წიგნი

ანბანური საძიებელი : ა ბ გ დ ე ვ ზ თ ი კ ლ მ ნ ო პ ჟ რ ს ტ უ ფ ქ ღ ყ შ ჩ ც ძ წ ჭ ხ ჯ ჰ

ა

	„არასოდეს დაიმახსოვროთ ის, რისი პოვნაც წიგნში შეგიძლიათ.“
	— ალბერტ აინშტაინი

	„ხანდახან იფიქრებ: წიგნის დანიშნულება ხომ მკითხველის გართობაა, და მაინც ვერ ეთანხმები ამ აზრს.“
	— რიუნოსკე აკუტაგავა

  ციტატის წყარო: “ხელოვნებით შეპყრობილი” ( წ.)

ბ

	„რა დიდებული წიგნიც უნდა დაწეროს მწერალმა, მნიშვნელობა არა აქვს, თუ მას ნიჭიერი მკითხველი არ კითხულობს.“
	— აკაკი ბაქრაძე

	„იკითხო, ნიშნავს იყო ადამიანი.“
	— ფრედერიკ ბეგბედერი

  ციტატის წყარო: “ფანჯრები მსოფლიოზე” (2003 წ.)

	„წიგნი რომ კარგად გაიყიდოს, სიკვდილია საჭირო.“
	— ფრედერიკ ბეგბედერი

  ციტატის წყარო: “რომანტიკული ეგოისტი” (2005 წ.)

	„დღეს წიგნებს ის ევალებათ, რაც ტელევიზიას არ ხელეწიფება: აჩვენონ უნახავი და დაწერონ უთქმელი.“
	— ფრედერიკ ბეგბედერი

  ციტატის წყარო: “ფანჯრები მსოფლიოზე” (2003 წ.)

	„წიგნი საშუალებას იძლევა დაელაპარაკო მათ, ვისთანაც ლაპარაკი არ შეგიძლია.“
	— ფრედერიკ ბეგბედერი

  ციტატის წყარო: “ფრანგული რომანი” (2009 წ.)

	„შენობებზე უფრო გამძლე წიგნებია.“
	— ფრედერიკ ბეგბედერი

  ციტატის წყარო: “ფანჯრები მსოფლიოზე” (2003 წ.)

	„იმისათვის, რომ გახდეთ ჭკვიანი, საკმარისია წაიკითხოთ ათიოდე წიგნი, მაგრამ ამ წიგნების აღმოსაჩენად ─ ათასის წაკითხვა მოგიწევთ.“
	— ფრენსის ბეკონი

	„ნახო შესანიშნავად გამოცემული ცარიელი წიგნი, იგივეა, რაც ნახო ცარიელი ადამიანი, რომელიც ყოველივე ცხოვრებისეულ მატერიალს იყენებს.“
	— ბესარიონ ბელინსკი

	„წიგნებში განა ყველაფერია, რასაც თქვენ ეძებთ? იგი ყველგან უნდა ეძებოთ ─ ძველ გრამაფონის ფირფიტებში, ძველ კინოფილმებში, ძველ მეგობრებში. ეძებეთ ბუნებაში, საკუთარ თავში!“
	— რეი ბრედბერი

  ციტატის წყარო: “451º ფარენჰაიტით” (1953 წ.)

	„წიგნები ხშირ-ხშირად შეგვახსენებენ ხოლმე, თუ რა ვირები და რეგვენები ვართ.“
	— რეი ბრედბერი

  ციტატის წყარო: “451º ფარენჰაიტით” (1953 წ.)

	„თუ ადამიანი არ კითხულობს წიგნს, ის პასუხს აგებს საკუთარი ცხოვრებით; ხოლო თუ ქვეყანა არ კითხულობს წიგნს, ის პასუხს აგებს საკუთარი ისტორიით.“
	— იოსებ ბროდსკი

	„ზნეობაზე დაწერილი ზოგიერთი ნაწარმოებიდან მკითხველისადმი მიმართვა, წინასიტყვაობა, სარჩევი და საქებარ-სადიდებელი წერილები რომ ამოვიღოთ, იმდენი ფურცელიც კი აღარ დარჩება, წიგნად ჩათვალო.“
	— ჟან დე ლა ბრუიერი

  ციტატის წყარო: “ხასიათები, ანუ ჩვენი საუკუნის ზნე-ჩვეულებანი” (1839 წ.)

	„ყოველი კარგი წიგნი თვალწინ გვიშლის ახალ სამყაროს.“
	— ჯორდანო ბრუნო

გ

	„წიგნი არის ოცნება, რომელიც შეგიძლია ხელში დაიჭირო.“
	— ნილ გეიმანი

	„არის წიგნი ─ მეგობარი, არის წიგნი ─ მასწავლებელი, მაგრამ არის წიგნი ─ მშობლიური ქვეყანა.“
	— ლევან გოთუა

	„ადამიანი კარგი წიგნით ხელში არასოდეს მარტო არ იქნება.“
	— კარლო გოლდონი

დ

	„იკითხეთ კარგი წიგნები ─ ეს წარსული დროის საუკეთესო ადამიანებთან საუბარია, თან ისეთი საუბარი, როდესაც ისინი თავიანთ საუკეთესო აზრებს გვიმხელენ.“
	— რენე დეკარტი

	„ცუდია, თუ შეწყვიტე წიგნების კითხვა, სამწუხარო იქნება, თუ ცხოვრების აღსასრულს ჩემსავით ეტყვი შენს თავს: მე ვიცი ყველაფერი, მაგრამ კარგი არაფერი ვიცი.“
	— ფიოდორ დოსტოევსკი

  ციტატის წყარო: “ყმაწვილი” (1874-1875 წწ.)

	„ხდება ხოლმე თურმე ასეც: ცხოვრობ და არც კი იცი, რომ აქვე, შენს ახლოს, ყოფილა თურმე ისეთი წიგნი, სადაც მთელი შენი ცხოვრებაა აღწერილი.“
	— ფიოდორ დოსტოევსკი

	„ყველა ქალი ერთნაირია, გარდა იმ ქალისა, რომელიც წიგნებთან მეგობრობს.“
	— ფიოდორ დოსტოევსკი

	„იყო მკითხველი, ეს თავისთავად სასწაულია, მკითხველი ─ ეს სწორედ ისაა, ვისაც შეგიძლია ისედაც ვიწრო საძილე ტომარაში შეყვარებულებს შორის იწვე და სულაც არ იყო ზედმეტი; ეს ─ სასწაულია და მეტსაც გეტყვით, ზედმეტი კი არა, აუცილებელი ხარ, რადგან ავტორმა ასე ინება...“
	— გურამ დოჩანაშვილი

  ციტატის წყარო: “კაცი, რომელსაც ლიტერატურა ძლიერ უყვარდა” (1973 წ.)

	„ყოველი ნორმალური მოთხრობის წაკითხვის შემდეგ ხდები ოდნავ უკეთესი, ვიდრე ხარ, უფრო ჭკვიანი, ვიდრე იყავი.“
	— გურამ დოჩანაშვილი

  ციტატის წყარო: “კაცი, რომელსაც ლიტერატურა ძლიერ უყვარდა” (1973 წ.)

	„როგორ ააფორიაქებს ხოლმე ხალხს წიგნი!“
	— თეოდორ დრაიზერი

ე

	„კარგი წიგნი ─ ეს არის საჩუქარი, რომელიც ავტორმა უანდერძა კაცობრიობას.“
	— ჯოზეფ ედისონი

	„კარგი წიგნი ავტორზე ჭკვიანი უნდა იყოს ─ ხშირად ის მოგვითხრობს ისეთი რაღაცების შესახებ, რაზეც ავტორი არც კი დაფიქრებულა.“
	— უმბერტო ეკო

	„თუ სადმე იშვიათი ინტელექტის ადამიანს გადააწყდით, ჰკითხეთ რა წიგნებს კითხულობს.“
	— რალფ ემერსონი

ვ

	„როდესაც ვკითხულობ, მე მაინტერესებს არა წიგნი, არა ავტორი, არამედ ის, რამაც ეს წიგნი შექმნა ─ ყოველი წიგნი უმალ ათასი სხვადასხვა ფაქტორის ქმნილებაა, ვიდრე „ავტორის“.
	— პოლ ვალერი

	„წიგნებს იგივე მტრები ჰყავთ, რაც ადამიანებს: ცეცხლი, წყალი, უმეცრება, დრო და მათივე საკუთარი შინაარსი.“
	— პოლ ვალერი

	„წიგნი, რომლის წაკითხვაც ორჯერ არ ღირს, მისი არც ერთხელ წაკითხვა ღირს.“
	— კარლ ლუის ვებერი

	„დანაშაულია, გქონდეს ამხელა ბიბლიოთეკა და წიგნებს არავინ კითხულობდეს.“
	— ლორა ვუდი

  ციტატის წყარო: “ოქროსფრად მოხატული ცა” (2018 წ.)

ზ

	„რამდენი წიგნია და რა ცოტა დრო...“
	— ფრენკ ზაპა

თ

	„საბავშვო წიგნები, ნაწილობრივ, გასაგები უნდა იყოს ბავშვთათვის, მაგრამ, ნაწილობრივ, გაუგებარიც.“
	— რაბინდრანათ თაგორი

  ციტატის წყარო: “დღენი ჩემი სიჭაბუკისა” (1911-1912 წწ.)

„წიგნები კაცობრიობის საუნჯეა, რომელიც მემკვიდრეობით ერგო თაობებსა და ერებს. უძველეს და საუკეთესო წიგნებს ლამის ყოველ სახლში აქვთ თაროზე ადგილი მიჩენილი. მათ არ სჭირდებათ თავიანთი უფლებების დაცვა; ისინი გონებრივ საზრდოს აწვდიან, ანათლებენ მკითხველს და სათანადო პატივისცემასაც იმსახურებენ. მათი ავტორები ყოველი საზოგადოების ჭეშმარიტი არისტოკრატები არიან და ყველა მეფესა და იმპერატორზე უფრო მეტი გავლენა აქვთ კაცობრიობაზე.“

— ჰენრი დევიდ თორო

  ციტატის წყარო: “უოლდენი ანუ ტყეში ცხოვრება” (1854 წ.)

კ

	„წიგნი უნდა იყოს ნაჯახი ჩვენს სულში გაყინული ზღვისთვის [...] თუ წიგნი, რომელსაც ვკითხულობთ, არ გვაფხიზლებს მოულოდნელი დარტყმით, მაშინ რატომ ვკითხულობთ მას?“
	— ფრანც კაფკა

	„ვინ იცის, რამდენი აიღებს გულგრილად ხელში უცნობი ავტორის მოთხრობების კრებულს... ეგ არაფერი, მთავარია, წიგნის წაკითხვის შემდეგ არ დარჩეს მკითხველი გულგრილი და უკმაყოფილო.“
	— ყარამან კიკვიძე

ლ

	არის წიგნები ─ ამოზრდილი მრუდე სულიდან, არის წიგნები ─ საღრჩობელის ძელივით სწორი!
	— მურმან ლებანიძე

  ციტატის წყარო: “ჩვენ ავაშენეთ აქ ქართული მწერლობის სახლი” (1989 წ.)

	არის წაკითხვა ორნაირი: გონებით, კრულით, წაკითხვა ერთი და მეორე ─ წაკითხვა გულით!
	— მურმან ლებანიძე

  ციტატის წყარო: “მარიამ აბრამიას” (1980 წ.)

	„სწორედ წიგნია ცოდნის საუნჯე, რომელსაც ყველაზე მეტი წონა აქვს, მაგრამ ყველაზე ადვილი სატარებელია.“
	— გიორგი ლეონიძე

  ციტატის წყარო: “წიგნი”

	„ვარდის სურნელება მალე ქრება, წიგნისა კი ─ არასოდეს...“
	— გიორგი ლეონიძე

  ციტატის წყარო: “წიგნი”

	„კარგი წიგნის უეჭველი ნიშანი ის არის, რომ იგი მკითხველს ხანში შესვლასთან ერთად უფრო და უფრო მოსწონს.“
	— გეორგ ლიხტენბერგი

	„ცარიელ ადამიანებთან ურთიერთობას, კარგი წიგნის წაკითხვა გერჩივნოთ!“
	— ჯეკ ლონდონი

	„ყველა წიგნი წასაკითხია და ამავე დროს, არც ერთი ─ აუცილებლად.“
	— ალექსანდრე ლორთქიფანიძე

მ

	„დიდი წიგნები მხოლოდ ქაღალდზე არ იწერება ─ დიდ წიგნებს ცხოვრება წერს და თითქმის ყოველთვის მაშინ, როდესაც ყველაზე ნაკლებად ველოდებით.“
	— გაბრიელ გარსია მარკესი

  ციტატის წყარო: “იცხოვრო, რომ მოჰყვე” (2002 წ.)

	„იმ დღეს, როდესაც ადამიანები პირველი კლასით იმგზავრებენ, ხოლო წიგნებს სატვირთო ვაგონით ატარებენ, მაშინ დადგება სამყაროს აღსასრული.“
	— გაბრიელ გარსია მარკესი

	„სანამ სტამბას გამოიგონებდნენ, წიგნი არა მარტო ცოდნის წყარო, არამედ საკმაოდ ძვირფასი ნივთი იყო.“
	— ვახტანგ მოსიაშვილი

  ციტატის წყარო: “სიბრძნე სიცრუისა” (2013 წ.)

	„ხუთი წიგნი მაქვს წაკითხული თუ შვიდი, ამას მნიშვნელობა არ აქვს, თუ ამან ცვლილებები არ მოახდინა.“
	— ზურაბ მხეიძე

ო

	„საუკეთესო წიგნები იმას გეუბნება, რაც უკვე იცი.“
	— ჯორჯ ორუელი

  ციტატის წყარო: “1984” (1949 წ.)

პ

	„წიგნი ადამიანი არაა, წიგნი ადამიანამდე მიღწევის საშუალებაა ─ ვისაც წიგნი უყვარს, მაგრამ არ უყვარს ადამიანი, ან სულელია, ან დაწყევლილი.“
	— ჩეზარე პავეზე

	„საუკეთესო წიგნის შესახებ მკითხველი ფიქრობს, რომ მისი დაწერა მასაც შეეძლო.“
	— ბლეზ პასკალი

	„ჯერ წაკითხული გვერდების რაოდენობით ვტკბებით, მერე კი დგება წამი, როცა ის გვაშინებს, რომ წასაკითხი ცოტა გვრჩება.“
	— დანიელ პენაკი

  ციტატის წყარო: “რომანივით საკითხავი” (1992 წ.)

	„ყოველდღიურ ცხოვრებაში წიგნი გულისგამაწვრილებელი წვიმისაგან თავშესაფარია, ჩუმი აღფრთოვანებაა მეტროს მონოტონურ ჩაქჩაქში, სამუშაო მაგიდის უჯრაში დამალული რომანია.“
	— დანიელ პენაკი

რ

	„წიგნი ─ ეს არის მარტოობაში გადაგდებული მაშველი რგოლი.“
	— რომენ როლანი

ს

	„თუ შენს წიგნს არ დაწერ, შენთვის ამას არავინ გააკეთებს. შენს ცხოვრებას არავინ იცხოვრებს.“
	— ჟოზე სარამაგუ

	„სარგებლობა ბევრ წიგნს კი არ მოაქვს, არამედ კარგ წიგნს.“
	— სენეკა

	„არ არსებობს ისეთი ცუდი წიგნი, რომელშიც არ მოიძებნებოდეს რაიმე ჭკუის სასწავლი.“
	— მიგელ დე სერვანტესი

	„სჯობს ცხვირი წიგნში გქონდეს, ვიდრე ვინმეს საქმეში.“
	— ადამ სტენლი

ტ

	„კლასიკური ნაწარმოები ის წიგნია, რომელსაც ხალხი აქებს, მაგრამ არასდროს კითხულობს.“
	— მარკ ტვენი

	„ყველა კითხვაზე პასუხი შენშია, შენ იმაზე მეტი იცი, რაც წიგნებში წერია, მაგრამ ეს რომ გაიხსენო საჭიროა წაიკითხო წიგნები, უცქირო შენს თავს, მოუსმინო შენს თავს და ენდო მას.“
	— ლევ ტოლსტოი

	„ყველაფრის წაკითხვა არაა საჭირო, საჭიროა წაიკითხო ის, რაც პასუხს გაგცემთ თქვენსავე სულში წარმოშობილ კითხვებზე.“
	— ლევ ტოლსტოი

	„ბიბლიოთეკა გონების საავადმყოფოა.“
	— ალვინ ტოფლერი

უ

	„არ არსებობს მორალური ან ამორალური წიგნები; არსებობს მხოლოდ კარგად ან ცუდად დაწერილი წიგნები.“
	— ოსკარ უაილდი

	„არის წიგნები, რომელთაც მსოფლიო ამორალურს უწოდებს, მაგრამ სწორედ ამ წიგნებში, როგორც სარკეში, მკითხველი საკუთარ მანკიერებას და სამარცხვინო საქციელს ხედავს.“
	— ოსკარ უაილდი

  ციტატის წყარო: “დორიან გრეის პორტრეტი” (1890 წ.)

ფ

	„წიგნებს, რომელთაც ყველა აღმერთებს, არავინ კითხულობს.“
	— ანატოლ ფრანსი

ქ

	„კითხვა გვაძლევს წასასვლელ ადგილს, მაშინ როცა იქ დარჩენა გვიწევს, სადაც ვართ.“
	— მეისონ ქული

შ

	„ჩვეულებრივ ადამიანებს დიდი ტელევიზორები აქვთ, არაჩვეულებრივებს ─ დიდი ბიბლიოთეკები.“
	— რობინ შარმა

	„ჩვენ მეტწილად სწორედ ისეთ წიგნებს ვკითხულობთ, რომლებსაც ჩვენს ცხოვრებასთან არაფერი აქვთ საერთო.“
	— ელიფ შაფაქი

  ციტატის წყარო: “სიყვარულის 40 წესი” (2009 წ.)

	„წიგნის კითხვა იმას ნიშნავს, რომ საკუთარის ნაცვლად სხვისი თავით იაზროვნო.“
	— არტურ შოპენჰაუერი

	„არასოდეს მისცეთ ბავშვს წიგნი, რომელსაც თავად არ წაიკითხავდით.“
	— ჯორჯ ბერნარდ შოუ

ც

	„წიგნი ალფა და ომეგაა ყოველგვარი შემეცნების, დასაწყისია მთელი მეცნიერების.“
	— შტეფან ცვაიგი

	„სახლი, სადაც წიგნი არ არის, უსულო ორგანიზმს ჰგავს.“
	— ციცერონი

	„წიგნებთან ურთიერთობა სიყმაწვილეს კვებავს, სიბერეს ამხიარულებს, ბედნიერებას ამშვენებს, უბედურებაში თავშესაფარსა და დამშვიდებას იძლევა.“
	— ციცერონი

ჭ

	„წიგნების კითხვა ჩვენში სრულიად არ არის გავრცელებული, რომ ხალხმა თავის ავი მაინც გაიგოს, თუ სხვის კარგს ჯერ კითხვით ვერ შეიძენს.“
	— ილია ჭავჭავაძე

  ციტატის წყარო: “ჩვენი ხალხი და განათლება” (2 მაისი, 1886 წ.)

	„არც უწიგნობა ვარგა და არც მარტო წიგნებიდამ გამოხედვა; უწიგნოდ თვალთახედვის ისარი მოკლეა და მარტო წიგნითაც საკმაოდ გრძელი არ არის.“
	— ილია ჭავჭავაძე

	„ადამიანი, ბუნება, ცა, ქვეყანა, მსოფლიო, ─ ერთი დიდებული წიგნია, უცნაურს ენაზედ დაწერილი. მეცნიერება ამას სთარგმნის უხატებო, უსურათო სიტყვით, პოეზია კი ხატებითა და სურათითა.“
	— ილია ჭავჭავაძე

	„კითხვა, გარკვეული თვალსაზრისით, საკუთარი თავის აღმოჩენის, თვითგაცოცხლების აქტია.“
	— თამაზ ჭილაძე

ხ

	წიგნი ცეცხლში ჩააგდეს და ავტორს შესცივდა სამარეში...
	— ვაჟა ხორნეული

ჯ

	„ხანდახან არის მომენტები როცა, შენ უნდა აირჩიო, გადაშალო გვერდი თუ უბრალოდ დახურო წიგნი.“
	— ჯოშ ჯეიმსონი

ჰ

	„იქ, სადაც წვავენ წიგნებს, საბოლოოდ, ადამიანებსაც დაწვავენ.“
	— ჰაინრიხ ჰაინე

	„ყველა კარგი წიგნი ერთმანეთს ჰგავს იმით, რომ ისინი უფრო ჭეშმარიტია, ვიდრე ის, რაც სინამდვილეში ხდება; და როცა ერთს დაასრულებ, გრძნობ, თითქოს ყველაფერი შენ გადაგხდა და შემდეგ ის ყველაფერი შენ გეკუთვნის.“
	— ერნესტ ჰემინგუეი

	„ქალი, რომელიც წიგნს კითხულობს, ცოტათი სახიფათოა.“
	— ოდრი ჰეპბერნი

	„წიგნები ხომ მხოლოდ მაშინაა ფასეული, როცა სიცოცხლეს გვაზიარებს, სიცოცხლეს ემსახურება და კითხვის ყოველი საათი ფუჭადაა ჩავლილი, თუ მკითხველს ერთი წვეთი ძალა, ახალგაზრდობა, ხალისი მაინც არ შეემატა.“
	— ჰერმან ჰესე

	„ცივი მეგობარია წიგნი, მაგრამ ─ ერთგული.“
	— ვიქტორ ჰიუგო

თუკი ბიჭთან მიხვედი სახლში და ვერ დაინახე წიგნები ─ წამოდი. თუ წვავს? გააჩნია წიგნს (კაცი რომელსაც ლიტერატურა უყვარდა)

	„კულტურა ─ ესაა არა წაკითხული, არამედ გაგებული წიგნების რაოდენობა.“
	— [[]]

	„ადამიანები, რომლებიც წიგნებს კითხულობენ, ყოველთვის მართავენ მათ, ვინც ტელევიზორს უყურებს.“
	— [[]]

	„წიგნი ყოველთვის ჯობია ფილმს, რადგან წარმოსახვა არაა შემოსაზღვრული სპეცეფექტების ჩარჩოებით.“
	— [[]]

	„რაც უფრო მეტს კითხულობ, მით ნაკლებად ბაძავ.“
	— [[]]

	„ადამიანები იყოფიან ორ კატეგორიად: ვინც კითხულობს და ვინც უსმენს მათ, ვინც კითხულობს.“
	— [[]]

	„ეძიე ისეთი წიგნი, რომლის წაკითხვა ბრძენთან საუბრის ტოლფასია და ეძიე ისეთი ადამიანი, რომელთანაც საუბარი კარგი წიგნის წაკითხვას უდრის.“
	— [[]]

	„იმ მამაკაცზე მომხიბვლელი, რომელიც კითხულობს წიგნებს, შეიძლება იყოს მხოლოდ ის მამაკაცი, რომელიც წიგნებს უკითხავს ბავშვებს.“
	— [[]]

	„წიგნი უგუნურის ხელში იგივეა, რაც სარკე უსინათლოს თვალწინ.“
	— ინდური ანდაზა