდეს დანებდე!” (2008 წ.)

უ

	„წარმატება მეცნიერებასავითაა ─ თუკი გაქვს პირობები, შედეგიც არ დააყოვნებს.“
	— ოსკარ უაილდი

	„თუ გინდა, უფრო მალე გახდე წარმატებული ─ გაზარდე მარცხების რაოდენობა ორჯერ.“
	— თომას უოტსონი

ფ

	„ჩემი წარმატების მიზეზი ხალხზე ფიქრი იყო... ვინც ფულზე ფიქრობდა, მაქსიმუმ 10 წელში კოტრდებოდა, ხოლო უმეტესობა ─ 2-3 წელში.“
	— ჰენრი ფორდი

	„წარმატებული ადამიანები წარმატებულნი არიან, რადგან ისინი იმას აკეთებენ, რასაც სხვები ─ არა.“
	— ჰენრი ფორდი

	„წარმატების საიდუმლო იმაში მდგომარეობს, რომ იპოვო შენი დანიშნულება და მისდიო მას.“
	— ჰენრი ფორდი

	„ზოგჯერ, წინსვლის გადამწყვეტი ნაბიჯი არის კარგი დარტყმის შედეგი.“
	— მაქს ფრაი

	„ჩვენ ყოჩაღები ვართ, გავაკეთეთ ყველაფერი, რაც კი შეგვეძლო. დარჩა კიდევ იმის გაკეთება, რაც არ შეგვიძლია, და მაშინ წარმატება გარანტირებულია.“
	— მაქს ფრაი

	„ნებისმიერი ადამიანი თვითონაა თავისთვის ფორტუნის ბორბალი და ეშმაკი, საკუთარი წარმატების ერთადერთი და განუმეორებელი მიზეზი. უბრალოდ, ყველას შეცდომით ჰგონია, თითქოს სამყარო სავსეა ბოროტი და ყველაფერში დამნაშავე ხალხით.“
	— მაქს ფრაი

შ

	„წარმატება კი არაა ბედნიერების გასაღები; პირიქით, ბედნიერებას მივყავართ წარმატებასთან, რადგან თუ გიყვართ თქვენი საქმე და ბედნიერი ხართ იმით, რასაც აკეთებთ, თქვენ იქნებით წარმატებული.“
	— ალბერტ შვეიცერი

	„წარმატების საიდუმლო იმაში მდგომარეობს, რომ გამოიწვიო რაც შეიძლება მეტი ადამიანის შეშფოთება.“
	— ჯორჯ ბერნარდ შოუ

	„წარმატება უშეცდომობას არ მოითხოვს, თუმცა მოითხოვს, რომ მეორედ არ დაუშვათ იგივე შეცდომა.“
	— ჯორჯ ბერნარდ შოუ

ჩ

	„წარმატება არის მარცხიდან მარცხამდე შეუჩერებელი სვლა ენთუზიაზმის დაკარგვის გარეშე.“
	— უინსტონ ჩერჩილი

ც

	„ვფიქრობ, წარმატებას ვერ მივაღწევთ, თუ ყველაფრის საკუთარი ძალებით განხორციელებას ვეცდებით.“
	— მარკ ცუკერბერგი

ძ

	„თუ თქვენს წარმატებებს სხვისი შექებით ან ძაგებით ზომავთ, თქვენი განგაში უსასრულო იქნება."
	— ლაო-ძი

ხ

	მგზავრი აღმართზე კითხვის ნიშანს წააგავს, მწვერვალზე ─ ძახილისას.
	— ვაჟა ხორნეული

ჯ

	„წარმატებას მხოლოდ ის მიაღწევს, ვინც არის ნიჭიერი, აქვს იღბალი და გამუდმებით ფულზე არ ფიქრობს.“
	— სტივ ჯობსი

	„დარწმუნებული ვარ, რომ ნახევარი, რაც წარმატებულ მეწარმეებს წარუმატებელი მეწარმეებისგან განასხვავებს, გამძლეობაა.“
	— სტივ ჯობსი

ჰ

	„წარმატება მრგვალ საიუბილეო თარიღს ჰგავს ─ როცა მას მიაღწევ, ხვდები, რომ საერთოდ არ შეცვლილხარ და ზუსტად ისეთი დარჩი, როგორიც მანამდე იყავი.“
	— ოდრი ჰეპბერნი

	„სანამ ჩვენს თავს ვეკიდებით როგორც უიღბლო და უსუსურ ინდივიდებს, სანამ ველოდებით, რომ მთავრობა „მოაგვარებს“ ჩვენს საქმეებს, ჩვენ ვერასდროს მივაღწევთ წარმატებას, როგორც სოციალური ჯგუფი.“
	— ლუიზა ჰეი

  ციტატის წყარო: “მართე შენი ბედი”

	„დღეს ბევრს უნდა სწრაფი შედეგი, მაგრამ ყველაზე წარმატებული საქმეები ნელა კეთდება.“
	— ლუიზა ჰეი

  ციტატის წყარო: “წინ მხოლოდ კარგი გელოდებათ”

	„წარმატების საიდუმლო მარტივია: არასოდეს ჩაიქნიოთ ხელი.“
	— ერნესტ ჰემინგუეი

	„თუ შეგიძლია წაქცეულმა ძალა იპოვო და ტკივილის მიუხედავად ისევ წამოდგე, მარცხიც დაივიწყო და დამარცხებულიც, მაშინ წარმატების კარგი შანსი გაქვს.“
	— მარჯერი ჰერსტი

	„ჩვეულებრივ, წარმატება იმყოფება სულ რაღაც ერთ ნაბიჯზე იმ წერტილიდან, სადაც ადამიანი წყვეტს ბრძოლას.“
	— ნაპოლეონ ჰილი

  ციტატის წყარო: “ჭკუით აჯობე ეშმაკს” (1938 წ.)

Success is like being pregnant—everyone says congratulations, but nobody knows how many times you got f****d. ყველას შურს წარმატების, არავის შურს წარმატებისკენ მიმავალი გზის. იმისთვის, რომ საზოგადოების 1%-ს შეუერთდე, უნდა გააკეთო ის, რასაც 99% არ აკეთებს.

	„თუ შენ არ შეგიძლია გაუმკლავდე სტრესს, შენ არ შეგიძლია გაუმკლავდე წარმატებას.“
	— [[ ]]

	„წარმატება სხვა არაფერია, თუ არა უბრალოდ დისციპლინა, რომელსაც ყოველდღიურად გამოვიმუშავებთ.“
	— [[ ]]

„გეშინოდეს არა მარცხის, არამედ წარმატების, რომელსაც შენთვის ბედნიერება არ მოაქვს.“

	„წარმატებული ადამიანები თითქმის ყველაფერზე, რაც მათ დროსა და ენერგიას აკარგვინებთ, უარს ამბობენ.“
	— [[]]

	„სხვისი წარმატება შენი მარცხი არ არის.“
	— [[]]