ხელოვნება

ანბანური საძიებელი : ა ბ გ დ ე ვ ზ თ ი კ ლ მ ნ ო პ ჟ რ ს ტ უ ფ ქ ღ ყ შ ჩ ც ძ წ ჭ ხ ჯ ჰ

ა

	„ხელოვნების საიდუმლო შენი მუზების დამალვის უნარში მდგომარეობს.“
	— ალბერტ აინშტაინი

	„იშვიათად ხდება, როცა ჩანაფიქრის სრულ ხორცშესხმას ახერხებს მხატვარი.“
	— რიუნოსკე აკუტაგავა

  ციტატის წყარო: “ხელოვნებით შეპყრობილი” ( წ.)

	„ხელოვნება ყოველთვის რისკია.“
	— რიუნოსკე აკუტაგავა

	„ყოველგვარი ხელოვნება, როგორც უნდა შეიცვალოს მისი ფორმა, ხალხის საშოში ისახება.“
	— რიუნოსკე აკუტაგავა

  ციტატის წყარო: “დიალოგი წყვდიადში” ( წ.)

ბ

	„რა არის ხელოვნება? ─ ბუნების კონცენტრაცია.“
	— ონორე დე ბალზაკი

	„ბუნებისა თუ ადამიანური აზრის გამოსახვაში ნამდვილი საღებავების შერჩევის უნარი გენიის არსებობას მოწმობს, ხოლო ხშირად ამ გენიის ადგილს შთაგონება იჭერს.“
	— ონორე დე ბალზაკი

  ციტატის წყარო: “ვენდეტა” (1830 წ.)

	„ხელოვნება შექმნილია მარტოხელას მიერ, მარტოხელასთვის.“
	Art is made by the alone for the alone.
	— ლუის ბარაგანი

  ციტატის წყარო: „დრო“ (1980 წ.)

	„ამერიკელი ხელოვანები სულ ახლის ძიებაში არიან, რაც საკუთარი თავის შეცნობაშიც გვეხმარება.“
	— ფრედერიკ ბეგბედერი

  ციტატის წყარო: “ფანჯრები მსოფლიოზე” (2003 წ.)

	„რატომ უნდა ყველას, ხელოვანი გახდეს? [...] რას ეძებენ: სილამაზეს თუ ჭეშმარიტებას? არა, ეგ საბაბია. მთავარი მიზეზი კი ის არის, რომ ცნობილნი უნდათ გახდნენ.“
	— ფრედერიკ ბეგბედერი

  ციტატის წყარო: “ფანჯრები მსოფლიოზე” (2003 წ.)

	„მას შემდეგ, რაც ხელოვნებას ნარცისიზმის სენი შეეყარა, ყველას ერთმანეთისა შურს.“
	— ფრედერიკ ბეგბედერი

  ციტატის წყარო: “ფანჯრები მსოფლიოზე” (2003 წ.)

	„ხელოვანის ვალდებულებაა რეალობის ბუნება ასახოს.“
	— ენტონი ბერჯესი

  ციტატის წყარო: გამოუქვეყნებელი ინტერვიუდან (1972 წ.)

	„ხელოვანი მეამბოხეა, რომელიც თავისი ნამუშევრით კონტროლის წინააღმდეგ ილაშქრებს. ის სცილდება იმ საკუჭნაოს კედლებს, სადაც ხატავს, ან წერს, ან აქანდაკებს, და სწორედ ამგვარი ქმედებით იმკვიდრებს თავს.“
	— ენტონი ბერჯესი

  ციტატის წყარო: გამოუქვეყნებელი ინტერვიუდან (1972 წ.)

	„ხელოვნება, რომელმაც ადამიანურობა დაკარგა, აღარ არის ხელოვნება.“
	— ევგენი ბრანდისი

  ციტატის წყარო: “მომავლის ხელოვნება და ფანტასტიკა” (1969 წ.)

	„მან ხელოვნებას ზურგი აქცია და ჩაახშო საკუთარი ნიჭი, ეს კი თვითმკვლელობაზე უფრო საშინელი რამ არის.“
	— ევგენი ბრანდისი

  ციტატის წყარო: “მომავლის ხელოვნება და ფანტასტიკა” (1969 წ.)

	„ეპოქას, რომელსაც დიდი მიზნები არ აქვს, დიდი ხელოვნებაც არ გააჩნია.“
	— ბერტოლტ ბრეხტი

გ

	„ხელოვნებაა თვით უკვდავება.“
	— კონსტანტინე გამსახურდია

  ციტატის წყარო: “დიდოსტატის მარჯვენა” (1938-1939 წწ.)

	„არც ასაკი და არც სქესი შეღავათს არ იძლევა ხელოვნებაში.“
	— კონსტანტინე გამსახურდია

	„ყველაფერზე უფრო ძვირფასი მხატვრისათვის მაინც იგია, [...] რასაც მოცალეობის ჟამს დახატავს იგი თამაშით.“
	— კონსტანტინე გამსახურდია

  ციტატის წყარო: “დიდოსტატის მარჯვენა” (1938-1939 წწ.)

	„ყველაზე კარგი სურათი იგია, რომლისთვისაც სულს მოსთხოვენ ერთ დღეს დამხატველს.“
	— კონსტანტინე გამსახურდია

  ციტატის წყარო: “დიდოსტატის მარჯვენა” (1938-1939 წწ.)

	„ხელოვნება გულის სისხლს მოითხოვს საფასად, თუ მთელი ჯანი არ შეალიე ამ სასტიკ ბომონს, არაფერი გამოგივა ხელიდან.“
	— კონსტანტინე გამსახურდია

  ციტატის წყარო: “დიდოსტატის მარჯვენა” (1938-1939 წწ.)

	„რომელ გულს ეყოფა ძალა, მიჯნურობასა და ხელოვნებას ემსახუროს ორსავეს თანაბრად? ასე ყოფილა ჟამის დასაბამიდან: ერთი ბომონი ვერ დაიტევს ვერასოდეს ორ კერპს.“
	— კონსტანტინე გამსახურდია

  ციტატის წყარო: “დიდოსტატის მარჯვენა” (1938-1939 წწ.)

	„არსებობენ ცრუხელოვანნი ─ დილეტანტები და სპეკულიანტები; პირველნი ხელოვნებაში იღწვიან გართობისათვის, მეორენი ─ გამორჩენისათვის.“
	— გოეთე

	„ხელოვნება ─ ესაა ჭვრეტა; ესაა გონების სიხარული, ბუნების სიღრმეში რომ შეუღწევია და ჩასწვდომია იმ ღვთაებრივ საწყისს, რომელიც მას აცოცხლებს.“
	— გოეთე

	„ჯერ კიდევ სიყმაწვილეში დავრწმუნდი, რომ ხელოვნება უფრო დიდსულოვანია, ვიდრე ადამიანი.“
	— მაქსიმ გორკი

	„ჭეშმარიტი ხელოვნება ვერ იქნება საშუალო ადამიანის შრომის შედეგი, რადგან მას არ შეუძლია შექმნა, არ შეუძლია იყოს „მე“.
	— გიორგი გურჯიევი

  ციტატის წყარო: „დანახული რეალური სამყაროდან“ ( წ.)

დ

	„მხატვრისთვის ჯობია იყოს მდიდარი, ვიდრე ღარიბი, ამიტომ ხატვა ისე ისწავლე, რომ შენი ფუნჯი ოქროსა და ძვირფას თვლებს ბადებდეს.“
	— სალვადორ დალი

	„ნუ შეაფურთხებ საკუთარ ნახატს ─ მას ხომ შეუძლია, როცა მოკვდები, უკან შემოგაფურთხოს.“
	— სალვადორ დალი

	„თუ თქვენ აღიქვამთ საკუთარ ნახატს, ჯობია საერთოდ არ დახატოთ ის.“
	— სალვადორ დალი

	„ხელოვნება ─ ეს არის რაღაც წარსულისათვის და რაღაც წარსულიდან.“
	— ჯონ დეკლესი

  ციტატის წყარო: “სურათი” (1966 წ.)

	„ხელოვნება მხატვრისაგან მოითხოვს ადამიანის ცხოვრების ძირითად კანონზომიერებათა ცოდნას. ცხოვრება კი ისე გართულდა, რომ ვეღარავის შეუცვნია მისი კანონზომიერებანი.“
	— ჯონ დეკლესი

  ციტატის წყარო: “სურათი” (1966 წ.)

	„მხატვარს აუდიტორიასთან უნდა აკავშირებდეს ცხოვრებისეული გამოცდილების ერთობა. ეს ერთობა კი ადამიანებმა დაკარგეს.“
	— ჯონ დეკლესი

  ციტატის წყარო: “სურათი” (1966 წ.)

ე

	„ცხოვრებასთან მეტისმეტი სიახლოვე ხელოვნებისათვის მომაკვდინებელია.“
	— რალფ ულდო ემერსონი

	„მხატვარმა მთლიანად უნდა შესწიროს თავი ხელოვნებას ისევე, როგორც ფუტკარი თმობს სიცოცხლეს ნესტართან ერთად.“
	— რალფ ულდო ემერსონი

ვ

	„მხატვრებს ამოძრავებთ შინაგანი დაძაბულობა, რომელიც ჩნდება კომუნიკაციისა და დამალვის სურვილებს შორის.“
	— დონალდ ვინეკონტი

	„ყმაწვილმა პირველად უნდა ისწავლოს პერსპექტივა, მერე საგანთა ზომა, კარგი ოსტატების ნახატები, ნატურა, სხვა ოსტატთა ტილოები, დაბოლოს, უნდა მიეჩვიოს ყოველი ჩანაფიქრის პრაქტიკულად განხორციელებას.“
	— ლეონარდო და ვინჩი

	„ხელოვნება ფულის შოვნის საშუალება არ არის; ეს ყველაზე ჰუმანური გზაა, რომელიც ცხოვრებას ოდნავ ასატანს ხდის.“
	— კურტ ვონეგუტი

თ

	„ნახატის მხატვრული ღირსება როდია დამოკიდებული დასახატი საგნის ღირსებაზე.“
	— რაბინდრანათ თაგორი

  ციტატის წყარო: “დღენი ჩემი სიჭაბუკისა” (1911-1912 წწ.)

	„თუ საგანი ძლევს შემოქმედს, შედეგი იქნება არა მისი გარდატეხა ხელოვანის სულში, არამედ მისი მხოლოდ გარეგანი, ფოტოგრაფიული ასახვა.“
	— რაბინდრანათ თაგორი

  ციტატის წყარო: “დღენი ჩემი სიჭაბუკისა” (1911-1912 წწ.)

კ

	„სამყაროში ყველაფერი ცხადი რომ იყოს ჩვენთვის, მაშინ არც ხელოვნება იარსებებდა.“
	— ალბერ კამიუ

  ციტატის წყარო: “სიზიფეს მითი” (1942 წ.)

	„შემოქმედი კაცი ─ ესაა ცხოვრების რიტმში ჩაუმჯდარი (და არა რიტმიდან ამოვარდნილი), დროსა და სივრცეში განუპიროვნებელი.“
	— ყარამან კიკვიძე

	„ცხოვრებაში იმაზე დიდი შეცდომა არ არსებობს, როცა ხელოვნების შედევრს შეუსაბამო მომენტში გაეცნობი.“
	— აგათა კრისტი

ლ

	„ვის ვხვდებით ჩვენ მეტწილად ჩვენს დღეებში? მოქანდაკეებს? არა, ქანდაკების ფაბრიკანტებს. მხატვრებს? არა, სურათების ფაბრიკანტებს. მუსიკოსებს? არა, მუსიკის ფაბრიკანტებს.“
	— ფრანც ლისტი

  ციტატის წყარო: “წერილები მუსიკის ბაკალავრისგან” (1837–1841 წ.)

მ

	„ხელოვნების გამარჯვება, როგორც ჩანს, ნაყიდია მორალური ხარისხის ფასად.“
	— კარლ მარქსი

	„ხელოვნების მიზანი სულ უბრალოა, ─ მიანიჭოს ადამიანს სიხარული და შთაბეროს მას მხნეობა.“
	— კოტე მარჯანიშვილი

	„მხატვარი თუ ბევრ ნახატს ტოვებს, მას ერთადერთი სერიოზული მტერი ჰყავს და ეს მისივე ცუდი ნახატებია.“
	— ანრი მატისი

	„ნამდვილი ხელოვნება ხომ საშუალებაა, ჩაიხედო საკუთარ თავში, აღმოჩნდე საკუთარი შესაძლებლობების პირისპირ, დაინახო, ვინ ხარ დღეს და ვინ შეგიძლია, რომ იყო.“
	— ვახტანგ მოსიაშვილი

  ციტატის წყარო: “სიბრძნე სიცრუისა” (2013 წ.)

პ

	„ხელოვნება ტყუილია, რომელიც გვაახლოებს სიმართლესთან.“
	— პაბლო პიკასო

რ

	„შემოქმედებითი ადამიანი მოტივირებულია იმის სურვილით, რომ შედეგს მიაღწიოს და არა იმის სურვილით, რომ სხვებს აჯობოს...“
	— აინ რენდი

	- ნუთუ ბატონი ელჩი ფერწერით ერთობა?! - პირიქით, მხატვარი ერთობა ზოგჯერ ელჩობით.
	— პეტერ პაულ რუბენსი

უ

	„გამოვავლინოთ ხელოვნება ისე, რომ არ ჩანდეს ხელოვანი - აი, ეს არის ხელოვნების მიზანი.“
	— ოსკარ უაილდი

  ციტატის წყარო: “დორიან გრეის პორტრეტი” (1890 წ.)

	„ხელოვნება გაცილებით უფრო აბსტრაქტულია, ვიდრე ჩვენ ვფიქრობთ.“
	— ოსკარ უაილდი

  ციტატის წყარო: “დორიან გრეის პორტრეტი” (1890 წ.)

	„ხელოვნება ცხოვრების სუროგატია, ამიტომაც ხელოვნება უყვართ მათ, ვისაც ცხოვრება არ შეუძლია.“
	— ოსკარ უაილდი

	„ხელოვანი მშვენიერების შემოქმედია.“
	— ოსკარ უაილდი

  ციტატის წყარო: “დორიან გრეის პორტრეტი” (1890 წ.)

	„არც ერთი დიდი ხელოვანი არ ხედავს საგანს ისეთად, როგორიც არის ის სინამდვილეში; რომ დაენახა, ხელოვანიც არ იქნებოდა...“
	— ოსკარ უაილდი

	„წარმოდგენაც კი არ მაქვს, სად მთავრდება ხელოვნება და იწყება რეალობა.“
	— ენდი უორჰოლი

ფ

	„ყოველი დიდი არტისტი სანთელს ორივე ბოლომდე წვავს.“
	— გიუსტავ ფლობერი

  ციტატის წყარო: “მადამ ბოვარი” (1856 წ.)

	„საოცარია, მაგრამ ზოგჯერ უმეცარ თავებში შეაღწევს ხოლმე ხელოვნების უდიდესი ჭეშმარიტების ნაპერწკლები.“
	— ედუარდ მორგან ფორსტერი

  ციტატის წყარო: “ცის ომნიბუსი” (1911 წ.)

შ

	„არც ერთი ხელოვნება არ შეისწავლის ადამიანის სახეს.“
	— უილიამ შექსპირი

	„სიკეთეს ითხოვთ ხელოვანისგან?! მერე ხართ განა სიკეთის ღირსნი?! მარად ცოცხალი ხელოვნება ხომ შობილა მარად თქვენთან ბრძოლაში!“
	— ფრიდრიხ შილერი

	„იყენებ სარკეს, რათა შენი სახე დაინახო. იყენებ ხელოვნების ნიმუშებს, შენი სულის დასანახად.“
	— ჯორჯ ბერნარდ შოუ

ჩ

	„ჭეშმარიტ ხელოვნებას, როგორც წესი, ავტორი არ ჰყავს.“
	— ირაკლი ჩარკვიანი

	„ხელოვნება თავისი არსით უფრო ბედნიერია, ვიდრე უკვდავება.“
	— ირაკლი ჩარკვიანი

	„სადაც ხელოვნება და ტალანტია, იქ უძლურია სიბერე, მარტოობა, ავადმყოფობა და, გარკვეულწილად, თვით სიკვდილიც კი.“
	— ანტონ ჩეხოვი

	„ადამიანი, რომელსაც არაფერი სურს, არაფრის იმედია არ აქვს და არაფრის ეშინია, ვერასდროს გახდება ხელოვანი.“
	— ანტონ ჩეხოვი

ჰ

	„ეპოქას თავისი ხელოვნება. ხელოვნებას თავისი თავისუფლება..“
	Der Zeit ihre Kunst. Der Kunst ihre Freiheit.
	— ლუდგვიგ ჰევეზი

  ციტატის წყარო: ლუდგვიგ ჰევეზი. www.secession.at. 1897.

	„სიურეალიზმი ─ რეალიზმია, რომელიც განთავისუფლებს ბანალური აზროვნებისგან.“
	— [[]]