იოჰან ვოლფგანგ ფონ გოეთე

Wikipedia

ვიკიპედიაში არის სტატია:
იოჰან ვოლფგანგ ფონ გოეთე

იოჰან ვოლფგანგ გოეთე (გერმ Johann Wolfgang von Goethe; *28 აგვისტო. 1749, mაინის ფრანკფურტი - † 22 მარტი. 1832, ვაიმარი) — გერმანელი მწერალი და მოაზროვნე.

ციტატები

გარეგნულ ბრწყინვალებას წამიერი აღმავლობა აქვს, ჭეშმარიტი კი ─ შთამომავლობას გადასწვდება.

ციტატის წყარო: „ფაუსტი“

შეხედეთ ამ ტლანქ, გულცივ ხალხს ─ მათთვის წუთიერი გართობაა მთავარი.

ციტატის წყარო: „ფაუსტი“

ეცადეთ, რაც შეგწევთ, ცხოვრება თავად განიცადოთ, რადგან ბევრს უბრალოდ ცხოვრება უწევს, მაგრამ ცოტამ თუ იცის, რას ნიშნავს ის სინამდვილეში.

ციტატის წყარო: „ფაუსტი“

მაღალ სწრაფვათა მიღწევაზე ვინ იტყვის უარს?! მაგრამ გარეგნულ ბრწყინვალებას ელტვიან უმალ.

ციტატის წყარო: „ფაუსტი“

სულთა სამყარო დაგმანული ნუ გეგონება; გამოგფიტვია როგორც გული, ისე გონება.

ციტატის წყარო: „ფაუსტი“

მოჩვენებითი საფრთხის გამო ვეძლევით განგაშს და მას დავტირით, რაც ჯერ კიდევ არ დაგვიკარგავს.

ციტატის წყარო: „ფაუსტი“

თუმც ცნობილია: ძალზე ხშირად ადამიანი თავგამოდებით უღრენს იმას, რაც მასზე ბევრად მაღლა დგას, რადგან, ბრმად ქცეული და შურით სავსე, ვერ ეთვისება მშვენიერის ღვთაებრივ ძალას.

ციტატის წყარო: „ფაუსტი“

ოღონდ საკუთარ თავისადმი ნდობა გაგაჩნდეს და სულ ადვილად მოევლება უკვე დანარჩენს.

ციტატის წყარო: „ფაუსტი“

რისი მოსმენაც აღაშფოთებთ უბიწო ყურებს, ის ტკბილ ოცნებად ესახებათ უბიწო გულებს.

ციტატის წყარო: „ფაუსტი“

იქნებ, ერთიც კი ვერ მოძებნოთ ამქვეყნად, ვინც ნამდვილად აზრიან წიგნებს კითხულობს. ახალგაზრდებზე ხომ არაფერს ვამბობ ─ არ მგონია, რაიმე გამოვიდეს მათგან.

ციტატის წყარო: „ფაუსტი“

მე ვარ ნაწილი მთელი იმ ნაწილისა, ვისაც სწადია ქმნას ბოროტი, მაგრამ იქმს კეთილს.

ციტატის წყარო: „ფაუსტი“

მათემატიკოსები ფრანგებივით არიან: როცა მათ ესაუბრები, ყველაფერს თავიანთ ენაზე თარგმნიან ─ და უცებ ყველაფერი სულ სხვა რამ ხდება.

ცოდნა, რომელიც გამაჩნია, ყველას შეუძლია შეიძინოს, მაგრამ ჩემი გული მხოლოდ მე მეკუთვნის.

ქცევა ის სარკეა, სადაც თითოეული ჩვენგანი საკუთარ სახეს აჩვენებს.

მხდალი და ლაჩარი მხოლოდ მაშინ იმუქრება, როცა თავს უსაფრთხოდ გრძნობს.

„დაყავი და იბატონე!“ ─ გაჰყვირიან პოლიტიკოსები. „გააერთიანე და უხელმძღვანელე“ ─ ეს კი სიბრძნის მოწოდებაა.

თესვა ისე ძნელია არაა, როგორც მოსავლის აღება.

მხოლოდ ცოდნა არაა საკმარისი ─ ცოდნა უნდა გამოვიყენოთ. მხოლოდ სურვილი არაა საკმარისი ─ უნდა ვიმოქმედოთ.

ვერავინ ვერ შეძლო სრულად შეეცნო საკუთარი თავი.

წერილები ყველაზე მნიშვნელოვანი სამახსოვრო რამაა მათ შორის, რასაც კი ადამიანი ამ ქვეყნად ტოვებს.

ერთი ბავშვებსა და ჩიტებს უნდა ვკითხოთ, თუ რა გემო აქვს ალუბალსა და მარწყვს.

მე შემიძლია გითხრა, ჩემო კეთილო მეგობარო, თუ რისი უნდა გჯეროდეს: მიჰყევი ცხოვრებას ─ ის გასწავლის უკეთ, ვიდრე წიგნი ან ორატორი.

ათი წლით ადრე თუ გვიან დაბადებულ ადამიანთა მთელი წარმოდგენები შესაძლოა განსხვავებული იყოს.

მოდით, ყველამ ერთად დავგავოთ ჩვენი სახლ-კარის წინა ნაწილი და მთელი მსოფლიო სუფთა იქნება.

უბედნიერესია ის, მნიშვნელობა არ აქვს მეფეა თუ გლეხი, ვინც სახლში სიმშვიდეს იპოვის.

უმჯობესია, რომელიმე მეგობრისგან მოტყუებული დარჩე, ვიდრე თავად შენ მოატყუო ისინი.

ყველაზე სასაცილოა სურვილი, რომ ყველას მოსწონდე.

თუ კაცს სურს, რომ რაიმე დიდს მიაღწიოს, მან საკუთარი თავი იმაზე დიდად უნდა ჩათვალოს, ვიდრე სინამდვილეში არის.

რომელი მთავრობაა საუკეთესო? ─ ის, რომელიც გვასწავლის, როგორ ვმართოთ საკუთარი თავი.

მსოფლიო მუდამ ერთი და იგივეა.

ლიტერატურული დაღმასვლა ერის დაღმასვლის მომასწავებელია.

ღმერთს რომ ჩემი სხვაგვარობა სდომოდა, იგი მე სხვაგვარს გამაჩენდა.

დედამიწა მოსაცდელი დარბაზია იმ ქვეყნად გასამგზავრებლად.

ვფიქრობ, მათზე უკეთესი ვარ, ვინც ჩემს რეფორმირებას ცდილობს.

ჩვენ არ შეგვიძლია ჩვენი ბავშვების ჩვენივე წარმოდგენებით ფორმირება; უნდა მივიღოთ და გვიყვარდეს ისინი ისეთები, როგორებიც ღმერთმა მოგვცა.

ძალიან ცოტას აქვს რეალობის აღქმის უნარი.

ყველაფერი ამ ქვეყნად მხოლოდ წუთიერი და წარმავალია.

რაიმე რომ შექმნა, აუცილებლად უნდა იყო ვინმე.

არაფერში ისე არ მჟღავნდება ადამიანის ხასიათი, როგორც იმაში, თუ რა მიაჩნია მას სასაცილოდ.

კანონი ძლიერია, ოღონდ უფრო ძლიერია გაჭირვება.

ხასიათი თავისთავად, ცხოვრების დინებაში ყალიბდება.

ჩვენ ხშირად ვფლანგავთ მთელ დღეს, რადგან გვახსოვს, რომ არსებობდა გუშინდელი დღე და გვჯერა, რომ დადგება ხვალინდელი დღეც.

თუ მიზნისკენ მიდიხარ და გზად შეჩერდები, რათა ყველა ძაღლს ქვა ესროლო, რომელიც გიყეფს, მიზნამდე ვერასოდეს მიაღწევ.

ცხოვრებაში მთავარი ცხოვრებაა, და არა ცხოვრების შედეგი.

ცისარტყელა ცაზე 15 წუთის განმავლობაში რომ ჩანდეს, არავინ მიაქცევდა მას ყურადღებას.

ინდივიდუალურობის არსებობისთვის გარკვეული ნაკლოვანებებიც საჭიროა.

იმედი უბედურთა მეორე სულია.

სიცოცხლე არის ისეთი გამოცდილება, რომლის გამოც სიამოვნებით აღარ ვკვდებით.

ჭკვიანების დაცინვა სულელების ბუნებრივი პრივილეგიაა.

მე არასოდეს მსმენია რაიმე ისეთი დანაშაული, რომლის ჩადენასაც თავად ვერ შევძლებდი.

ადამიანი ადამიანის ადამიანური ადამიანობით ადამიანობს.

არაბუნებრივი ძალიან ბუნებრივი რამაა.

შეუძლებელია ყოველთვის იყო გმირი, მაგრამ ყოველთვის შეიძლება დარჩე ადამიანად.

ხშირად კარგავენ დროს უსარგებლო ამბების კითხვაში. კაცმა მხოლოდ ის უნდა წაიკითხოს, რაც აღტაცების ღირსია.

სრული ბედნიერების ჟამს თითოეული დღე მთელი სიცოცხლეა!

თუკი ჭაბუკი ყველამ შეიძულა, ჩანს, ის რაღაცას წარმოადგენს.

არაფერი ისე არ ასახავს ადამიანის ხასიათს, როგორც ის, რაზეც იგი იცინის.

როცა იდეა მარცხდება, საქმეში აქტიურად ერთვებიან სიტყვები.

ჩვენ არასდროს ვტყუვდებით ─ ჩვენ თავადვე ვიტყუებთ საკუთარ თავს.

არავინ არ იმყოფება ისეთ უიმედო მონობაში, როგორც ისინი, ვისაც გულუბრყვილოდ სჯერა, რომ ბოლომდე თავისუფალია.

ნებისმიერი ადამიანი შეიძლება დავაპატიმროთ და მივუსაჯოთ უვადო თავისუფლების აღკვეთა ყოველგვარი ახსნა-განმარტების გარეშე, და ის თავის თავში იპოვის პასუხს კითხვაზე ─ რატომ?

სიცოცხლე მხოლოდ მაშინ არის კარგი, როდესაც სიყვარულის სხივითაა გამთბარი.

დიდი რევოლუციის მოხდენაში ხალხი კი არ არის დამნაშავე, არამედ ─ მთავრობა.

გამოუყენებელი სიცოცხლე ადრეული სიკვდილის ტოლფასია.

სიღატაკის დანახვა შურიანებს არ აშფოთებთ.

შეცდომა სასარგებლოა ხოლმე, როცა ახალგაზრდები ვართ, ოღონდ სიბერემდე არ უნდა ვატაროთ ის.

ქალი ყოველი არსის გვირგვინია.

თუნდაც აუსრულებელი მაღალი მიზნები უფრო ძვირფასია, ვიდრე აღსრულებული მდაბალი მიზნები.

არსებობენ ცრუხელოვანნი ─ დილეტანტები და სპეკულიანტები. პირველნი ხელოვნებაში იღწვიან გართობისათვის, მეორენი ─ გამორჩენისათვის.

შინაგანი სამყაროს გადმოცემა ბგერებით, ყოველგვარი სხვა საშუალებების გარეშე, მუსიკის უდიდესი და უძვირფასესი თვისებაა.

ადამიანი იმას აქებს, ვისიც სწორად და ტოლად თავისი თავი მიაჩნია.

ადამიანი, რომელიც წვრილმანებისთვის ზრუნავს, სთესს ცრუ მედიდურობას და იმკის სასოწარკვეთილებას.

ადამიანი თავის თავს არ ცნობს გონების თვალით, არამედ გამოცდილებით, და ისიც მხოლოდ მაშინ, როცა შეუდგება მოვალეობის აღსრულებას.

ადამიანის თვისებაა ჰკიცხოს ყოველივე ის, რისი უნარიც თვითონ არ აქვს.

იყავი გულკეთილი და ხშირად გაუმეორე კეთილი სიტყვები ისეთ ხალხს, ვინც გულმავიწყია.

კაცის მანერები მისივე პორტრეტია, რომელშიც იგი თავის ნამდვილ სახეს აჩვენებს.

იზრდება ცოდნა ─ იზრდება ეჭვი.

„პატარა კაცი“ მაინც კაცად ითვლება.

მოქმედება გამჭრიახობის გარეშე ─ ეს ხომ საშინელებაა.

შეგიძლია თავი მკვდრად ჩათვალო, თუ არავის ნდობა არ გაქვს.

ცხოვრების თითოეული საფეხური გვიჩვენებს, რომ უფრო მეტი სიფრთხილე გვმართებს.

ყოველდღე სასურველია, თუნდ ერთი პატარა სიმღერა მოვისმინოთ, წავიკითხოთ ერთი კარგი ლექსი, შევხედოთ რაიმე ჩინებულ სურათს, და თუ შესაძლებელია, რამდენიმე ჭკვიანური სიტყვა წარმოვთქვათ.

ყოველი ავტორი ცხოვრებაში ერთხელ მაინც გვაჩვენებს თავის ნამდვილ სახეს მისივე ნაშრომში, მიუხედავად იმისა, ჰგავს ეს სახე მის იმჟამინდელ მდგომარეობასა და ყოფას თუ არა.

თუ გინდა, რომ შეიცნო ადამიანის გონება, უბრალოდ ყური დაუგდე მას.

სიყვარულს ყველაფერი ძალუძს, მაგრამ მოვალეობას ─ მასზე მეტი.

სიცოცხლე ჩვენი ბავშვობის მარადისობაა.

მაგია ─ ეს ხომ თვითდაჯერებაა, და თუ შენ ამას შეძლებ, შეგიძლია ჩათვალო, რომ ყველაფერი შეგიძლია.

როგორც კი საკუთარ თავს ნდობას გამოუცხადებ, უკვე გეცოდინება, როგორ უნდა იცხოვრო.

არაფერი ფასობს ისე, როგორც ერთი დღე.

არაფერი ისე არ ასახავს ადამიანის ხასიათს, როგორც ის, რაზეც იგი იცინის.

არაფერია იმაზე საშინელი, ვიდრე იმის დანახვა, რომ ვიღაცის მოქმედებაში დიდი უვიცობა დევს.

არაფერია იმაზე საშინელი, ვიდრე უგემოვნო წარმოსახვის გრძნობა.

პიროვნულობა ხელოვნებასა და პოეზიაში უმნიშვნელოვანესია.

ადამიანის „სანახევრო ცოდნა“ ხშირად სხვისი ცოდნისგან მომდინარეობს.

ყველაზე ძნელი საქმე შენ თვალწინ მომხდარის გაანალიზებაა.

ადამიანის გონება შეუზღუდავია.

ის, ვინც პირველი ღილი არასწორად შეიკრა, ბოლოს მაინც ვერ შეიკრავს სწორად.

შეცდომაა, იოცნებო საკუთარ თავზე იმაზე მეტად, ვიდრე გეკუთვნის ─ და დააფასო ის იმაზე ნაკლებად, ვიდრე ღირხარ.

სიღრმეში არაფერია ─ ის, რაც შიგნითაა, უკეთ გარეთ იჩენს თავს.

ვინც გვასწავლის, მას მოძღვარს ვუწოდებთ, მაგრამ ყველა მასწავლებელი ამ სახელის ღირსი არ არის.

განა სიყვარულს რაიმე საერთო აქვს გონებასთან?

ჩვენ მხოლოდ არავინ უნდა ვიყოთ, მაგრამ გვწადია ყველაფერი ვიყოთ.

დარწმუნება არ არის დასაწყისი, არამედ დაბრკოლებაა გრძელვადიან შემეცნებაში.

ყველა ქურდთაგან ყველაზე მავნეა სულელი ─ ის გვპარავს დროსა და ნერვებს.

სიყვარული იდეალურია, ოჯახის შექმნა ─ რეალური. იდეალურისა და რეალურის შერევა არასოდეს ხდება საზღაურის გარეშე.

ამბობენ, ორ სხვადასხვა აზრს შორის ჭეშმარიტება დევსო, არავითარ შემთხვევაში ─ ამ დროს შუაში პრობლემაა.

საკუთარი არასრულყოფილების შეგნება სრულყოფილებასთან გვაახლოებს.

მშვენიერი თვისებაა ადამიანისთვის რაიმე ახლის დაუყოვნებლივ დაწყების სურვილი.

მხოლოდ ისაა თავისუფლებისა და სიცოცხლის ღირსი, ვინც ყოველდღე იბრძვის მისთვის.

ის, ვინც ეძებს, ვალდებულია შეცდეს და აირიოს.

რისიც არ ესმით, იმას არ ფლობენ.

ცხოვრებაში საქმე ცხოვრებას ეხება და არა მის შედეგს.

ადამიანები არ დაიტანჯებოდნენ ასე ძლიერ, რომ არ გაეღვივებინათ წარმოსახვის უნარი ─ არ ემახსოვრებოდათ უსასრულოდ წარსული წყენა და იცხოვრებდნენ უწყინარი აწმყოთი.

უფრო ადვილია მოკვდე, ვიდრე ფეხზე მდგარმა აიტანო წამებულის ტვირთი.

როცა საკუთარი თავი დავკარგეთ, ყველაფერი დაიკარგა ჩვენთვის.

ის, ვინც პირველ ადგილზე ზის, მთავარ როლს იშვიათად თამაშობს.

ადამიანს ძალიან ცოტა მიწა სჭირდება, რათა სიკეთე ჰბადოს ─ და კიდევ უფრო ცოტა, რათა განისვენოს.

"დიდი ჭკუის წინაშე თავს ვხრი, ხოლო დიდი გულის წინაშე მუხლებზე ვდგები...“

რესურსები ინტერნეტში

გოეთე პროექტ Gutenberg-ზე
Johann Wolfgang von Goethe's works at Projekt Gutenberg-DE (in German)
Poems of J. W. Goethe as HTML/PDF, Directories, Dictionary (in German)