დასავლეთის ფრონტი უცვლელია
„დასავლეთის ფრონტი უცვლელია“ (გერმ. Im Westen nichts Neues) — ერიხ მარია რემარკის 1929 წელს გამოცემული ანტიმილიტარისტული რომანი.
ანოტაცია
[რედაქტირება]ეს წიგნი არც ბრალდებაა და არც აღსარება ─ ის მხოლოდ მცდელობაა, მოგითხროთ იმ თაობის შესახებ, რომელიც ომმა გაანადგურა, მიუხედავად იმისა, გადაურჩა თუ არა მის ჭურვებს. |
ციტატები
[რედაქტირება]„ყველაზე ჭკვიანი ღარიბი და უბრალო ხალხი აღმოჩნდა; მათ ომი თავიდანვე უბედურებად მიიჩნიეს, მაშინ როცა შეძლებულებმა სიხარულისაგან ლამის ჭკუა დაკარგეს.“ |
ციტატის წყარო: “დასავლეთის ფრონტი უცვლელია” (1929 წ.) თავი I
„ადამიანისათვის გადამწყვეტი მნიშვნელობა აქვს არა გონს, არამედ ფეხსაცმლის ჯაგრისს; არა აზრს, არამედ განაწესს; არა თავისუფლებას, არამედ სამხედრო წვრთნას.“ |
ციტატის წყარო: “დასავლეთის ფრონტი უცვლელია” (1929 წ.) თავი II
„შიმშილს ვგრძნობ, უფრო ძლიერს, ვიდრე კუჭისას.“ |
ციტატის წყარო: “დასავლეთის ფრონტი უცვლელია” (1929 წ.) თავი II
„ფრონტი გალიაა, რომელშიც მოხვედრილი, ნერვებდაწყვეტილი უნდა ელოდო, თუ რა მოგივა.“ |
ციტატის წყარო: “დასავლეთის ფრონტი უცვლელია” (1929 წ.) თავი VI
„მიჩვევით აიხსნება, რომ თითქოს ასე სწრაფად გვავიწყდება ყველაფერი.“ |
ციტატის წყარო: “დასავლეთის ფრონტი უცვლელია” (1929 წ.) თავი VII
„ყველაფერი, რაც აქ, ომში ყოფნისას მძიმე ლოდივით გვაწვება გულზე, ომის შემდეგ გაიღვიძებს და მაშინ დაიწყება დაპირისპირება სიცოცხლესა და სიკვდილს შორის.“ |
ციტატის წყარო: “დასავლეთის ფრონტი უცვლელია” (1929 წ.) თავი VII
„რა არის შვებულება? ─ ეს ცვლილებაა, რომელიც მოგვიანებით ყველაფერს უფრო ართულებს. უკვე ახლა გვახსენებს დამშვიდობებას.“ |
ციტატის წყარო: “დასავლეთის ფრონტი უცვლელია” (1929 წ.) თავი VII
„როცა ამდენი მიცვალებული მყავს ნანახი, მხოლოდ ერთის გამო ჩემთვის ცოტა გაუგებარია ამდენი ტანჯვა.“ |
ციტატის წყარო: “დასავლეთის ფრონტი უცვლელია” (1929 წ.) თავი VII
„როგორი ყალბი და უსარგებლოა ჩვენი ათასწლოვანი ცივილიზაცია, თუკი ისიც კი ვერ შეძლო, რომ თავიდან აეცილებინა ეს სისხლის მდინარეები, დაეშვა ასიათასობით ასეთი საწამებელი ჯურღმულის არსებობა.“ |
ციტატის წყარო: “დასავლეთის ფრონტი უცვლელია” (1929 წ.) თავი X
„ვხედავ, რომ ხალხს ერთმანეთის წინააღმდეგ აქეზებენ და ისინი ერთმანეთს ხოცავენ, ჩუმად, ისე, რომ არ იციან, რას სჩადიან, გაუაზრებლად, დანაშაულის გრძნობის გარეშე, ვიღაცის ნებას დამორჩილებულნი. ვხედავ, რომ სამყაროს საუკეთესო ტვინები ქმნიან იარაღს, რომ ეს კოშმარი გაახანგრძლივონ და იყენებენ სიტყვებს, რომ ამ ყველაფერს ლამაზი ახსნა მოუძებნონ.“ |
ციტატის წყარო: “დასავლეთის ფრონტი უცვლელია” (1929 წ.) თავი X
„ისეთი მარტოსული ვარ და ისე გადავეჩვიე რაიმეს მოლოდინს, რომ შიშის გარეშე შემიძლია შევხედო თვალებში სიცოცხლეს.“ |
ციტატის წყარო: “დასავლეთის ფრონტი უცვლელია” (1929 წ.) თავი XII
„ვიდრე ცოცხალი ვარ, ცხოვრება თავის გზას გაიკვლევს, განურჩევლად იმისა, უნდა თუ არა ეს იმ რაღაცას, რაც ჩემში ცოცხლობს და საკუთარ თავს „მეს“ ეძახის.“ |
ციტატის წყარო: “დასავლეთის ფრონტი უცვლელია” (1929 წ.) თავი XII