ყურანი

ყურანი არის ისლამის წმიდა წიგნი. შედგება 114 სურისაგან, რომლებიც თავის მხრივ შედგება აიებისაგან. შეიძლება რომ ერთი აია იყოს ერთი ციტატა.

სურა I ალ-ფათიჰაჰ (გამხსნელი (წიგნისა))

გამხსნელი წიგნისა

• 1. სახელითა ალაჰისა, მოწყალისა, მწყალობლისა.

2. ქება ალაჰს, უფალს სამყაროთა,

3. მოწყალესა, მწყალობელსა.

4. სამსჯავროს დღის მბრძანებელსა.

5. მხოლოდ შენა გმონებთ და მხოლოდ შენ გთხოვთ შეწევნას.

6. გვიწინამძღვრე პირდაპირი გზით;

7. იმათი გზით, რომელთაც მიეცი მოწყალება; არა – შერისხულთა და არცა – გზააბნეულთა.

სურა II ალ-ბაყარაჰ (ძროხა)

• სახელითა ალაჰისა, მოწყალისა, მწყალობლისა.

1. ალიფ, ლამ, მიმ,

2. ეს წიგნი – ეჭვი არ არის მასში – ჭეშმარიტი გზაა ღვთისმოშიშთათვის;

3. მათთვის, რომელთაც ირწმუნეს დაფარული, დგრებიან ლოცვად და ხარჯავენ იმას, რასაც ჩვენ სარჩოდ ვუწყალობებთ.

4. რომელთაც ირწმუნეს, რაც ზეგარდმოვლენილ იქნა შენზე; რაც გარდმოვლენილა შენზე უწინ და ზესთასოფლისა სწორედ მათ სჯერათ მტკიცედ.

5. ისინი ჭეშმარიტ გზაზე დგანან თავიანთი უფლის მეოხებით და ისინი ნეტარნი არიან.

• 21. ო, ხალხო, ემონეთ თქვენს უფალს, რომელმაც შეგქმნათ თქვენ და ისინი, ვინც იყვნენ თქვენზე უწინ; რათა ეგების, ღვთისა გეშინოდეთ.

22. რომელმაც ნოხად გიქციათ მიწა, ზეცა კი – სახურავად; გარდმოადინა ციდან წყალი და აღმოაცენა მისით ნაყოფები თქვენს საზრდოდ. ნუ შეუქმნით ალაჰს თანასწორთ, მაშინ, როცა თქვენ უკვე იცით.

23. ხოლო თუ დაგაეჭვებთ ის, რაც გარდმოვუვლინეთ ჩვენს მონას მაშინ, ერთი სურა მაინც მოიტანეთ ამის მსგავსი და უხმეთ თქვენს მოწმეებს – თვინიერ ალაჰისა – თუკი მართალნი ხართ.

24. და თუ ეს არ გაგიკეთებიათ და ვერაც გააკეთებთ, მაშ გეშინოდეთ ცეცხლისა, რომლის სახმილია ადამიანები და ქვები, და რომელიც გამზადებულია ურწმუნოთათვის.

25. ხოლო ახარე მათ, რომელთაც ირწმუნეს და კეთილ საქმეთ აღასრულებდნენ – მათია წალკოტები, რომელთა წიაღაც მიედინებიან მდინარენი. და როცა კი ამ წალკოტთა რომელიმე ნაყოფს ჭაშნიკს გაუსინჯავენ, იტყვიან – ეს ის არის, რაც უწინაც გაგვისინჯავსო, და მას რაიმეს შეადარებენ. ეყოლებათ მათ იქ (მუდმივად) განწმენდილი წყვილები და იქნებიან იქ მარადიულნი.

• 255. ალაჰი – არა არს ღმერთი, თვინიერ მისისა, მარად ცოცხალისა, მიწყივარსებულისა. არასოდეს წაართმევს მას თავს თვლემა, არცა ძილი. მისია ყოველი, რაც ცათა შინაა და რაც ქვეყანასა ზედაა. და ვინ არის, ვინც მის წინაშე შუამდგომლობას გაბედავს, ისე თუ მისი ნება არ იქნა, რომელმაც იცის ყველაფერი, რაც მათზე უწინ იყო და რაც იქნება მათ შემდგომ. ხოლო ისინი ვერაფერს მისწვდებიან მისი ცოდნისაგან იმის გარდა, რასაც თვით ინებებს. გაშლილია მისი ტახტი ცათა შინა და ქვეყანასა ზედა და არ უჭირს ამ ორის დაცვა. ჭეშმარიტად, იგი მაღალია, დიდებული.

256. არანაირი იძულება – სარწმუნოებაში! გარჩეულია ჭეშმარიტი გზა გზააბნევისგან. ხოლო ვინც არ დაუჯერებს ტაღუთს და ირწმუნებს ალაჰს, მოეჭიდება მტკიცე თოკს, რომელსაც ერთი ნაპობიც კი არსადა აქვს. ალაჰი ყოველისგამგონეა, ყოველისმეცნიერი.

257. ალაჰია მეგობარი მათი, ვინც ირწმუნა; გამოიყვანს მათ სიბნელიდან სინათლეში. ხოლო მათი მეგობარი, ვინაც არ ირწმუნა, ტაღუთია. ისინი არიან ცეცხლის ბინადარნი. იქნებიან იქ მარადიულნი.

სურა XIX მარიამი

სურა CV ალ-ფილ (სპილო)

სურა 105 „ფიილი“ მოწყალე და მწყალობელი ალლაჰის სახელით

1 განა არ დაინახე, როგორ მოექცა უფალი შენი სპილოს პატრონებს? 2 განა არ ჰქმნა მათი განზრახვა ამაოდ? 3 და მიუსია მათზე ჩიტების ურდოები, 4 რომელთაც დაუშინეს გამომწვარი თიხის ქვები 5 და დაამსგავსა (ჰქმნა) ისინი (ბოგანოსგან (ყანის ჭიისაგან)) შეჭმული ყანის დაფლეთილ ფოთოლს!

სურა CXIV ან-ნას (კაცნი)

• სახელითა ალაჰისა, მოწყალისა, მწყალობლისა.

1. თქვი: საშველად მივაშურებ უფალს კაცთა,

2. მუფეს კაცთა,

3. ღვთაებას კაცთა,

4. სიავისაგან დაფარული მაცდუნებლისა,

5. რომელიც ცდუნებას თესს გულებში კაცთა –

6. ჯინთა და კაცთა.

Wikipedia

ვიკიპედიაში არის სტატია: ყურანი