ლუციუს ანეუს სენეკა

ლუციუს ანეუს სენეკა (ლათ. Lucius Annaeus Seneca; დ. დაახლოებით ძვ. წ. 4, კორდუბა (კორდობა) — გ. 65, რომი) — რომაელი ფილოსოფოსი, ორატორი, დრამატურგი და იუმორისტი. სენეკა უფროსის ვაჟი.

ციტატები

რა ადგილიც უჭირავს სამყაროში ღმერთს, იგივე ადგილი უჭირავს ადამიანში სულსაც; და რაც ღმერთისთვის არის უნივერსალური მატერია, იგივეა ჩვენთვის სხეულიც.

ბავშვები და ჭკუიდან შეშლილნი არ უფრთხიან სიკვდილს; და განა სამარცხვინო არ იქნება, თუ გონება ვერ გვაზიარებს იმ სიმშვიდეს და უშიშრობას, რასაც უგუნურება გვანიჭებს?

ყოველთვის მპატიობენ და არასდროს მეხმარებიან.

ციტატის წყარო: ჟურ. „თბილისელები“; 6 თებერვალი – 12 თებერვალი, 2012; N6(580) — გვ. 92.

ბედნიერებამ არასოდეს იცის ზომა.

ციტატის წყარო: „სიბრძნის საუნჯე“. თბილისი, 1987

ზოგიერთები იმიტომ გვეჩვენებიან დიდებად, რადგან მათ კვარცხლბეკთან ერთად ზომავენ.

სიცოცხლე თეატრივითაა, რომლის წარმოდგენაშიც მთავარია არა ხანგრძლივობა, არამედ ის, თუ როგორ შეასრულებ მასში საკუთარ როლს.

ლოთობა ნებაყოფლობითი სიგიჟეა.

შენი მრწამსი ზოგჯერ ციხეში ჯდომითაც უნდა დაიცვა.

წვრილმანი შეცდომებიდან ადვილია მსხვილ მანკიერებებზე გადასვლა.

მხოლოდ დროული სიმამაცეა ქების ღირსი.

	ხელი ხელსა ჰბანს.
	Manus manum lavat.

ბოროტმოქმედმა შეიძლება ხანდახან აირიდოს სასჯელი, მაგრამ მის შიშს კი ვერასდროს მოიცილებს.

იარე არა იმ გზით, რა გზითაც სხვები დადიან, არამედ იმ გზით, რა გზითაც ძალგიძს იარო...

ზოგი დაუწერელი კანონი დაწერილზე ძლიერია.

ცეზარისთვის ბევრი დაუშვებელია, იმიტომ რომ მისთვის ყველაფერი შესაძლებელია.

ბედნიერება კაცს თავის დღეში იმოდენად მაღლა არ აიყვანს, რომ მაინც მეგობრის ყოლა არ იყოს მისთვის საჭირო.

ოქროს ცეცხლით აკეთილშობილებენ, ქალს – ოქროთი, ხოლო მამაკაცს – ქალით.

ვინც აისმა ნახა აღზევებული ,მას დაისი ძირს დამხობილს ნახავს.