1984 (რომანი)

„1984“ — ჯორჯ ორუელის ანტიუტოპიური რომანი. ავტორმა სიუჟეტი 1943 წელს ჩაიფიქრა, რეალურად კი 1947-1948 წლებში დაიწერა. რომანის დასახელება, მასში გამოყენებული ტერმინოლოგია ტოტალიტარული რეჟიმის მახასიათებლებად იქცა. სოციალისტურ ქვეყნებში რომანი არაერთხელ გამხდარა მძაფრი კრიტიკისა და ცენზურის მსხვერპლი.

ციტატები

პარტიის სამი ლოზუნგი:

ომი მშვიდობაა

თავისუფლება მონობაა

უცოდინრობა ძალაა

კრიზისულ მომენტებში ადამიანი გარეგან მტერს კი არ ებრძვის, არამედ თვით მის სხეულში მყოფს.

დიდი ძმა გითვალთვალებს
წლიდან წლამდე შემცირდება სიტყვების რაოდენობა და, შესაბამისად, ცნობიერების დიაპაზონიც.
ყოველი შემოკლება წარმატებაა, რაც ნაკლები სიტყვები გაქვს ასარჩევი, მით ნაკლებად ფიქრობ.
ვიდრე არ შეიგნებენ, არასოდეს აჯანყდებიან, და ვიდრე არ აჯანყდებიან, ვერაფერს შეიგნებენ.
სანამ ადამიანი ადამიანად რჩება, სიკვდილი და სიცოცხლე ერთია.
"ამ თამაშს ჩვენ ვერ მოვიგებთ, მაგრამ ზოგიერთი მარცხი სჯობს სხვა მარცხს. სულ ესაა"
მათი ხვევნა-კოცნა ბრძოლა და გამარჯვება იყო, ანუ პარტიისთვის მიყენებული დარტყმა, ანუ პოლიტიკური აქტი
ყველაფერს გათქმევინებენ, ყველაფერს, მაგრამ ვერ დაგაჯერებენ. შენში ვერ შემოვლენ. როცა გრძნობ, რომ ნამდვილად ღირს ადამიანად დარჩენა იმ შემთხვევაშიც კი, როცა ეს არავითარ შედეგს არ იძლევა, მაშინ ისინი დამარცხებული გყავს.
მასები არასოდეს ჯანყდებიან თვითშეთანხმებით და არც, უბრალოდ თავისი დაჩაგრულობის მიზეზით. მათ ხომ არასოდეს ჰქონიათ უფლება, ჰქონოდათ საზომები შესადარებლად, და ისიც კი არ იციან, რომ დაჩაგრულები არიან.
მსოფლიოს დაპყრობა ყველაზე მტკიცედ მათ სჯერათ, ვინც იცის, რომ ეს შეუძლებელია.
უმცირესობაში ყოფნა - თუნდაც ერთკაციანში - გიჟად არ გაქცევს.

მის შესახებ

„შესაძლოა, თითოეული ანტიუტოპიური ხედვა თანამედროვეობის ასახვაა, უბრალოდ ხაზგასმულია და გაზვიადებულიცაა ზოგიერთი ნიშანი მორალის თვალსაზრისით და გაფრთხილების მიზნით.“

— ენტონი ბერჯესი

ციტატის წყარო: “1985” (1978 წ.)