დასავლეთის ფრონტი უცვლელია
„დასავლეთის ფრონტი უცვლელია“ (Im Westen nichts Neues) — ერიხ მარია რემარკის პირველი პოპულარული რომანი, რომელიც 1929 წელს გამოვიდა.
ციტატები
[რედაქტირება]- ეს წიგნი არც ბრალდებაა და არც აღსარება. იგი მხოლოდ იმ თაობის ამბის თხრობას ცდილობს, რომელიც მისთვის განკუთვნილ ყუმბარებს კი გადაურჩა, მაგრამ ომისგან მაინც დაინგრა.
- ამ აღმზრდელებს თავიანთი გრძნობები გულის ჯიბეში უდევთ; აკი არიგებენ კიდეც აქეთ-იქით ყოველ საათს.
- ჩვენ ჯერ არ გვქონდა ფესვი გამდგარი. ომმა წაგვლეკა. სხვებისთვის - უფროსებისთვის - ომი ერთგვარი წყვეტაა, შეუძლიათ ფიქრში ომი საერთოდ გამოტოვონ. ჩვენ კი ომს შეპყრობილი ვყავართ და არ ვიცით, რით დამთავრდება ეს ყველაფერი.
- ...უდიდესი უნამუსობაა ცხოველების ომში გაშვება.
- ორი წელი სროლა და ყუმბარების ტყორცნა, ამისგან ასე ადვილად განთავისუფლება რთულია
- ჩვენ აღარ ვართ ახალგაზრდები. ჩვენ აღარ გვსურს სამყაროზე იერიში. ჩვენ გავურბივართ. გავურბივართ საკუთარ თავს. საკუთარ ცხოვრებას
- ფრონტი გალიასავითაა, ვინც მასში მოხვდა უნდა დაძაბოს ნერვები და დაელოდოს რა მოუვა.
- ყოველი ჯარისკაცი ცოცხალია მხოლოდ ათასი სხვადასხვა შემთხვვითიობის გამო.
- იგი დაიღუპა 1918 წლის ოქტომბერში, ისეთ დღეს, როდესაც მთელს დასავლეთ ფრონტზე ისეთი სიწყნარე და სიმშვიდე იყო რომ გაზეთებსი ცნობები შემოიფარგლებოდა ფრაზით "დასავლეთ ფრონტი უცვლელია".
- იგი სახით დაეცა და მძინარესავით იწვა. როდესაც იგი გადააბრუნეს ცხადი იყო, რომ იგი დიდხანს არ იტანჯებოდა, სახეზე მას ისეთი მშვიდი გამომეტყველება ჰქონდა, თოთქოს იგი კმაყოფილი იყო, რომ ყველაფერი ასე დასრულდა.