ლუციუს ანეუს სენეკა

ლუციუს ანეუს სენეკა (ლათ. Lucius Annaeus Seneca; დ. დაახლოებით ძვ. წ. 4, კორდუბა (კორდობა) — გ. 65, რომი) — რომაელი ფილოსოფოსი, ორატორი, დრამატურგი და იუმორისტი. სენეკა უფროსის ვაჟი.

ციტატები

ბავშვები და ჭკუიდან შეშლილნი არ უფრთხიან სიკვდილს; და განა სამარცხვინო არ იქნება, თუ გონება ვერ გვაზიარებს იმ სიმშვიდეს და უშიშრობას, რასაც უგუნურება გვანიჭებს?

ზოგიერთები იმიტომ გვეჩვენებიან დიდებად, რადგან მათ კვარცხლბეკთან ერთად ზომავენ.

	ხელი ხელსა ჰბანს.
	Manus manum lavat.

იარე არა იმ გზით, რა გზითაც სხვები დადიან, არამედ იმ გზით, რა გზითაც ძალგიძს იარო...

ცეზარისთვის ბევრი დაუშვებელია, იმიტომ რომ მისთვის ყველაფერი შესაძლებელია.

ოქროს ცეცხლით აკეთილშობილებენ, ქალს – ოქროთი, ხოლო მამაკაცს – ქალით.

ვინც აისმა ნახა აღზევებული, მას დაისი ძირს დამხობილს ნახავს.