მიგელ დე სერვანტესი

ვიკიციტატიდან

მიგელ დე სერვანტესი

მიგელ დე სერვანტესი (ესპ. Miguel de Cervantes Saavedra; დ. 29 სექტემბერი, 1547, ალკადა-დე-ენარესი – გ. 23 აპრილი, 1616, მადრიდი) — ესპანელი მწერალი. საქვეყნოდ ცნობილი ავტორი თანამედროვე გაგებით პირველი რომანისა „მახვილგონიერი აზნაური დონ კიხოტ ლამანჩელი“.

• არიან ადამიანები, რომელთაც ლათინურის ცოდნა ხელს არ უშლით, რომ ვირებად დარჩნენ.

• ყოველ ღორსაც დაუდგება წმინდა მარტინის დღე (როცა ღორებს კლავენ).

• დედის მუცლიდან შიშველი გამოვედი და შიშვლადვე მივიქცევი წიაღ.

• არ არსებობს ისეთი ცუდი წიგნი, რომელშიც არ მოიძებნებოდეს რაიმე ჭკუის სასწავლი.

• არაფერი ისე იაფი არ ჯდება, როგორც თავაზიანობა და არაფერი ისე ძვირად არ ფასობს , როგორც თავაზიანობა.

• სიყვარულს ისეთი სათვალე უკეთია, რომლითაც სპილენძი ოქროდ გეჩვენება, სიღარიბე - სიმდიდრედ, ხოლო ცეცხლის ნაპერწკლები - მარგალიტებად.

• ისტორია - ჩვენი ქმედებების საგანძური, წარსულის მოწმე, აწმყოსთვის მაგალითი, მომავლის განმაფრთხილებელი.

• ბრძოლაში მიღებულ ჭრილობას მხოლოდ შენი ამაღლება თუ შეუძლია, და დამდაბლება - არასოდეს.

ვიკიპედიაში არის სტატია:

მიგელ დე სერვანტესი