სიყვარული

სიყვარული — სხვადასხვა გრძნობების, მდგომარეობისა და დამოკიდებულების მრავალფეროვნება, რომელიც მერყეობს ინტერპერსონალური სიყვარულიდან („მე მიყვარს დედაჩემი“) სიამოვნებამდე („მე მიყვარდა ის კვება“). ეს შეიძლება ეხებოდეს ძლიერი მიზიდულობის ემოციას და პიროვნულ მიჯაჭვულობას. ეს ასევე შეიძლება იყოს სიკეთე, თანაგრძნობა და სიყვარული - "უანგარო ლოიალური და კეთილგანწყობილი ზრუნვა სხვისი სიკეთისთვის".

ანბანური საძიებელი : ა ბ გ დ ე ვ ზ თ ი კ ლ მ ნ ო პ ჟ რ ს ტ უ ფ ქ ღ ყ შ ჩ ც ძ წ ჭ ხ ჯ ჰ

ციტატები

ა

	„გრავიტაცია დამნაშავე არაა იმაში, რომ ადამიანებს ერთმანეთი უყვარდებათ.“
	— ალბერტ აინშტაინი

„სამყარო მხოლოდ მაშინ გახდება ნამდვილი, როცა ადამიანი სიყვარულს ისწავლის. მანამდე კი მხოლოდ ერთი რწმენით შეგვიძლია ვიცხოვროთ – რწმენით, თითქოს სიყვარულისა რამე გაგვეგებოდეს, არადა, მისი დაფასება ჯერაც ვერ გვისწავლია.“

— დანტე ალიგიერი

„ერთხანს მაინც უნდა იყოთ ერთად, რომ სულში ჩახედოთ ერთმანეთს – მისი სულიერი რაღაც-რაღაცები შენი სიცოცხლისთვის აუცილებელი რომ გახდება, მაშინ დაერქმევა თქვენს ურთიერთობას სიყვარული.“

— ჭაბუა ამირეჯიბი

	„სიყვარული ორ სხეულში მცხოვრები ერთი სულია.“
	— არისტოტელე

„სიყვარული მარტო ურთიერთშერწყმას კი არ გულისხმობს, არამედ ფილოსოფიასაც ─ ბრძენი სიყვარულსაც მიეცემა და სახელმწიფო საქმეებსაც გააკეთებს, დაქორწინდება კიდეც და მეფეებთანაც იცხოვრებს.“

— არისტოტელე

ბ

„სიყვარულს, ასე თუ ისე, სიცხადე შეაქვს იმ გაუგებრობაში, თუ რატომ ებღაუჭებიან სიცოცხლეს გამწარებით ეს საცოდავი ადამიანები... სიმართლე თუ გინდათ, ამ უნარის გარეშე ადამიანს ათი ცოფიანი ძაღლი სჯობია ─ იმდენად საშიში და დაუნდობელია... მაგრამ ასეთები ცოტანი არიან. უმრავლესობას ამ უნარის, თუნდაც სულ უმნიშვნელო ნამცეცები, მაინც აქვს შემორჩენილი.“

— თეიმურაზ ბაბლუანი

ციტატის წყარო: “მზე, მთვარე და პურის ყანა” (2018 წ.)

	„იქნებ, სიყვარული განცდილი სიამოვნებისთვის მადლობის გრძნობაა და სხვა არაფერი?!“
	— ონორე დე ბალზაკი

ციტატის წყარო: “მამა გორიო” (1835 წ.)

	„სიყვარული ერთადერთი გზაა, რომლითაც თვით ბრიყვებიც კი გარკვეულ ღირსებას აღწევენ.“
	— ონორე დე ბალზაკი

	მხოლოდ კავშირი ესრეთთ სულთა შობს სიყვარულსა, ზეგარდმო მადლით დაუხსნელად დამტკიცებულსა!
	— ნიკოლოზ ბარათაშვილი

ციტატის წყარო: “რად ჰყვედრი კაცსა”

	„სიყვარული ხელოვნების ნიმუშია ─ მწერლების, მუსიკოსების, მხატვრების, კინორეჟისორების მუზა.“
	— ფრედერიკ ბეგბედერი

ციტატის წყარო: “რომანტიკული ეგოისტი” (2005 წ.)

	„შეყვარებული მამაკაცი ის არის, ვისაც უყვარს თავისი მძინარე ქალბატონის ყურება და მისით ტკბობა.“
	— ფრედერიკ ბეგბედერი

„იყო შეყვარებული, ნიშნავს იყო სულ გაოცებული – როცა გაოცება გაივლის, სიყვარულიც გაქრება. ხშირად გვავიწყდება, რომ სიყვარულში ცნობისმოყვარეობა 90%-ია და მხოლოდ 10% – მარტოხელა ძაღლივით სიკვდილის შიში.“

— ფრედერიკ ბეგბედერი

ციტატის წყარო: “რომანტიკული ეგოისტი” (2005 წ.)

	„დანაშაული არ არის, რამდენჯერმე გიყვარდეს.“
	— ბესარიონ ბელინსკი

	„სიყვარული ყოველთვის ტელესკოპში იყურება, სიძულვილი კი, მიკროსკოპში გაკვირდება.“
	— ჯოშ ბილინგსი

	„სიყვარული კი არ გვამცირებს, პირიქით ─ გვანთავისუფლებს. მხოლოდ სიყვარულს შეუძლია განთავისუფლება.“
	— ალექსანდრე ბლოკი

	„რა არის სიყვარული? – ვნება, რომელიც ერთ მხარეს ათავსებს მთელ დედამიწას, ხოლო მეორე მხარეს მხოლოდ და მხოლოდ სიყვარულის საგანს.“
	— ნაპოლეონ ბონაპარტი

	„გაანადგურეთ სიყვარული და ჩვენი დედამიწა სამარედ გადაიქცევა.“
	— რობერტ ბრაუნინგი

	„სიყვარულია, როდესაც ვინმეს შეუძლია ადამიანს საკუთარი თავი დაუბრუნოს.“
	— რეი ბრედბერი

„სიყვარული ისაა, როცა გინდა ვიღაცასთან ერთად წელიწადის ოთხივე დრო გაატარო. გინდა ვინმესთან ერთად გაზაფხულის ქარიშხლებს გაექცე, ფეხქვეშ კი იასამნები გეფინოს, ზაფხულობით ხილი შეაგროვო და მდინარეში იბანაო. შემოდგომაზე ერთად მოხარშოთ მურაბები და სიცივისას ფანჯარა მიხუროთ. ზამთარში, გაციებაში და გრძელი საღამოების გადატანაში ერთმანეთს დაეხმაროთ.“

— რეი ბრედბერი

	„იპოვე ის, რაც მთელი გულით გეყვარება და მიეცი საშუალება ─ მოგკლას.“
	— ჩარლზ ბუკოვსკი

	„რა თქმა უნდა, შესაძლებელია ადამიანი გიყვარდეს ─ თუ მას ძალიან კარგად არ იცნობ.“
	— ჩარლზ ბუკოვსკი

	„თუ სიყვარულის უნარი გაქვს, პირველ რიგში საკუთარი თავი შეიყვარე.“
	— ჩარლზ ბუკოვსკი

	„სიყვარული არ ითხოვს სრულყოფილებას ─ ის ხედავს მთლიანობას არასრულშიც.“
	— ლეო ბუსკალია

გ

	„სიყვარული თამაშია, რომელსაც ორი თამაშობს და ორივე მოგებული რჩება.“
	— ევა გაბორი

	„ვისაც ოდესმე სიყვარული გამოუცდია, მას უგემნია თავათ სიკვდილი.“
	— კონსტანტინე გამსახურდია

ციტატის წყარო: “დიდოსტატის მარჯვენა” (1938-1939 წწ.)

	„ორი არაიდეალური ადამიანი ერთმანეთს შეხვდა... შეიყვარეს... და ერთმანეთისთვის იდეალურები გახდნენ.“
	— ვიტალი გიბერტი

	„სიყვარული, იცით, რა არის? როცა რაიმეს კი არ ველი შენგან... არამედ მზად ვარ, მოვკვდე შენთვის...“
	— თეოდორე გიგნაძე

„სიყვარულს, ისევე როგორც მთელ ბუნებას, აქვს ჭკნობისა და ყვავილობის პერიოდი, მაგრამ მთლიანად არასდროს კვდება ─ ზღვა მაინც ზღვაა, მოიქცევა თუ უკუიქცევა.“

— ვინსენტ ვან გოგი

	„სიყვარულის გარეშე ცხოვრება ცოდვა და უზნეო მდგომარეობაა.“
	— ვინსენტ ვან გოგი

	„სიყვარული უპირველესად მოქმედებაა და როგორც ყოველ მოქმედებას, მასაც დიდი დაძაბულობა ახლავს თან.“
	— ვინსენტ ვან გოგი

	„განა სიყვარულს რაიმე საერთო აქვს გონებასთან?!“
	— გოეთე

	„ამ ქვეყანაზე ბოროტებისთვის კი არა, სიყვარულისთვის ვართ გაჩენილები ─ ნამდვილი გრძნობით ნათქვამი „მიყვარხარ“ არასოდეს გაუფერულდება.“
	— ნიკო გომელაური

	„არაფერი ისე არ მჟღავნდება, როგორც ფარული სიყვარული.“
	— ლევან გოთუა

„სიყვარულის შედეგი ყოველთვის ერთი და იგივეა ─ ახალი ადამიანი! ბავშვზე კი არ მოგახსენებთ, არამედ ადამიანებზე, რომელთაც უყვართ. აკი გრძნობა სულს უახლებს კაცს, უფრო სხვაგვარს, უკეთესსა და ლამაზს შეიქმს.“

— მაქსიმ გორკი

	„სიყვარული ნიშნავს სიცოცხლის სურვილს.“
	— მაქსიმ გორკი

	„გიყვარდეს ─ ე.ი. შედარებას თავი დაანებო.“
	— ბერნარ გრასე

დ

	„სიყვარული რაა, ბრძენო? – ეს მინდოდა ჩემთვის გეთქვა. ორი სული – ერთი ფიქრი, ორი გული – ერთი ფეთქვა.“
	— სალვადორ დალი

ციტატის წყარო: ????????????????

	„სიყვარული ─ ყველაზე უფრო საინტერესო და საპატიო გახლავთ ადამიანურ სისუსტეთა შორის.“
	— ჩარლზ დიკენსი

„ადამიანებმა შეამკეს სიყვარული სიმორცხვით, პოეზიით, თავგანწირვით, მაგრამ მათვე შეიტანეს მასში ისეთი რამ, რაც ცხოველებსაც არ შეუძლიათ: მეტისმეტობა, ღალატი, გარყვნილება და მლიქვნელობა.“

— ალექსანდრ დიუმა (მამა)

	„ვისაც დიდი სიყვარული შეუძლია, იმან დარდიც დიდი იცის.“
	— ფიოდორ დოსტოევსკი

	„სიყვარული ისეთი უძვირფასესი განძია, მთელი ქვეყნიერების შესყიდვას შეგაძლებინებს, არა მარტო შენსას, სხვათა ცოდვებსაც გამოისყიდი...“
	— ფიოდორ დოსტოევსკი

	„დედამიწას სიყვარული ატრიალებს... ასე რომ არა, დაიქცეოდა, ამდენი ცოდვა დაამძიმებდა, ვეღარ შესძლებდა ბრუნვას, ზოგ-ზოგებისადმი სიყვარული რომ არა.“
	— გურამ დოჩანაშვილი

ციტატის წყარო: “სამოსელი პირველი” (1975 წ.)

	„იქ, სადაც სიყვარული ურევია, ყოველივე ლამაზდება.“
	— გურამ დოჩანაშვილი

ციტატის წყარო: “სამოსელი პირველი” (1975 წ.)

	„როდესაც ყვავილი მოგწონს, წყვეტ მას, ხოლო როცა გიყვარს ─ რწყავ.“
	— გურამ დოჩანაშვილი

	„სიყვარულმა ასე იცის ─ ადამიანი ხდება სახლი, რომელშიც ცხოვრობ.“
	— გურამ დოჩანაშვილი

	„სიყვარული – ეს ნიჭია, რომელიც ღმერთმა ადამიანს უბოძა და უბედურია ის, ვინც ამ ქვეყნიდან ამ ნიჭის გარეშე წავა.“
	— ნოდარ დუმბაძე

ე

	„სიყვარული ერთმანეთის ყურებას კი არ ნიშნავს, არამედ – ხედვას ერთი მიმართულებით.“
	— ანტუან დე სენტ-ეგზიუპერი

	„ნამდვილი სიყვარული მაშინ იწყება, როცა გიყვარს და საპასუხოდ არაფერს ელი.“
	— ანტუან დე სენტ-ეგზიუპერი

ციტატის წყარო: “პატარა უფლისწული” (1943 წ.)

ვ

	„სიყვარულს ძალუძს ყველაფერს სძლიოს ─ მოდით, ჩვენც მას დავემორჩილოთ.“
	— ვერგილიუსი

ზ

თ

	„სიყვარული ყველაფერს სძლევს ─ იგი ერთი ასი ათასად მაღლა დგას თავმოყვარეობაზე, სიმდიდრეზე ძვირია, დიდებაზე კეთილშობილია.“
	— უილიამ თეკერეი

ი

	„ადამიანს ერთგული მეგობრისთვის ყველაფრის მიცემა შეუძლია ─ ყველაფრის, გარდა იმ ქალისა, რომელიც უყვარს.“
	— ჰენრიკ იბსენი

	„მარტო ის კი არ უნდა გვიყვარდეს, ვისაც ჩვენ ვუყვარვართ, არამედ ─ ყველა.“
	— ილია II

	„სიყვარულის დროს თუ მონობა შეგიძლია ─ მეფე ხარ!“
	— ოტია იოსელიანი

	„გიყვარდა და აღარ გიყვარს, მასეთი რამ არ არსებობს... თუ მართლა გიყვარს, სამუდამოდ გიყვარს. თუ გადაგიყვარდა, ესე იგი, არც არასოდეს გყვარებია.“
	— ოტია იოსელიანი

	„სიყვარულის და ვნების დამწვრობით ადამიანი რომ დაშინებულიყო, კაცობრიობა დიდი ხნის წინ შეწყვეტდა არსებობას...“
	— ოტია იოსელიანი

	„სიყვარული არ არის მხოლოდ ფიქრი ადამიანზე, ეს არის ყოფნა მის გვერდით მაშინაც კი, როცა შორს ხარ.“
	— ოტია იოსელიანი

	„შენ რომ სიყვარული შეგეძლოს და მე მართლა ვიყო სიყვარულის ღირსი ─ არ დამიცდიდი: ადგებოდი და უანგაროდ შემიყვარებდი...“
	— ოტია იოსელიანი

	„სიყვარული დიდი ტვირთია ─ სუსტი, უძლური და უნიათო ვერ ასწევს, ვერ ატარებს…“
	— ოტია იოსელიანი

	„სიყვარული თუ არ იცი, ყველაფრის სწავლას თავი დაანებე და ჯერ სიყვარული ისწავლე.“
	— ოტია იოსელიანი

კ

	„სიყვარული არის, როცა ულაპარაკოდ დათმობ შენს სიცოცხლეს. ყველაზე ძვირფასს რომ დათმობ ─ ეს არის სიყვარული.“
	— კახი კავსაძე

	„სიყვარული ავადმყოფობის სახეობაა, რომელიც არც ჭკვიანებს ინდობს და არც ბრიყვებს.“
	— ალბერ კამიუ

	„შეიყვარეთ საკუთარი თავი, შემდეგ ─ სიცოცხლე და მხოლოდ ამის შემდეგ ─ ის, ვინც გსურთ.“
	— ფრიდა კარლო

	„სიყვარული სულიერი კულტურის ნაწილია ─ პატარა ადამიანები მას ვერ წვდებიან და საკუთარ თავთან ერთად სხვასაც ტანჯავენ!..“
	— პაატა კვარაცხელია

	„მიყვარხარ, იმიტომ რომ მთელი სამყარო ხელს მიწყობდა, შენ რომ მეპოვნე...“
	— პაულო კოელიო

	„სიყვარული ველური ძალაა ─ როცა მის გაკონტროლებას ვცდილობთ, ის გვანადგურებს. როცა ვცდილობთ მას ჩავწვდეთ ─ გვაბნევს.“
	— პაულო კოელიო

	„გიყვარდეს, ესე იგი გიყვარდეს ─ სიყვარული არგუმენტებს არ ცნობს.“
	— პაულო კოელიო

	„სიყვარული ─ ის ერთადერთია, რაც გონებას ავითარებს, შემოქმედებით ფანტაზიას აღვიძებს, გვწმენდს და გვანთავისუფლებს.“
	— პაულო კოელიო

	„თუ ოდესმე რამეს ვუხსნივართ, ისევ სიყვარულის ძალას და მომავალშიც იგი იქნება ჩვენი სიმაგრე.“
	— მერაბ კოსტავა

	„შენი გაცემული სიყვარული მაინც იმდენი მიდის ადამიანამდე, რამდენადაც თვითონ უყვარხარ.“
	— ლუკა კუხიანიძე

ციტატის წყარო: “სუნთქვა ცალი ფილტვით” (2021 წ.)

ლ

	„სიყვარული იმას ნიშნავს, რომ სხვის ბედნიერებაში საკუთარი ბედნიერება იპოვო.“
	— გოტფრიდ ლაიბნიცი

„არავითარ თვალთმაქცობას არ შეუძლია დამალოს სიყვარული იქ, სადაც იგი ნამდვილად არის და არავითარ ძალას არ შეუძლია გვაჩვენოს სიყვარული იქ, სადაც იგი არ არსებობს.“

— ფრანსუა დე ლაროშფუკო

	„სიყვარული ერთია, მაგრამ მისი იმიტაცია ─ ათასი.“
	— ფრანსუა დე ლაროშფუკო

	„ნამდვილი სიყვარული მოჩვენებას ჰგავს ─ ყველა მასზე საუბრობს, მაგრამ ცოტას თუ უნახავს.“
	— ფრანსუა დე ლაროშფუკო

	„სიყვარულს ბევრი წამალი აქვს, მაგრამ არც ერთი კი უებარი არ არის.“
	— ფრანსუა დე ლაროშფუკო

	„ის, ვინც გადაიყვარეს, თვითონაა დამნაშავე, რადგან ვერ შეამჩნია ეს დროულად.“
	— ფრანსუა დე ლაროშფუკო

	„არ არსებობს კაცი, რომელიც ერთხელ გულს რომ აიცრუებს საყვარელ ქალზე, სირცხვილით არ იხსენებდეს თავის ძველ სიყვარულს.“
	— ფრანსუა დე ლაროშფუკო

	„სიყვარული ცეცხლია: თუ არ კვებავ ─ ქრება.“
	— მიხეილ ლერმონტოვი

	„სიყვარული ერთადერთი ზღაპარია, რომელიც არ იწყება სიტყვებით “იყო და არა იყო რა”, მაგრამ ამ სიტყვებით კი მთავრდება.“
	— ჰანს ლობერგერი

	„ისე არაფერი აძლიერებს სიყვარულს, როგორც გადაულახავი წინააღმდეგობანი.“
	— ლოპე დე ვეგა

	„სიყვარული ვერ იტანს გამუდმებით გამოკვლევას ─ თუ ყველაფერს ამოწმებ, ნაწილებად შლი, ადარებ, სინათლესთან ახლოს მიგაქვს, ის ჩაქვრება და მოკვდება.“
	— სოფი ლორენი

მ

	„მე შენ მიყვარხარ არა იმის გამო, თუ ვინ ხარ შენ, არამედ იმის გამო, თუ ვინ ვარ მე შენ გვერდით.“
	— გაბრიელ გარსია მარკესი

	„თუ შეხვდებით თქვენს ნამდვილ სიყვარულს, ის არ დაგეკარგებათ ─ არც ერთი კვირის შემდეგ, არც ერთი თვის და არც ერთი წლის შემდეგ.“
	— გაბრიელ გარსია მარკესი

	„სიყვარულის სიმპტომები ქოლერისას ემთხვევა.“
	— გაბრიელ გარსია მარკესი

ციტატის წყარო: “სიყვარული ჟამიანობის დროს” (1985 წ.)

	„მხოლოდ იმიტომ, რომ ვიღაცას არ უყვარხარ ისე, როგორც შენ გინდა, რომ უყვარდე, იმას არ ნიშნავს, რომ იმ ადამიანს მთელი გულით არ უყვარხარ!“
	— გაბრიელ გარსია მარკესი

	„სიყვარული ომს ჰგავს ─ ადვილია დაიწყო, ძნელია დაამთავრო და შეუძლებელია დაივიწყო.“
	— ჰენრი ლუის მენკენი

	„სიყვარული უსასრულობის ყველაზე ღვთაებრივი ფორმაა.“
	— მორის მეტერლინკი

„თქვენ იცით, რა არის სიყვარული, ნამდვილი სიყვარული? ოდესმე გყვარებიათ ისე, რომ ჯოჯოხეთის მარადიული სატანჯველისათვის გაგემეტებინათ თავი?! ─ მე მყვარებია.“

— ამედეო მოდილიანი

	„სიყვარული კვდება ─ ცხოვრების უდიდესი ტრაგედია არა ადამიანის გარდაცვალება, არამედ ისაა, რომ მათ აღარ უყვართ.“
	— უილიამ სომერსეტ მოემი

	„სიყვარული სიცოცხლის ერთადერთი სიამეა, რომელსაც ხშირად ვიმწარებთ, რადგან ზოგჯერ მისგან შეუძლებელ რამეს მოვითხოვთ ხოლმე!“
	— გი დე მოპასანი

	„სიყვარული ძლიერია, როგორც სიკვდილი, მაგრამ მსხვრევადია, როგორც მინა.“
	— გი დე მოპასანი

ნ

	„სიყვარული ერთადერთია, რის გამოც ადამიანი ხდება ძლიერი, ქალი ─ ლამაზი, კაცი ─ კეთილი, სული ─ ამაღლებული, ცხოვრება კი ─ მშვენიერი!“
	— ფრიდრიხ ნიცშე

	„რა არის სიყვარული, თუ არა გაგება და ბედნიერება იმისა, რომ მეორე ადამიანი ცხოვრობს, მოქმედებს და განიცდის ჩვენგან განსხვავებულად.“
	— ფრიდრიხ ნიცშე

	„სიყვარული ბუნების უმაღლესი პოეზიაა.“
	— ნოვალისი

ო

	„სიყვარული არის თავის დავიწყება.“
	— გრიგოლ ორბელიანი

	„სიყვარული, ყველაზე მომაკვდინებელი ყველაზე მომაკვდინებელ სენთაგან ─ კვდები მაშინაც, როდესაც გიყვარს და მაშინაც, როცა უსიყვარულოდ ცოცხლობ.“
	— ლორენ ოლივერი

ციტატის წყარო: “დელირიუმი” (2011 წ.)

პ

	„ადამიანებს უყვართ არა საჭიროებისთვის, არამედ ─ ბედნიერებისთვის.“
	— ბლეზ პასკალი

	„სიყვარულის სამი მეოთხედი ცნობისმოყვარეობაა.“
	— ჟან პოლი

	„უპასუხო სიყვარული არ ამცირებს ადამიანს, არამედ ─ აღამაღლებს მას.“
	— ალექსანდრე პუშკინი