ადამიანი

ანბანური საძიებელი : ა ბ გ დ ე ვ ზ თ ი კ ლ მ ნ ო პ ჟ რ ს ტ უ ფ ქ ღ ყ შ ჩ ც ძ წ ჭ ხ ჯ ჰ

ა

	„კაცი უნდა ეყოს ჯამაგირს და არა ჯამაგირი ─ კაცს.“
	— ჭაბუა ამირეჯიბი

ბ

	„ადამიანების ერთმანეთის არც გარეგნობა მოსდით თვალში და არც საქციელი. სხვისი მოქმედება, ყოფაქცევა, აზრები გამოთქმები, არაფერი ეპიტნავებათ, არაფერი აკმაყოფილებთ. ერთი რაღაცას ყვება, ამბობს ან კითხულობს, მეორე კი ამ დროს წარმოიდგენს, მსგავს შემთხვევაში თვითონ რას გააკეთებდა, რას გაიზიარებდა, რას დაწერდა. ადამიანი ისეა სავსე საკუთარი ფიქრებით, რომ სხვისთვის ადგილი აღარ რჩება.“
	— ჟან დე ლა ბრუიერი

	„ადამიანები, რომელთაც მეტად ბევრი ხინჯი აქვთ, უწინარეს ყოვლისა, მათ სხვებში ამჩნევენ.“
	— ფრენსის ბეკონი

	„ადამიანი — ცოცხალი წინააღმდეგობაა და ამ ხარისხში ცოცხალი გამოცანაა.“
	— სერგეი ბულგაკოვი

გ

	„ზოგიერთი ადამიანი თავისი უმნიშვნელობით ხდება შესამჩნევი.“
	— კონსტანტინე გამსახურდია

დ

	„არცერთი ადამიანი არ არის ისეთი კარგი, როგორიც თავად ჰგონია, და არც ისეთი ცუდი, როგორსაც მისი მოწინააღმდეგეები ფიქრობენ.“
	— დენი დიდრო

	„ხშირად ამბობენ, ადამიანს „მხეცური“ ბუნება აქვსო, მაგრამ სინამდვილეში დიდი უსამართლობაა, ადამიანი ცხოველს შეადარო: ცხოველი ვერასდროს იქნება ისეთი ულმობელი, როგორიც ადამიანია!“
	— ფიოდორ დოსტოევსკი

	„ადამიანის საუკეთესო განსაზღვრა ეს არის: იგი ორ ფეხზე მოსიარულე, უმადური არსებაა.“
	— ფიოდორ დოსტოევსკი

	„ადამიანებს პრობლემების თვლა უფრო მოსწონთ, ვიდრე ბედნიერების.“
	— ფიოდორ დოსტოევსკი

	„ძალზე ძნელია ხოლმე ადამიანის გამოცნობა, დიდი ხნის ნაცნობობის მიუხედავადაც კი!“
	— ფიოდორ დოსტოევსკი

	„აი, მაშინ ხარ ადამიანი, თუ ხელჩაქნეულ ადამიანს თავიდან დააწყებინებ სიცოცხლეს.“
	— გურამ დოჩანაშვილი

	„ადამიანი ტაძრის კედელზე მოხატული ფრესკა არ არის, რომ ერთ განზომილებაში უმზირო, ან მოშალო... მას ირგვლივ უნდა შემოუარო და იმ მხრიდან უმზირო, საიდანაც ლამაზია.“
	— ნოდარ დუმბაძე

ე

	„ბევრი რამ უნდა გადაიტანო, რომ ადამიანი გახდე.“
	— ანტუან დე სენტ-ეგზიუპერი

ვ

	„მანამდე მაინც დავრჩეთ ადამიანებად, სანამ მეცნიერებას არ აღმოუჩენია, რომ რაღაც სხვანი ვართ.“
	— ვოლტერი

კ

	„ადამიანმა რაც არ უნდა ჩაიცვას, სადაც არ უნდა იცხოვროს, სადაც არ უნდა იმუშაოს ან ისწავლოს, მაინც ის იქნება, რაც შინაგანად არის!“
	— პაატა კვარაცხელია

	„ადამიანები ერთმანეთს გაექცეოდნენ, თითოეულის გული და სულისთქმა დაფარული რომ არ იყოს.“
	— იმანუელ კანტი

ლ

	„ადამიანები ერთიმეორეს დაელაპარაკებიან და პასუხს გასცემენ შორეული ქვეყნიდან შორეულ ქვეყანაში.“
	— ლეონარდო და ვინჩი

	„ადამიანები ივლიან და არ იმოძრავებენ; ილაპარაკებენ მასთან, ვინც არაა, მოუსმენენ მას, ვინც არ მეტყველებს.“
	— ლეონარდო და ვინჩი

	„ადამიანების შეცნობა უფრო ადვილია საერთოდ, ვიდრე ერთი კაცისა კერძოდ.“
	— ფრანსუა დე ლაროშფუკო

მ

	„შეიძლება ამ სამყაროში მხოლოდ ადამიანი ხარ, მაგრამ ვიღაცისთვის მთელი სამყარო ხარ.“
	— გაბრიელ გარსია მარკესი

	„წესიერი ადამიანი ყოველთვის უბრალოა.“
	— მარკუს ვალერიუს მარციალი

	„ჩემი აზრით, ადამიანი მთელი სამყაროა ─ ზოგჯერ ყოველნაირ სხვა სამყაროზე უკეთესი...“
	— ამედეო მოდილიანი

	„ადამიანები უცვლელი კანონებით იმართებიან: არსება, რომელიც ჭკუითაა დაჯილდოებული, განუწყვეტლივ არღვევს ღმერთის და თავის მიერ დადგენილ კანონებს.“
	— შარლ ლუი დე მონტესკიე

ნ

	„ადამიანი ანგელოზსა და ცხოველს შორის გადებული ხიდია.“
	— ფრიდრიხ ნიცშე

პ

	„ადამიანი არც ანგელოზია და არც ცხოველი, და მისი უბედურება იმაშია, რომ რაც უფრო ესწრაფვის ანგელოზობას, მით უფრო მეტად ხდება ცხოველი.“
	— ბლეზ პასკალი

ჟ

	„ადამიანი, რომლის ყიდვაც შეიძლება, როგორც წესი, არაფერი ღირს.“
	— ტერი პრატჩეტი

რ

	„დედამიწაზე ყველაფრისთვის საკმარისი ადგილია ─ მხოლოდ ადამიანს არ აქვს ადგილი.“
	— ერიხ მარია რემარკი

  ციტატის წყარო: “ტრიუმფალური თაღი” (1945 წ.)

	„ადამიანები დაანაწილეთ არა მათი სიმდიდრისა და მდგომარეობის მიხედვით, არამედ მათი ზნეობრივი ღირსებების მიხედვით.“
	— მაქსიმილიან რობესპიერი

	„ადამიანები არ იცვლებიან ─ ისინი მხოლოდ თამაშობენ საჭირო როლს, ისევ საკუთარი ინტერესებიდან გამომდინარე.“
	— რომენ როლანი

	„ადამიანებო, იყავით ადამიანურნი! ─ ეს თქვენი პირველი მოვალეობაა.“
	— ჟან-ჟაკ რუსო

	„არცერთი ადამიანი არ უნდა იყოს ისე მდიდარი, რომ სხვისი ყიდვა შეძლოს, და არც ისე ღარიბი, რომ თავის გაყიდვა მოუწიოს.“
	— ჟან-ჟაკ რუსო

	„თითოეული ადამიანი სასარგებლოა კაცობრიობისათვის, მარტო იმითაც კი, რომ არსებობს.“
	— ჟან-ჟაკ რუსო

ტ

	ადამიანი ყოფილა მხეცი, რომელიც თან მძულს, თან ─ მეცოდება!
	— გალაკტიონ ტაბიძე

  ციტატის წყარო: “ხანდახან რისხვა ვინატრე ზეცის”

უ

	„ადამიანები მეტად ლმობიერნი არიან. ისინი მზად არიან, ყველაფერი შეიწყნარონ, გარდა გენიისა.“
	— ოსკარ უაილდი

ქ

	„ადამიანი მიჩვეულია შაბლონებით აზროვნებას.ჩვენ თვითონ სიმარტივისთვის ვქმნით შაბლონებს და მერე ისე ვეპყრობით ,თითქოს ღვთით დაწესებული კანონი იყოს.რა მოეთხოვება კაცს? ან ვისგან მოეთხოვება? კაცი იმას აკეთებს, რაზედაც სინდისი გაწვდება. სინდისს კი ყველა საკუთარი მტკაველით ზომავს.“
	— ჯემალ ქარჩხაძე

შ

	„ადამიანებს ყველაზე მეტად აინტერესებთ ის, რაც მათ საერთოდ არ ეხება!“
	— ჯორჯ ბერნარდ შოუ

ჩ

	„საკუთარ თავში ადამიანს გაუფრთხილდით.“
	— ანტონ ჩეხოვი

	„ადამიანები ვერ იტანენ იმას, ვინც აგრძნობინებს მათ თავიანთ არასრულფასოვნებას.“
	— ფილიპ დორმერ სტენჰოპ ჩესტერფილდი

	„ახლა ყველა ადამიანი მოთხრობა მგონია, იმ წუთშივე წარმოვიდგენ, რომ მოთხრობა ხარ და სათაურს გამოგიძებნი…“
	— გოდერძი ჩოხელი

  ციტატის წყარო: “ადამიანთა სევდა” (1984 წ.)

ჭ

	„ადამიანი მხოლოდ სიცოცხლე ან მხოლოდ სიკვდილი კი არ არის, არამედ ორივე ერთად: სიკვდილიცა და სიცოცხლეც, სიკვდილ-სიცოცხლე. ერთი მეორეს ქმნის, ორივე ერთად კი ─ ადამიანს.“
	— ოთარ ჭილაძე

  ციტატის წყარო: “ყოველმან ჩემმან მპოვნელმან” (1976 წ.)

ჰ

	„ადამიანები იყოფიან ორ კატეგორიად: ისინი, ვისთან ერთადაც ადვილია და ასევე ადვილია მათ გარეშე. და ისინი, ვისთან ერთადაც რთულია, მაგრამ მათ გარეშე ─ შეუძლებელი.“
	— ერნესტ ჰემინგუეი