განათლება

ანბანური საძიებელი : ა ბ გ დ ე ვ ზ თ ი კ ლ მ ნ ო პ ჟ რ ს ტ უ ფ ქ ღ ყ შ ჩ ც ძ წ ჭ ხ ჯ ჰ

ა

	„განათლება ადამიანის სულისათვის იგივეა, რაც სკულპტურა ─ მარმარილოს ლოდისათვის.“
	— ჯოზეფ ადისონი

	„განათლება ─ ეს არის ის, რაც რჩება სკოლაში ნასწავლის დავიწყების შემდეგ.“
	— ალბერტ აინშტაინი

	„გონების განათლება გულის განათლების გარეშე საერთოდ არ არის განათლება.“
	— არისტოტელე

	„განათლება კეთილდღეობისას ჩუქურთმაა და გაჭირვებისას თავშესაფარი.“
	— არისტოტელე

	„განათლება სიბერის საუკეთესო უზრუნველყოფაა.“
	— არისტოტელე

ბ

	„განათლება საუცხოო აბდაუბდაა... დაბეჭდილი ტომების რიცხვი მილიარდს სჭარბობს, ადამიანის სიცოცხლე კი იმდენად ხანმოკლეა, თხუთმეტი ათასის წაკითხვაც კი არ შეიძლება.“
	— ონორე დე ბალზაკი

|- |   | ციტატის წყარო: “შაგრენის ტყავი” (1831 წ.)

	„განათლებული ხალხის უმრავლესობა თვითნასწავლია, იმიტომ, რომ მთელი ცხოვრება იმ წარმოსახვითი გამოცდისთვის ემზადება, რომელსაც არასდროს ჩააბარებს.“
	— ფრედერიკ ბეგბედერი

|- |   | ციტატის წყარო: “ფანჯრები მსოფლიოზე” (2003 წ.)

	„ამოუტენეთ ადამიანს გონება ცნობებით, ფიტულივით ამოტენეთ ამ წყეული ფაქტებით და ეგონებათ, რომ ბრწყინვალე განათლება მიიღეს.“
	— რეი ბრედბერი

|- |   | ციტატის წყარო: “451º ფარენჰაიტით” (1953 წ.)

	„განათლებული ადამიანები სავსე არიან ეჭვებით, ხოლო გაუნათლებლები ─ თავდაჯერებულობით.“
	— ჩარლზ ბუკოვსკი

გ

	„მიეცით განათლება კაცს და თქვენ მიიღებთ ერთ განათლებულ ადამიანს; მიეცით განათლება ქალს და მიიღებთ განათლებულ ოჯახს, შვილებს და შთამომავლობას.“
	— მაჰათმა განდი

	„ხალხის განათლება დედაბოძია, მთავარი ბურჯია ქვეყნის კეთილდღეობისა, ბედნიერებისა.“
	— იაკობ გოგებაშვილი

	„განათლება ─ ორლესული იარაღია, რომლის გამოყენება შეიძლება ადამიანთა სასარგებლოდაც და საზიანოდაც; საქმე იმაშია, თუ ვის უჭირავს იგი ხელში და რა მიმართულებით ხმარობს ის ამ იარაღს.“
	— იაკობ გოგებაშვილი

	„ხშირად კარგავენ დროს უსარგებლო ამბების კითხვაში; კაცმა მხოლოდ ის უნდა წაიკითხოს, რაც აღტაცების ღირსია.“
	— გოეთე

დ

	„განათლება ადამიანს ღირსებას მატებს ─ მონაც კი იწყებს იმის გააზრებას, რომ იგი მონობისთვის არ არის დაბადებული.“
	— დენი დიდრო

ე

	„განათლებული ადამიანი ვერასდროს განიცდის პირად კეთილდღეობას და ბედნიერებას, თუ მის ქალაქში, სოფელში, ქუჩაში, ხელგამოწვდილი მოხუცი, ან ბავშვი მათხოვრობს ─ მათ ამ დროს ამაყად თავაწეული სიარულის რცხვენიათ.“
	— ანტუან დე სენტ-ეგზიუპერი

	„განათლებულ ადამიანებს არ ახასიათებთ საწყისი ცხოველური ინსტიქტები და იმდენად ბუნებრივები არიან, გული თვალებში უციმციმებთ.“
	— ანტუან დე სენტ-ეგზიუპერი

	„განათლება თავისუფლების უკეთესი დამცველია, ვიდრე საომრად გამზადებული არმია.“
	— ედუარდ ევერეტი

ი

	„განათლება გასართობად კი არაა, ─ აზროვნებისთვის არის!..“
	— ოტია იოსელიანი

	„ერთ ბავშვს, ერთ მასწავლებელს, ერთ წიგნს და ერთ კალამს შეუძლია შეცვალოს მსოფლიო!“
	— მალალა იუსაფზაი

კ

	„განათლებით ირჩევა კაცი კაცისაგან. იგი ფასდაუდებელი საუნჯეა, რომლის შეძენას ბევრი დრო, მოთმინება და ცდა უნდა. განათლებას ფასი და მნიშვნელობა მხოლოდ მაშინა აქვს, როცა მას რიგიანად გამოვიყენებთ.“
	— კირიონ II

	„თუ შენი გეგმა 1 წელიწადზეა ─ დათესე ბრინჯი; თუ გეგმა 10 წელიწადზეა ─ დარგე ხეები; ხოლო, თუ გეგმავ 100 წელზე ─ მიეცი განათლება შვილებს!“
	— კონფუცი

ლ

	„განათლებულ ხალხებს უმეტესწილად კარგი გემოვნება აქვთ, ვინაიდან განათლება ბუნებასთან აახლოებს ადამიანებს.“
	— ჯაკომო ლეოპარდი

	„როგორი იქნება ხვალინდელი დღე ─ დიდწილად დამოკიდებულია იმ ადამიანების განათლებაზე, ვინც სწორედ ახლა სწავლობს კითხვას.“
	— ასტრიდ ლინდგრენი

	„უნივერსიტეტი ქვეყნის სარკეა.“
	— მარიო ვარგას ლიოსა

	„განათლება ქმნის განსხვავებას ადამიანთა შორის.“
	— ჯონ ლოკი

მ

	„განათლება არის ყველაზე ძლიერი იარაღი, რომელიც შეგიძლიათ გამოიყენოთ მსოფლიოს შესაცვლელად.“
	— ნელსონ მანდელა

	„განათლება დიდებული საშუალებაა პიროვნების განვითარებისათვის; სწორედ განათლების წყალობით შეიძლება გახდეს გლეხის შვილი ─ ექიმი, მეშახტის შვილი ─ შახტის დირექტორი, ფერმერის შვილი ─ ქვეყნის პრეზიდენტი.“
	— ნელსონ მანდელა

	„თუ განათლება სხვა ადამიანებზე უპირატესობის განცდას გიჩენს ─ ესე იგი, ტყუილად გისწავლია!“
	— გია მურღულია

	„განათლებამ თავი რეალიზებულად უნდა მაგრძნობინოს მაშინაც, როდესაც არ მაქვს მილიონი ─ იმიტომ, რომ მე სხვა უპირატესობები მაქვს.“
	— ზურაბ მხეიძე

ნ

	„განათლებულ კაცს უნდა შეეძლოს არა მხოლოდ მტრების სიყვარული, არამედ მეგობრების ზიზღიც.“
	— ფრიდრიხ ნიცშე

ო

	„განათლებულ ადამიანს შეუძლია კარგა ხანს აიტანოს უქმად ყოფნა.“
	— ჯორჯ ორუელი

|- |   | ციტატის წყარო: “პარიზისა და ლონდონის ფსკერზე” (1933 წ.)

რ

	„განათლებული მხოლოდ ისაა, ვინც იცის როგორ ისწავლოს და შეიცვალოს.“
	— კარლ როჯერსი

	„ყოველგვარი ნამდვილი განათლება მხოლოდ თვითგანათლებით მიიღწევა.“
	— ნიკოლაი რუბაკინი

	„მეტისმეტი გატაცება კითხვით ზრდის მხოლოდ თავდაჯერებულ უმეცარს.“
	— ჟან-ჟაკ რუსო

ს

	„რაც გადაურჩა დავიწყებას, სწორედ ის არის განათლება.“
	— ბარუს ფრედერიკ სკინერი

	„განათლების მთავარი დანიშნულება ცოდნა კი არა, მოქმედებაა.“
	— ჰერბერტ სპენსერი

ფ

	„განათლება კარგ ადამიანს აკეთილშობილებს, ხოლო ცუდს ─ უარესად აქცევს.“
	— თომას ფულერი

ყ

	„განათლება არ არის ინფორმაციის რაოდენობა. განათლება არის გაცნობიერების ხარისხი.“
	— დეა ყოლბაია

შ

	„როგორც პლანეტები და თანამგზავრები ეკუთვნიან მზეს, ასევე განათლება ─ ინტელექტის ბუნებრივი საკუთრებაა.“
	— არტურ შოპენჰაუერი

	„ფორმალურად განათლებული ადამიანი ამბობს არა იმას, რასაც ფიქრობს ─ არამედ იმას, რასაც სხვები ფიქრობდნენ; აკეთებს არა იმას, რაც მას შეეძლო გაეკეთებინა ─ არამედ იმას, რაც სხვებისგან ისწავლა.“
	— არტურ შოპენჰაუერი

ჩ

	„ადამიანის განათლება მტკიცდება და სრულქმნილი ხდება წიგნების კითხვით.“
	— ნიკოლოზ ჩერნიშევსკი

	„საჭიროა ჭკვიანი, განათლებული ადამიანები, იმდენად, რამდენადაც ახლოვდება კაცობრიობის ლტოლვა უკეთესი ცხოვრებისაკენ, ამიტომ მათი რიცხვი უფრო გაიზრდება მანამ, სანამ ისინი უმრავლესობას არ შეადგენენ.“
	— ანტონ ჩეხოვი

	„უნივერსიტეტი ავითარებს ყველა უნარ-ჩვევას, მათ შორის სიბრიყვესაც.“
	— ანტონ ჩეხოვი

წ

	„მხოლოდ განათლება იყო და არის წყარო ყოველგვარი ხალხის ბედნიერებისა და კეთილდღეობისა.“
	— აკაკი წერეთელი

ჭ

	„განათლება ჰგავს მზესა, რომელიც ისე არ ანათებს, რომ იმავე დროს არ ათბოს და ისე არ ათბობს, რომ არ ანათოს.“
	— ილია ჭავჭავაძე

	„ავი კაცი რამდენადაც მეცნიერია, დიდი სწავლული, იმოდენად უფრო ძლიერ საშიშია, უფრო ძლიერ მავნებელია.“
	— ილია ჭავჭავაძე

	„სწავლა, ცოდნა, მეცნიერება ─ ღონეა იმისთანა, რომელსაც დღეს წინ ვეღარაფერი დაუდგება: ვერც მუშტი, ვერც ხმალი, ვერც ჯართა სიმრავლე.“
	— ილია ჭავჭავაძე

ჰ

	„გაანათლო ხალხი, ნიშნავს, აამაღლო ზნეობა: გახადო იგი წიგნიერი, ცივილიზაცია შეიტანო მასში.“
	— ვიქტორ ჰიუგო

არ არის იმის მტკიცება საჭირო, რომ განათლება ყველაზე დიდი მადლია ადამიანებისათვის. განათლების გარეშე ადამიანები უხეშები, ღარიბები და უბედურები არიან.

|- |   | ციტატის წყარო: 20 საუკეთესო გამონათქვამი განათლებაზე

განათლება აქარწყლებს ან ასუსტებს სიკვდილისა და დუხჭირი ბედის წინაშე ბრძოლას, რაც ყველაზე დიდი დაბრკოლებაა სათნოებისაკენ მიმავალ გზაზე და ადამიანის ქცევას ამახინჯებს.

|- |   | ციტატის წყარო: 20 საუკეთესო გამონათქვამი განათლებაზე

განათლება - საგანძურია, შრომა კი - მისი გასაღები.

|- |   | ციტატის წყარო: 20 საუკეთესო გამონათქვამი განათლებაზე

განათლებული ადამიანი მუდამ მაღლდება გონებაში და შორსმჭვრეტელობაში, გაუნათლებელი ადამიანი კი მუდამ ქვევით ეშვება უვიცობასა და სიბილწეში.

|- |   | ციტატის წყარო: 20 საუკეთესო გამონათქვამი განათლებაზე

განათლებულსა და გაუნათლებელ ადამიანს შორის ისეთივე განსხვავებაა, როგორიც მკვდა­რსა და ცოცხალს შორის.

|- |   | ციტატის წყარო: 20 საუკეთესო გამონათქვამი განათლებაზე

რაში მდგომარეობს ჩვენი ხალხის ბედნიერება? მხოლოდ ერთს განათლებაში, რომ ჩვენი ხალხი ზნეობით ამაღლდეს!

|- |   | ციტატის წყარო: 20 საუკეთესო გამონათქვამი განათლებაზე

ცივილიზაციის წარმატება გონებრივ განვითარებაზეა დამოკიდებული.

|- |   | ციტატის წყარო: 20 საუკეთესო გამონათქვამი განათლებაზე